ကုရ်အာန် မုဖ်သီ ဦးသန်းအောင် (LL.B)
ကုရ်အာန်
မုဖ်သီ ဦးသန်းအောင် (LL.B)
လေးစားအပ်ပါသော ကြွရောက်လာကြတဲ့ ဂုဏ်သရေရှိ အမျိုးသား၊ အမျိုးသမီးများခင်ဗျား။
`အတ်စ္စလားမုအလိုင်းကွန်းမ် ၀ရဟ်မသွလ်လားဟိ ၀ဘရကာသုဟု´
ကျွန်တော့်အနေနဲ့ အခုလို ဂျုမုအာဟ်ခွတ္တဗာဟ် ပြောကြားခွင့်ရရှိတဲ့အတွက် အလ္လာဟ်အရှင်မြတ်ကို ကျေးဇူးတင်ချီးမွမ်းမှု ပြုခဲ့ပြီးဖြစ်ပါတယ်။ ပြီးတဲ့နောက်မှာ ကျွန်တော်ရဲ့မိဘ နှစ်ပါးနဲ့တကွ သင်ဆရာ၊ မြင်ဆရာ၊ ကြားဆရာများအားလုံးကို ဂါရ၀ပြုကျေးဇူးတင်ရှိ ပါကြောင်း ပြောကြားလိုပါတယ်။
ဒီအပတ်မှာ ကျွန်တော်တင်ပြမယ့်ခေါင်းစဉ်ကတော့ `အလ်ကုရ်အာန်´ ကုရ်အာန်ဆိုတဲ့ခေါင်းစဉ်နဲ့ ကျွန်တော်တင်ပြသွားမှာဖြစ်ပါတယ်။ စောစောက ကျွန်တော်ရွတ်ဖတ်သွားတဲ့ ကျမ်းမြတ်ကုရ်အာန် စူရာဟ် ၂း၁၈၅ မှာ `အဲဒီ ရမသွာန်လမှာ ကျမ်းကုရ်အာန်ကို ထုတ်ပြန်ပို့ချပေးခြင်းခံရပါတယ်။ အဲဒီ ကျမ်းမြတ်ကုရ်အာန်ဟာ လူသား ခပ်သိမ်းကို လမ်းညွှန်တဲ့ လမ်းညွှန်ကျမ်းလည်းဖြစ်ပါတယ်။ အဲဒီ လမ်းညွှန်ချက်ထဲမှာမှ ရှင်းလင်းထင်ရှားစွာ ဖော်ပြ ထားခြင်းခံရပြီးတဲ့အပြင် အမှန်နဲ့အမှား၊ သစ္စာတရားနဲ့ မိစ္ဆာအမှား၊ ဓမ္မနဲ့အဓမ္မတို့ကို ဝေဖန်ပိုင်းခြားပေးတဲ့ မှတ်ကျောက်အဖြစ်လည်း ဒီကုရ်အာန်ဟာ တည်ရှိနေတယ်။´လို့ ဖော်ပြထားပါတယ်။
ရမဒွါန်နဲ့ ကုရ်အာန်၊ ကုရ်အာန်နဲ့ ရမဒွါန်ဟာ အင်မတန်လိုက်ဖက်ညီတည်ရှိနေတာကို တွေ့ရမှာဖြစ်ပါ တယ်။ အဲဒီရမဒွါန်မှာပဲ (အင်န်န အန်ဇလ်နာဟု ဖီးလိုင်းလသီလ်ကဒရ်) စူရာဟ် နံပါတ် ၉၇ အာယသ် နံပါတ် (1,2,3)မှာ ဖော်ညွှန်းထားပါတယ်။ `ဧကန်မုချ ငါ အလ္လာဟ်အရှင်မြတ်ဟာ ထိုအရာကုရ်အာန်ကို လိုင်လသွလ် ကဒရ်ဆိုတဲ့ စီမံခန့်ခွဲမှုပြီးပြည့်စုံမှုဖြစ်စေတဲ့ ညအခါကာလမှာ ထုတ်ပြန်ပို့ချပေးခဲ့ပြီးဖြစ်တယ်။´ လို့ ဖော်ပြထား ပါတယ်။ အဲဒီ `လိုင်လသွလ်ကဒရ်´ဆိုတဲ့ဟာကို အသင်တမန်တော်ကို ဘယ်သူကရှင်းလင်းဖွင့်ဆို ပြသမှာလဲ ဆိုတာကို အလ္လာဟ်အရှင်မြတ်က မေးပါတယ်။ ပြီးတဲ့နောက်မှာ အလ္လာဟ်အရှင်မြတ်ကပဲ အဖြေပေးတော်မူပါ တယ်။
`အဲဒီ လိုင်လသွလ်ကဒရ်ဆိုတဲ့ စီမံခန့်ခွဲပြီးပြည့်စုံသောညသည် အလုံးစုံကို ပြီးပြည့်စုံစွာ စီမံခန့်ခွဲမှုပြုခြင်းဆိုတဲ့ ညကာလဟာ လပေါင်းတစ်ထောင်ထက်သာလွန် ကောင်းမွန်တယ်´ဆိုပြီးဖော်ပြပါတယ်။ အဲဒီ လိုင်လသွလ်ကဒရ်မှာ ချပေးတဲ့ ရမဒွါန်လမှာချပေးတဲ့ ကျမ်းကုရ်အာန်ဟာ ကျွန်တော်တို့အားလုံးရဲ့ လက်တကမ်းမှာ သေချာပေါက်တည်ရှိနေပါ တယ်။ အဲဒီ ကုရ်အာန်အကြောင်းကို ကျွန်တော်က တင်ပြသွားမှာဖြစ်ပါတယ်။ အလ်ကုရ်အာန်ဆိုတဲ့ စကားလုံး ဖြစ်လာတဲ့ရင်းမြစ်ဟာ ကရအ – ရက်ရအု၊ ကရ်အွန် ဆိုတဲ့ စုဆောင်းခြင်း၊ စုစည်းခြင်းဆိုတဲ့ ဝေါဟာရစကားလုံးကနေ သဒ္ဒါနည်းအရ ပြောင်းလဲလာတဲ့စကားလုံးဖြစ်တယ်။ အဘိဓါန်ရှင်းလင်းချက်နဲ့ ပညာရှင်တွေရဲ့ ဖွင့်ဆိုချက်တွေကို စုစည်းပြီး ကျွန်တော်တင်ပြပါမယ်။
စူရာဟ်များကို စုစည်းထားပြီး တစ်ခုနှင့်တစ်ခု ဆက်ပေးသောကြောင့်၊ အလ်ကုရ်အာန်ဟုခေါ်ပါသည်။ နောက်တစ်ခါ အလ္လာဟ်၏ကျမ်းဂန်ကို ကုရ်အာန်လို့ခေါ်ဆိုရခြင်းမှာ ထိုကျမ်း၌ အကြောင်းအရာများ၊ အမိန့်များ၊ ညွှန်ကြားချက်များ၊ တားမြစ်ချက်များ၊ ကတိတော်များ၊ သတိပေးချက်များကို တစ်ခုနှင့်တစ်ခု အတူတကွ စုစည်း ထားသောကြောင့် အသိပညာ၊ အတတ်ပညာများ ရရှိနိုင်သောကြောင့်ဟု ဖွင့်ဆိုထားတာကို တွေ့ရပါတယ်။ နောက်တစ်ခါ ကုရ်အာန်ဆိုတာ တစ်နေရာတည်းမှာစုစည်းထားခြင်းဆိုတဲ့ အဓိပ္ပါယ်လည်းရပါတယ်။ အစကနေ အဆုံးအထိတစ်နေရာတည်းမှာ စုစည်းထားခြင်းပါဝင်သလို၊ ပထမဦးဆုံး ချပေးခဲ့တဲ့ ၀ဟီ ကုရ်အာန်မှာ အဲဒီ စကား လုံးရဲ့အမိန့်ပေး စကားလုံးဖြစ်တဲ့ `အစ်က်ရ´`အသင်စာဖတ်ပါ။´လို့ပြောရင်းနဲ့ နောက်အဓိပ္ပါယ်တစ်ခုဖြစ်တဲ့ `အသင်ကြေညာလော့´ဆိုတဲ့ အဓိပ္ပါယ်ကိုပါပေးတဲ့အတွက် ကုရ်အာန်ဟာ ကြေညာနေတဲ့ကျမ်းဂန်ဆိုတာလည်း ပေါ်လွင်နေပါတယ်။ ကေရာအသ်လို့ခေါ်တဲ့ အဆက်မပြတ်ဖတ်ရွတ်သရဈယ်ရင်းနဲ့ သေလာဝသ်နောက်ကနေ ထက်ကြပ်မကွာလက်တွေ့လိုက်နာကျင့်သုံးရခြင်းဆိုတဲ့ အဓိပ္ပါယ်ကိုလည်းပေးပါတယ်။
ဒါ့အပြင် ဂိုင်းဘ်လို့ခေါ်တဲ့ စိတ်ဒွိဟသံသယဖြစ်စရာ အလျင်းမရှိသည့်အပြင် `အစ်ဖ်သရ´ လို့ပြောတဲ့ လီဆည် လုပ်ကြံဖန်တီးမှု၊ လူ့ပယောဂကင်းစင်မှုနဲ့ ပြည့်စုံနေတဲ့ ကျမ်းလည်းဖြစ်ပါတယ်။ ပြီးတော့ ကျမ်းမြတ်ကုရ်အာန်ရဲ့ အစ၊ အလယ်၊ အဆုံးပါဝင်သော အကြောင်းအရာများအားလုံးဟာ တိကျမှန်ကန်ပြတ်သားတဲ့ လမ်းညွှန်ချက်များ အဖြစ် လွန်ခဲ့တဲ့နှစ်ပေါင်း ၁၅၀၀ ခန့်ကနေ ယနေ့ထိတိုင် တည်ရှိနေပြီး အလ္လာဟ်အရှင်မြတ်ရဲ့ ထိန်းသိမ်းကာကွယ် စောင့်ရှောက်မှုကို ရရှိနေတဲ့အတွက် ကေယာမသ်တိုင် တစ်လုံးတစ်ပါဒမျှ၊ အမှားအယွင်း၊ အတိမ်းအစောင်း၊ လိုတိုး ပိုလျှော့မရှိပဲနဲ့ တည်ရှိနေမယ့်ကျမ်းလည်းဖြစ်ပါတယ်။
ပြီးတော့ `သဖ်ဆွီလ်´လို့ခေါ်တဲ့ ထင်ရှားစွာ ရှင်းလင်းပြီးဖြစ်သည့်အပြင် ဘယာန်လို့ခေါ်တဲ့ သစ်ဗ်ယာနဲန် လိကွလ်လိရှိုင်းအင်န်လို့ခေါ်တဲ့ မိမိမှာပါဝင်တဲ့ အကြောင်းအရာများကို မိမိကျမ်းပါလမ်းညွှန်ချက်များကသာ သေချာဂဏရှင်းလင်းပြီးဖြစ်ပြီးတော့ မည်သည့် ရှုပ်ထွေးမှု ကောက်ကွေ့မှုမျှ မပါဝင်တာကို တွေ့ရပါတယ်။ ပြီးတော့ အစ်က်သေဗာ၊ အေသွာအသ် လက်တွေ့လိုက်နာ ကျင့်သုံး အကောင်အထည်ဖော်ရသော ကျမ်းလည်းဖြစ်ပါတယ်။ မီရ် ရဗ်ဗီလ် အာလမီးန်လို့ခေါ်တဲ့ ကျမ်းမြတ်ကုရ်အာန်ဟာ (လူသားပညာရှင်တွေ၊ လူသားတမန်တော်တွေ မိမိတို့ရဲ့စိတ်ကူးနဲ့ ပုံဖော်ပြီးရေးသားထားသော ကျမ်းစာအုပ် အလျင်းမဟုတ်တဲ့) စကြစဠာလောကခပ်သိမ်းကို ပြုစုပျိုးထောင် စီမံခန့်ခွဲလမ်းညွှန်ပြသနေတဲ့ အလ္လာဟ်အရှင်ြမတ်ထံတော်က ထုတ်ပြန်ပို့ချပေး ထားတော်မူတဲ့ ကျမ်းဖြစ်တယ်လို့လည်း ဖော်ပြထားပါတယ်။
ထို့ကြောင့်ကျမ်းမြတ်ကုရ်အာန်ဟာ အလ္လာဟ်အရှင်မြတ်က ထုတ်ပြန်ပို့ချထားတော်မူတဲ့ကျမ်း၊ အလ္လာဟ် အရှင်ြမတ်ကိုယ်တော်တိုင် စုစည်းပေးရန်တာဝန်ယူထားသည့်အတိုင်း ကျမ်းမြတ်ကုရ်အာန် ထုတ်ပြန်ပို့ချပေးခြင်း ခံရတော်မူတဲ့ နောက်ဆုံးနဲ့အန္တိမတမန်တော် မုဟမ္မဒ်(ဆွ)သက်ရှိထင်ရှားရှိစဉ်ကတည်းက အလ္လာဟ်အမိန့် လမ်းညွှန်ချက်နဲ့အညီ တမန်တော်မြတ်ကိုယ်တော်တိုင် တမန်တော်မြတ် သက်ရှိထင်ရှားရှိစဉ်ကတည်းက စုစည်းထားသော ရေးသားမှတ်တမ်းတင်ထားသော ကျမ်းဖြစ်တယ်ဆိုတာကို လေ့လာတွေ့ရှိရပါတယ်။ ထို့ကြောင့် အလ္လာဟ်ထုတ်ပြန်ပို့ချပေးပြီး အလ္လာဟ်ကိုယ်တိုင်စုစည်းပေးရန် တာဝန်ယူ ထားကာ အလ္လာဟ်ကိုယ်တိုင်ထိန်းသိမ်းကာကွယ်စောင့်ရှောက်ပေးထားတော်မူတဲ့ကျမ်းကို သေချာဂဏစွာ ရှင်းလင်းပြသရန် တာဝန်ကိုလည်း အလ္လာဟ်အရှင်ြမတ်ကပဲ ယူထားတော်မူပါတယ်။
အဲဒီအထဲကမှ ပထမဦးဆုံး ကုရ်အာန်နဲ့ အလ်ကိသာဗ် အရွက်တွေ၊ ပေရွက်တွေ၊ စာရွက်တွေကို သီကုံးပြီး ချုပ်လုပ်ထားတဲ့အရာကို အလ်ကီသာဗ်လို့ခေါ်ပါတယ်။ အလ်ကီသာဗ်ရဲ့သဒ္ဒါရင်းမြစ်စကားလုံးက ကုလားအုပ်မရဲ့ မျိုးပွားအင်္ဂါရပ်ကို အပြင်ကမည်သည့်အရာကမှ ထိတွေ့လာလို့မရအောင် အဲဒီမျိုးပွားအင်္ဂါရပ်ကို သံထည်ပစ္စည်း ကဲ့သို့ခိုင်ခံ့သော အရာနဲ့ဖုံးအုပ်ထားလိုက်ပြီး အပြင်နဲ့အတွင်းထိတွေ့မရအောင် လုပ်ထားခြင်းကို အရဗီဘီဒ၀င် ရှေးဟောင်းစာပေအသုံးအရ အလ်ကီသာဗ်လို့ခေါ်ပါတယ်။ ဒါကြောင့် အဲဒီ အလ်ကိသာဗ်ကနေ ဆင်းသက်လာတဲ့ ကျမ်းဖြစ်လာသော စာအုပ်(ကုရ်အာန်)ဟာ အပြင်ကလည်း ၀င်လာလို့မရ၊ အတွင်းကလည်း အပြင်ထုတ်၍လည်း ဘယ်သောအခါမှ လုပ်၍မရလောက်အောင် ပေရွက်တွေ၊ ပါးလွှာသော သားရေချပ်တွေနဲ့ ချုပ်ထားတဲ့အရာကို အလ်ကီသာဗ်လို့ခေါ်ပါတယ်။
အလ္လာဟ်အရှင်မြတ်ဟာ လူသားတွေကို ကမ္ဘာဦးအစကနေ ဖြစ်ထွန်းပေါ်ပေါက်စေတော်မူပြီးတဲ့နောက် လူသားတွေရဲ့ဥာဏ်စဉ်ဖြစ်ထွန်းပေါ်ပေါက်မှုအကောင်းဆုံးအခြေအနေနဲ့ အချိန်အခါကို ရောက်ရှိလာတဲ့ လွန်ခဲ့တဲ့ နှစ်ပေါင်း ၁၅၀၀ခန့်က နောက်ဆုံး အန္တိမတမန်တော်မြတ်မုဟမ္မဒ်(ဆွ)ထံကို နောက်ဆုံးနဲ့အပြီးပြည့်စုံသောကျမ်း၊ အလ်ကုရ်အာန်ကို ၀ဟီအားဖြင့် ထုတ်ပြန်ပို့ချပေးခဲ့ပါတယ်။ အဲဒီထုတ်ပြန်ပို့ချတဲ့ ပထမဦးဆုံး အာယသ် ၅ပါးလို့ ပညာရှင်တွေအားလုံး တပြိုင်နက်လက်ခံထားတဲ့ စူရာဟ်အမှတ် ၉၆ အာယသ် ၃-၅ မှာ အခုလိုဖော်ပြထားပါတယ်။
`အသင်စာဖတ်လော့။ အသင်ကြေညာလော့။ အသင့်အားပြုစုပျိုးထောင် စီမံခန့်ခွဲလမ်းညွှန်တော်မူသော အရှင်သည် အလွန်တရာ ရက်ရောမြင့်မြတ်တော်မူသည်။ အရှင်မြတ်သည် ကလောင်အားဖြင့် ရေးသားခြင်း အတတ်ပညာကို သင်ကြားပေးတော်မူသည်။ ထိုနည်းတူစွာ လူသားတို့အားသင်ယူဆည်းပူးသိနားလည် သဘောပေါက်စေသော အစွမ်းအစကို ထည့်သွင်းပေးထားကာ သင်ကြားပေးတော်မူသည်။´
လူမှာရေးသားခြင်း အတတ်ပညာကို သင်ယူဆည်းပူးနိုင်တဲ့အစွမ်း အလ္လာဟ်ထည့်ပေးထားပါတယ်။ အလ္လာဟ်အရှင်မြတ်က အဲဒီလောက် ရက်ရောတော်မူသော အရှင်ဖြစ်ပါတယ်။ `ပညာကို ရေးသားပြုစုမှတ်တမ်း တင်ခြင်းဖြင့် ထိန်းသိမ်းသည်ကို သိမြင်နိုင်ပေသည်။ အလ္လာဟ်အရှင်မြတ်က နောက်ဆုံးအန္တိမတမန်တော် မုဟမ္မဒ် (ဆွ)ထံ ပထမဦးဆုံးထုတ်ပြန်ပို့ချပေးသော ၀ဟီလမ်းညွှန်ချက်တွင် ရေးသားခြင်း အတတ်ပညာ(ကလောင်)၏ လေးနက်အရေးပါမှုကို ဖော်ပြထားကြောင်းတွေ့ရပါသည်။ တစ်ခါ ကျမ်းမြတ်ကုရ်အာန် စူရာဟ် ၆၈ အာယသ် ၁ မှာ `ပြဌာန်းချက်၏ အစွမ်း (သူ့နောက်အဓိပ္ပါယ်တစ်ခုက ဒါးသွား) ထိုကလောင်တံကို တိုင်တည်သက်သေပြုဆိုသည်။ ယင်းအားဖြင့် ရေးသားမှတ်တမ်းတင်ခြင်းပြုသော အရာများကိုလည်း သက်သေပြုဆိုသည်။ –´လို့ အလ္လာဟ် အရှင်မြတ်က ဖော်ပြထားပါတယ်။
ဒီနေရာမှာ `ကလောင်တံ´ရဲ့အဓိပ္ပါယ်ဟာ `အလ္လာဟ်အရှင်ြမတ်ရဲ့စည်းမျဉ်းအတိုင်း ဥပဒေအားဖြင့် `နူးန်´လူ့ဘောင်လောကကြီး တရားမျှတမှုတည်မြဲစေသော အစွမ်း၊ အဖျက်သများတို့၏ ဖျက်ဆီးမှုဘေး၊ ဆုံးရှုံး ပျက်စီးစေမှုမှ ကာကွယ်တားဆီးရန်ဖြစ်ရာ ၎င်းတို့ကို သက်သေအထောက်အထားပြုထားကြောင်းလေ့လာ တွေ့ရှိ ရပါတယ်။ အလ္လာဟ်အရှင်မြတ်ဟာ လူသားကိုဖြစ်ထွန်းပေါ်ပေါက်စေပြီး စာဖတ်တဲ့အတတ်ပညာ သင်ပေးသလို စာရေးခြင်း၊ အတတ်ပညာကိုလည်းသင်ပေးပါတယ်။ လူတွေရဲ့ကြားထဲမှာ ကုန်စည်ကူးသန်းရောင်းဝယ်ရေးကိစ္စ တွင် အပ်ကုန်စနစ်၊ ကြွေးမြီစနစ်ဖြင့်ရောင်းဝယ်ကိစ္စဆောင်ရွက်လေ့ရှိရာ ထိုကိစ္စရပ်များကို ရေးသားမှတ်တမ်းတင် ထားသင့်ကြောင်း လမ်းညွှန်ချက်အနေနဲ့ ကုရ်အာန်စူရာဟ် ၂း၂၈၂ တွင်လမ်းညွှန်ချက်ပေးထားကြောင်း လေ့လာ တွေ့ရှိရပါတယ်။
အခုကျွန်တော်တင်ပြနေတာကို လူကြီးမင်းများနားသောတဆင်ရင်းနဲ့ အာရုံထဲမှာ မြင်လာပါလိမ့်မယ်။ အရောင်းအ၀ယ်လုပ်တဲ့ကိစ္စမှာ အကြွေးစနစ်နဲ့ အရောင်းအ၀ယ်လုပ်ရင်တောင် ရေးသားမှတ်တမ်းတင်ဖို့ သွန်သင် ဆုံးမနေတဲ့ အလ္လာဟ်အရှင်မြတ်၊ သူထုတ်ပြန်ပေးလိုက်တဲ့ ကုရ်အာန်ကို တာဝန်ကြီးလေးစွာ ထမ်းရွက်ခဲ့တဲ့ နောက်ဆုံးအန္တိမတမန်တော်မြတ်ကြီးက လက်လွတ်စပယ် ထားခဲ့တယ်လို့ ပြောနေတဲ့မွတ်ဆလင်မ် ပညာရှင်တွေ ရှိတယ် ဆိုတာကိုလည်း လူကြီးမင်းများ သိထားဖို့လိုပါလိမ့်မယ်။ အရောင်းအ၀ယ်လုပ်တဲ့ ကိစ္စမှာတောင် ရေးသားမှတ် တမ်းတင်ထားကြဆိုပြီး သင်ပေးထားပါလျက်နဲ့ ကုရ်အာန်ကိုတော့ ရေးသားမှတ်တမ်းတင်ထားခြင်းမပြုခဲ့ဘူးလို့ ပြောဆို ယုံကြည်လက်ခံထားတဲ့ မွတ်ဆလင်မ်အသိုင်းအ၀ိုင်း အများကြီးရှိပါတယ်။ တမန်တော်မြတ်က ဘယ်ဆရာဆီကမှ ဘယ်ပညာရှင်ထံကမှ သင်ယူဆည်းပူးခဲ့မှုမရှိဘူး။ အဲဒီအတွက် သူတို့ကတမန်တော် စာမတတ်ဘူးလို့ပြောတယ်။ ဘယ်ဆရာထံကမှ သင်ယူလာခြင်း မရှိပေမယ့် နောက်ဆုံးအန္တိမတမန်တော်မြတ်ဖြစ်လာတဲ့ မုဟမ္မဒ်ဒူရ်ရစူ လွလ္လာဟ်လို့ပြောပြီး (အစ်က်ရဟ်ဘီစ်မိ–)၀ဟီထုတ်ပြန်ပို့ချခြင်းခံရတဲ့နေ့ အချိန်အခါမှစ၍ ကိုယ်တော်မြတ်ဟာ စာပေရေးရာမှာ ပါရဂူ၊ ရေးသားမှတ်တမ်းတင်မှုမှာ အတတ်မြောက်ဆုံး ပုဂ္ဂိုလ်ဖြစ်လာပါတယ်။
`အို အီမာန်သက်ဝင်ယုံကြည်သူအပေါင်းတို့ မည်သည့်အချိန်အခါတွင်ဖြစ်စေ၊ (အပ်ကုန်) အကြွေးစနစ်ဖြင့် အရောင်းအ၀ယ်ပြုခဲ့သော်၊ ယင်းသတ်မှတ်ချက်များကို ရေးသားမှတ်သားထားကြလော့။´(၂း၂၈၂)
အရောင်းအ၀ယ်ကိစ္စ၊ ကုန်စည်ကူးသန်းရောင်းဝယ်ရေးကိစ္စမျိုးမှာပင်လျှင်၊ ရေးသားမှတ်တမ်းတင်ခြင်းကို လမ်းညွှန်ထားလေရာ အထက်ပါအာယသ်ကို ဆက်လက်လေ့လာလိုက်ပါက
`အကြောင်းအရာသည် သေးငယ်သည်ဖြစ်စေ၊ ကြီးကျယ်သည်ဖြစ်စေ၊ ယင်းတို့နှင့်ပတ်သက်သော အချက်အလက်များကို သတ်မှတ်ကာလအထိ ရေးသားမှတ်တမ်းတင်ကြပါလေ။´ အဲဒီလိုမှာကြားချက်အပြင် ထပ်မံဖြည့်စွက်မှာကြားတာက `ထိုသို့ရေးသားဖို့အတွက် မပျင်းရိကြလေနှင့်။ ထိုသို့ရေးသားထားချက်သည် အလ္လာဟ်အရှင်မြတ်ထံတော်မှ အသင်တို့အတွက် သက်သေ၊ သာဓကနှင့် အထောက်အထားအတွက် ခိုင်လုံသော အချက်ဖြစ်သည်။ ဤသို့ဖြင့် အသင်တို့အဖို့ ယုံမှားသံသယစိတ်ဖြစ်ပေါ်မည်လည်း မဟုတ်ပေ။´
နှုတ်အားဖြင့် ကတိက၀တ်ပြုခြင်းသည် ယုံမှားသံသယဖြစ်စေနိုင်သည်။ စာဖြင့်ရေးသားမှတ်တမ်းတင်မှ သာ သံသယကင်းစင်နိုင်ပါသည်။ အဲဒီ အလ်ကိသားဗ်ဆိုတဲ့ ရေးသားမှတ်တမ်းတင်ထားခြင်းကို ကျမ်းမြတ်ကုရ် အာန်ဖွင့်လိုက်တာနဲ့ `ဤမြင့်မြတ်သော ကျမ်းစာသည် လုံးဝဥဿုံယုံမှားသံသယကင်းစင်သောကျမ်းဖြစ်တော် မူသည်။´(၂း၂)လို့ဖော်ပြထားတာကို တွေ့ရှိရပါတယ်။ အထက်ဖော်ပြပါ အာယသ်တွေကို လေ့လာကြည့်ခြင်းအား ဖြင့် ကုရ်အာန်သည် တမန်တော်မြတ်(ဆွ)သက်ရှိထင်ရှားရှိစဉ်ကတည်းက `ကိသာဗ်´စာဖြင့်ရေးသားမှတ်တမ်း တင်ထားပြီးဖြစ်သော ကျမ်းဂန်အဖြစ် တည်ရှိပြီးဖြစ်ကြောင်း သိနားလည်သဘောပေါက်နိုင်ပါသည်။
တမန်တော်မြတ်(ဆွ)ဟာ မိမိသက်တမ်းတစ်လျှောက်မှာ မည်သည့်ပညာရှင်တစ်ယောက်ဆီကမှ စာပေ ဆည်းပူးခဲ့ခြင်းမရှိဘူး။ ဟုတ်ပါတယ်။ ဘာကြောင့်မရှိရတာလည်းဆိုတာကိုလည်း စဉ်းစားလို့ရပါတယ်။ ကိုယ်တော် ဟာ တဖက်ကမ်းခတ်စာပေပညာရှင်ဆီကသာ သင်ခဲ့ရင်ကိုယ်တော်ဝဟီကို ထုတ်ြပန်ပို့ချတဲ့အချိန်မှာ လူအများက စာပေပညာရှင်သင်ပေးလိုက်တဲ့ဟာကို ကိုယ်တော်ထုတ်ပြန်တာပါလို့ ပြောမှာဖြစ်ပါတယ်။ ဒါနဲ့တောင် စွပ်စွဲချက် တွေက ရှိနေပါသေးတယ်။ ကျမ်းမြတ်ကုရ်အာန် စူရာဟ် ၂၉း၄၈တွင် ၀ဟီလက်ခံရရှိသည်နှင့်တပြိုင်နက် တမန်တော်မြတ်ဟာ စာရေးခြင်းအတတ်ပညာနဲ့ စာဖတ်ခြင်းအတတ်ပညာတွေကို တဖက်ကမ်းခတ်တတ်မြောက် ခဲ့ပြီဆိုတာပေါ်လွင်လာပါတယ်။
ကုရ်အာန် စူရာဟ် ၂၉း၄၈ တွင် `အသင်သည် ကုရ်အာန်ကျရောက်လာခြင်းမတိုင်မီက၊ ကျမ်းဂန်စာပေကို ဖတ်ရှုနိုင်ခြင်းလည်းမရှိ၊ မိမိ၏လက်ယာလက်ဖြင့် ရေးသားနိုင်ခြင်းလည်းမရှိပေ။´
အာယသ်တော်အရ တမန်တော်မြတ်သည် ကုရ်အာန်ဝဟီလက်ခံရရှိချိန်မတိုင်မီက မည်သည့်စာမျှ မဖတ်တတ်သလို မည်သည့်စာမျှလည်း မရေးတတ်ကြောင်းဆိုထားသည်။ ထို့ကြောင့် ဤအာယသ်တော်အရ တမန်တော်မြတ်သည် ၀ဟီကုရ်အာန်လက်ခံရရှိသည်နှင့် ဤအာယသ်ကျရောက်ချိန်တွင် စာပေရေးတတ် ဖတ်တတ်သည့်သဘော သက်ရောက်နေပါသည်။ ထို့ကြောင့် တမန်တော်မြတ်သည် တသက်လုံး စာရေးစာဖတ် တတ်ခြင်းမရှိဟု ပြောဆိုလက်ခံထားခြင်းသည် ကုရ်အာန်ညွှန်ပြချက်နှင့် ဆန့်ကျင်နေပါသည်။
တမန်တော်မြတ်ထံ ၀ဟီကုရ်အာန်ကျရောက်စဉ်ကာလကတည်းက ဆွဟာဗာ သာဝကကြီးများအား လက်ရေး၊ ရေးထုံးသင်ကြားစေပြီး မြတ်တမန်၏လက်ရွေးစဉ်ကာသိဗ်(စာရေးတော်)များက မြတ်တမန်၏ ဦးဆောင်မှုဖြင့် ရေးသားမှတ်တမ်းတင်ထားခဲ့တဲ့အကြောင်း ကုရ်အာန်စူရာဟ် ၂၅း၅ တွင် အောက်ပါအတိုင်း ဖော်ပြထားပါတယ်။
`ကာဖိရ်တို့က ပြောဆိုကြသည်မှာ ဤကုရ်အာန်ကျမ်းသည် အတိတ်ကာလလူတို့၏ ပုံပြင်ဒဏ္ဍာရီဖြစ်ပြီး ဤသူသည် မိမိ၏စိတ်ကူးမှန်းဆချက်ဖြင့် ရေးသားခဲ့ခြင်းဖြစ်သည်။ ဤသည်ကို နံနက်ချိန်နှင့်ညနေချိန်တွင် တည်းဖြတ်ကြသည်။ (အို– တမန်တော်) အသင်ပြောဟောကြေညာလော့။ ဤကုရ်အာန်သည် အာကာသမိုး ကောင်းကင်များနှင့် ကမ္ဘာဂြိုဟ်တစ်ခွင်တစ်ပြင်ရှိ ရှိကြကုန်သော လျှို့ဝှက်ချက်တို့ကို အကြွင်းမဲ့သိတော်မူသော အလ္လာဟ်အရှင်ြမတ်ထံတော်မှ ချပေးတော်မူသော ကျမ်းဂန်ဖြစ်သည်။´ဆိုပြီး ဖော်ပြထားပါတယ်။ စောစောက ပြောတဲ့ (ဘုက်ရသောင်ဝ်၀အဆွီလာ) နေ့ရော၊ ညရော ကျမ်းမြတ်ကုရ်အာန်စူရာဟ် ၇၃း၂၀ မှာ တမန်တော်မြတ်နဲ့ ထိပ်သီးအဆွာဗ်တော်တွေက ညရဲ့သုံးပုံတစ်ပုံ၊ ညရဲ့တစ်ဝက်၊ ညရဲ့သုံးပုံနှစ်ပုံအချိန်ယူပြီးတော့ ကုရ်အာန်ရေးသား မှတ်တမ်းတင်ခြင်းကိစ္စကို ဆောင်ရွက်ခဲ့တဲ့ဟာကို ကျွန်တော်တို့ရဲ့ မဟာပညာကျော်တွေက တမန်တော်မြတ်နဲ့ အဆွာဗ်တော်တွေ ညဖက်မှာ သဟ်ဂျွဒ်ဖတ်တယ်ဆိုပြီး ဘာသာပြန်ထားတာကို သွားကြည့်ရင်တွေ့ပါလိမ့်မယ်။
ဒီနေရာမှာ စကားလုံးတစ်လုံးက (ကသဘ)ကို ဖြစ်လာတဲ့ (ကသဘ)ကနေ ပုံသဏ္ဍာန်ပြောင်းလဲလာတဲ့ (အစ်က်သသဘ)၏ ဆိုလိုရင်းသည် ကိုယ်တိုင်ရေးသားမှတ်တမ်းတင်သည်။ တစ်စုံတစ်ဦးက ပြောတာကို သူက လိုက်ရေးသားမှတ်တမ်းတင်သည်ဟု အဓိပ္ပါယ်ရသည်။ ဤကျမ်းသည် အလ္လာဟ်ထံတော်မှ ကျရောက်လာခြင်း ဖြစ်၍ တမန်တော်မြတ်သည် ကိုယ်ပိုင်စိတ်ကူးမှန်းဆချက်ပင်ဖြင့် ပြုစုခြင်းမဟုတ်ဘဲ၊ အလ္လာဟ်အရှင်မြတ်၏ လမ်းညွှန်မိန့်ကြားချက်ကို တမန်တော်မြတ်ကိုယ်တိုင်က ရေးသားမှတ်တမ်းတင်ခဲ့သည်ကို ဖော်ပြထားကြောင်း လေ့လာတွေ့ရှိနိုင်ပါတယ်။
အဲဒါနဲ့ပတ်သက်တဲ့ အထောက်အထား မက္ကာဟ်ခေတ်မှာရော၊ မဒီနာခေတ်မှာရော ကျမ်းမြတ်ကုရ်အာန်ရဲ့ အာယသ်တော်တွေထုတ်ပြန်ပို့ချခြင်းခံရတဲ့အခါမှာ ကိုယ်တော်နဲ့အဆွာဘ်တော်တွေဟာ ကျမ်းမြတ်ကုရ်အာန်ရဲ့ စူရာဟ်အာယသ်များကို စုစည်းပြီးရေးသား မှတ်တမ်းတင်ထားခြင်းဖြစ်ပါတယ်။ ကျမ်းမြတ်ကုရ်အာန် စူရာဟ် ၅၆း၇၆-၇၇-၇၈ မှာ
`အကယ်၍ အသင်တို့နားလည်သဘောပေါက်နိုင်ကြပါလျှင် ကုရ်အာန်သည် ကြီးကဲမြင့်မြတ်လှသော သာဓကဖြစ်သည်။ ဧကန်စင်စစ် ထိုကျမ်းဂန်သည် မြင့်မြတ်လှစွာသော ကုရ်အာန်ဖြစ်သည်။ ထိုကုရ်အာန်သည် လုံခြုံစွာထ်ိန်းသိမ်းစောင့်ရှောက်ထားသော စိတ်ချရသည့်ကျမ်းတွင် ရေးသားထားခြင်းဖြစ်သည်။´
ဒီကနေ့ကမ္ဘာပေါ်မှာ ရှိနေတဲ့ ကုရ်အာန်ကျမ်းစာအုပ်တွေကို ပလီထဲဝင် စုပ်ဖြဲ၊ မီးရှို့၊ ဖျက်ဆီး ကြိုက်သလို လုပ်၊ ဘာမှမဖြစ်ဘူး။ ဒီကနေ့ခေတ်မှာ စာအုပ်အသွင်နဲ့ရှိနေတဲ့ ကုရ်အာန်ဟာ ကျွန်တော်တို့သုံးစွဲနေတဲ့ ဖုန်းထဲမှာ တစ်အုပ်လုံးရောက်နေပြီဖြစ်တယ်။ ကုရ်အာန်အာယသ်မဟုတ်တာကို ကုရ်အာန်အာယသ်ပါလို့ စွပ်စွဲလို့လည်း မရ ပါဘူး။ လူတွေရဲ့ပယောဂနဲ့ ဖျက်ဆီးလိုက်ရုံနဲ့ အလ္လာဟ်အရှင်မြတ်ရဲ့အဲဒီစနစ်ကြီး ဘယ်တော့မှ ပျက်စီးသွားမှာ မဟုတ်သလို အလ္လာဟ်ကျမ်းဂန်ကုရ်အာန်ဟာလည်း ဘယ်တော့မှ တိမ်ကောပပျောက်သွားမှာ မဟုတ်ပါဘူး။
ကမ္ဗည်းတင်မှုနဲ့ပတ်သက်ပြီးတော့လည်း အထောက်အထားပေးပါမယ်။ မမှန်ကန်မှု အမှား၊ စိတ်ကူးမှန်းဆချက်၊ ဒွိဟသံသယတို့ဟာ ကျမ်းမြတ်ကုရ်အာန်ရဲ့ အရှေ့ ကနေလည်းလာလို့မရဘူး။ အနောက်ကနေလည်းလာလို့မရဘူး။ ဘေးကနေလည်း ၀င်စွက်ဖက်လို့ မရဘူး။ အဲဒီလို ကျမ်းမြတ်ကုရ်အာန်ကို အစ၊ အလယ်၊ အဆုံး ဗိစ္စမိလ္လာဟ်ကနေစလို့ ၀န်နားစ်အဆုံးအထိ အလယ်စာလုံးဖြစ် တဲ့ (၀လ်ယသလာဖ်သွဖ်)၊ အဲဒီလို တည်ရှိနေတဲ့ အနေအထားလိုခြင်း၊ လျှော့ခြင်း၊ ပိုခြင်းမရှိ၊ မှားယွင်းမှုမရှိ။ စိတ်ကူးနဲ့ပုံဖော်ထားတာလည်းမရှိ။ ထင်မြင်ယူဆချက်လည်းမရှိဘူး။ သံသယဖြစ်စရာလည်း မရှိဘူး။ လူသားရဲ့ ပယောဂ၀င်ရောက်စွက်ဖက်လို့လည်း မရဘူး။ အင်မတန်ယုံကြည်စိတ်ချရတဲ့ကျမ်း ဖြစ်ပါတယ်။ ကျမ်းမြတ် ကုရ်အာန် စူရာဟ် ၄၁း၄၁-၄၂ မှာ
`ဧကန်မုချ ကုရ်အာန်သည် မြင့်မြတ်လှသော ဂုဏ်ကျက်သရေနှင့်ပြည့်စုံသောကျမ်းဖြစ်သည်။ မမှန်ကန်သော၊ အမှား ဟူသောကိစ္စရပ်များသည် ယင်းကျမ်းစာ၏ ရှေ့(စ-လယ်-ဆုံး)တွင် လာရောက်စွက်ဖက်နိုင်စွမ်းမရှိသကဲ့သို့ နောက်မှ လည်းစွက်ဖက်နိုင်စွမ်းမရှိပေ။ ယင်းကျမ်းသည် ဥာဏ်အမြော်အမြင်နှင့်ပြည်စုံသော ချီးမွမ်းထောပနာမှု အလုံးစုံ ခံယူထိုက်တော်မူသော အရှင်မြတ်ထံတော်မှ ထုတ်ပြန်ချမှတ်ပေးသော ကျမ်းဂန်ဖြစ်ပေသည်။´
အလ်ကီသာဗ်ကို ရေးသားမှတ်တမ်းတင်ထားခြင်းနဲ့ပတ်သက်ပြီး အလ္လာဟ်အရှင်မြတ်က ထပ်ပြီးအာမခံ ပါတယ်။ ကျမ်းမြတ်ကုရ်အာန် စူရာဟ် ၅၂း၁-၂-၃ မှာ
`အဆင့်ဆင့်သော အခြေအနေကို ကျော်လွှားကာ လက်ရှိလူသားအဆင့်အခြေအနေကို ရောက်ရှိလာခြင်း ကို သက်သေထူ၏။ ၎င်းပြင်ယင်းကျယ်ပြန့်သော ကျမ်းကို သက်သေထူ၏။ ယင်းကျမ်းသည် သားရေပြားကို ပါးလွှာအောင်လုပ်ထားသော ပေချပ်တွင် ရေးသားမှတ်တမ်းတင်ထားလေသည်။´
ကျမ်းမြတ်ကုရ်အာန်ကို ရေးသားမှတ်တမ်းတင်သူ စာရေးတော်များရှိပါတယ်။ ပြီးတဲ့နောက် `မုချဧကန် ထိုကျမ်းတော်မြတ်ကုရ်အာန်သည် ထူးကဲမြင့်မြတ်လှသော ကျမ်းဂန်ဖြစ်သည်။ ယင်းတို့ လုံခြုံစိတ်ချရသောအရာ တွင် ကျမ်းတွင် ရေးသားမှတ်တမ်းတင်ထားခြင်းဖြစ်သည်။ ယင်းကို စင်ကြယ်သန့်ရှင်း၊ အပြစ်ကင်းစင်သော နှလုံးသားပိုင်ရှင်များမှအပ မည်သူကမျှ ကိုင်တွင်ထိတွေ့ခြင်းမရှိပါ။´
တမန်တော်မြတ်ကိုယ်တိုင် ဦးဆောင်ဦးရွက်ပြု ကြီးကြပ်မှတ်တမ်းတင်ရေးသားကာ ထိုရေးသားမှတ်တမ်း တင်မှုကို ကိုယ်တိုင်စစ်ဆေးလေ့ရှိပါတယ်။ အထောက်အထားပြပါဆိုရင် ကိုယ်တော်မြတ် စာပေရေးရာမှာ ဘယ်လောက်ကျွမ်းသလဲဆိုတာ သိနိုင်တဲ့ ဟုဒိုင်ဗီယာစာချုပ်ချုပ်တဲ့အခါ တစ်ဖက်ကမုဟမ္မဒ်ဒူရ် ရစူလွလ္လာဟ်လို့ ရေးတာကိုပြန်ဖျက်ခိုင်းတာ ဖျက်သူမရှိလို့ ကိုယ်တိုင်ဖျက်ခဲ့ပါတယ်။ လုံခြုံစွာထိန်းသိမ်းစောင့်ရှောက်ထားသည့် ထူးကဲမြင့်မြတ်သောကုရ်အာန်ကို ရေးသားမှတ်တမ်းတင်သူတို့ သည် နှလုံးသားအားဖြင့်လည်းကောင်း၊ စဉ်းစားဆင်ခြင်တွေးခေါ်မြှော်မြင်မှုအားတင်လည်းကောင်း၊ မမှန်မကန် ဆောင်ရွက်လိုစိတ်နှင့် မိမိအတ္တ၊ အာသီသ၊ အလိုဆန္ဒရမ္မက်သည် ၎င်းတို့အားတွယ်ကပ်နိုင်စွမ်း အလျဉ်းမရှိပါ။ အတ္တမဖက်ပဲ အလ္လာဟ်အမှုတော်ထမ်းရွက်ကြသူ၊ တမန်တော်မြတ်၏ ဦးဆောင်မှုကို ဦးထမ်းပဲ့ထမ်းဆောင်ရွက်လို သူ သန့်ရှင်းစင်ကြယ်လွန်းသူများဖြစ်ကြပါသည်။
ထို့ကြောင့် ကုရ်အာန်ဘာသာပြန်ပညာရှင်တော်တော်များများက ၎င်းစာရေးတော်များကို ကောင်းကင် တမန်များလို့ ဘာသာပြန်လိုက်ကြပါတယ်။ ၀ဟီကုရ်အာန်ကို ရေးသားမှတ်တမ်းတင်သူများ ဂုဏ်ထူးဝိသေသကို ကုရ်အာန်တွင် ဂုဏ်ပြုဖော်ပြထားသည်မှာ စူရာဟ် (၈၀း၁၁-၁၆)တွင်
`ဧကန်မုချ ထိုကုရ်အာန်လမ်းညွှန်ချက်သည် ဆုံးမသြ၀ါဒဖြစ်တော်မူသည်။ မည်သူမဆို အလိုရှိသောသူ သည် (ကုရ်အာန်) ယင်းကို လေ့လာမှတ်သားနာယူနိုင်သည်။ ယင်းကို ရေးသားမှတ်သားထားသော စာလွှာသည် မြင့်မြတ်စင်ကြယ်ပြီး မြင့်မားသော အဆင့်အတန်းတွင်ရှိကာ မမှန်ကန်မှုမှကင်းစင်သည်။ ယင်းကို တာဝန်သိ၍ ဂုဏ်ဒြပ်ထူးကဲသော မြင့်မြတ်သောသူကောင်းများ၊ သီးသန့်ဖြစ်သောကျမ်းစာရေးသားသူ စာရေးတော်များက မှတ်တမ်းတင်ခြင်းဖြစ်သည်။´
ဆဖရဟ် – ရေးသားမှုပြုရာတွင် စာကိုလှပစေရုံသာမက သဒ္ဒါနည်းဆိုင်ကို တတ်သိနားလည်ခြင်း၊ ၀ါကျ၏ ရေးထုံးကို ကျွမ်းကျင်မှုရှိသူလည်းဖြစ်သည်။ ကုရ်အာန်ကို ရေးသားမှတ်တမ်းတင်သည့် ပုဂ္ဂိုလ်ဆွဟာဘာတို့၏ အရည်အချင်းသည် သဒ္ဒါနည်းဆိုင်ရာကို တတ်သိနားလည် တတ်ကျွမ်းကြသူများဖြစ်ကြသည်။ စာပေရေးရာတွင် အရဗီဘာသာစကား၏ အဆင့်မြင့် ဆင့်ပွားဘာသာရပ်များကိုလည်း တစ်ဖက်ကမ်းခတ် တတ်ကျွမ်းသူများဖြစ်ရာ ထိုခေတ်အခါကာလ၏ အရဗီဘာသာစာစကား၏ အဆင့်မြင့်မားမှုကို ခန့်မှန်းသိရှိနိုင်ကြောင်း ပညာရှင်တို့က ဖော်ပြကြလေသည်။
ကိရာမင်န် – လူသားတို့အမြင်တွင် ယုံကြည်စိတ်ချရသော ထူးမြတ်သူ၊ သက္က၀ါရှင်။
ဘရရဟ် – မိမိတာဝန်သိမြင်သူ၊ ဂုဏ်ဒြပ်ထူးကဲသော သူကောင်းများ။
`ထိုမျှသာမက ကျမ်းတော်မြတ်ကုရ်အာန်သည် ရှင်းလင်းထင်ရှားသည့် သက်သေလက္ခဏာတော် လမ်းညွှန်ချက်များ၏ ပေါင်းစည်ထားချက်ဖြစ်သည်။ ယင်းသည် ပညာပြည့်ဝနှလုံးလှသူတို့၏ စိတ်နှလုံးသားများ တွင် စောင့်ထိန်းခြင်းခံရသည့်အရာလည်းဖြစ်ပေသည်။ မိမိကိုယ်ကို ပျက်စီးဆုံးရှုံးစေသူ၊ တရားမဲ့ပြုကျင့်သူများ ကသာ ငါအရှင်မြတ်၏ သက်သေလက္ခဏာများကို ငြင်းဆန်လျက်ရှိကြလေသတည်း။´