ကျမ်းတော်မြတ်ကုရ်အာန်ကဖော်ပြသော လူတို့၏အားနည်းချက်များ

May 16, 2014March 19, 2019 Ali Tin Tun Oo

ကျမ်းတော်မြတ်ကုရ်အာန်ကဖော်ပြသော လူတို့၏အားနည်းချက်များ

ကုရ်အာန်သုတေသီ ဦးတင်ထွန်းဦး

လေးစားအပ်ပါသော ကြွရောက်လာကြတဲ့ ဂုဏ်သရေရှိလူကြီးများခင်ဗျား။ အခုလိုမျိုး တည်ငြိမ်အေးချမ်း စွာနဲ့ အလ္လာဟ့်ရဲ့`ဇိကိရ်´ကို ဟောပြောတင်ပြခွင့်ရရှိတဲ့အတွက် ကြားနာတည်ဆောက်ခွင့်ရတဲ့အတွက် ကျွန်တော် တို့အားလုံး ဦးစွာ အလ္လာဟ်အရှင်မြတ်ကို အထူးပဲ ကျေးဇူးတင်ရှိရမှာဖြစ်ပါတယ်။ ပြီးတဲ့နောက် လာရောက် တရား နာကြတဲ့ အမျိုးသား၊ အမျိုးသမီးများအားလုံးအပေါ်သို့ အလ္လာဟ်အရှင်မြတ်ရဲ့ ငြိမ်းချမ်းသာယာမှုအပေါင်း ခညောင်းပါစေကြောင်း ဆုမွန်ဒုအာပြု နှုတ်ခွန်းဆက်သလိုက်ပါတယ်။

`အတ်စ္စလားမုအလိုင်းကွန်းမ် ၀ရဟ်မသွလ်လားဟိ ၀ဘရကာသုဟု´

ကျွန်တော် ခွတ္တဗါဟ်ပြောရင် အခုလိုပဲ အစမှာ တည်ငြိမ်အေးချမ်းစွာနဲ့ ဆိုပြီး စပြောလေ့ရှိပါတယ်။ တကယ်လည်းပဲ တည်ငြိမ်အေးချမ်းစွာပဲ `Air-con´တွေ ဘာတွေနဲ့ပေါ့နော်။ နေရာထိုင်ခင်းကလည်း ကျယ်ကျယ် ၀န်းဝန်းနဲ့ဆိုတော့ ဒါဟာ အင်မတန်ထူးခြားတဲ့ အလ္လာဟ်အရှင်မြတ်ပေးတဲ့ `နိအ်မသ်´လို့ပြောရမယ်။ ဒီလိုအဆင် ပြေမှုဆိုတာ နေရာတကာမှာမရှိဘူး။ ကျွန်တော်တို့ညီနောင်တွေမှာတော့ အဆင်မပြေမှုက များနေတယ်ဆိုတာ ကျွန်တော်တို့အားလုံး သိကြပါတယ်။ အထူးပြောစရာမလိုဘူး။ အဲဒီအတွက် ကျွန်တော်တို့ စိတ်မကောင်းဖြစ်ရ ပါတယ်။

ဒီကနေ့လည်း ထူးထူးခြားခြားပဲ။ စောစောက အခမ်းအနားမှူးကြေငြာသွားတဲ့အတိုင်းပဲ မနေ့က ကုရ်အာန် အသိပညာပြန့်ပွားရေးအဖွဲ့ရဲ့ ၁၈-နှစ်ပြည့် နှစ်ပတ်လည်အခမ်းအနား မနေ့က ကျင်းပခဲ့ပါတယ်။ တကယ်တမ်းက ရက်နဲ့အတိအကျပြောရရင် ဒီကနေ့မှ ၁၈-နှစ်ပြည့်တာပေါ့နော်။ ဒါကြောင့် ဒီကနေ့ ကုရ်အာန်အသိပညာပြန့်ပွားရေး အဖွဲ့ ၁၈-နှစ်ပြည့် နှစ်ပတ်လည်နေ့မှာ ကျွန်တော် ခွတ္တဗါဟ်ပြောကြားခွင့်ရတဲ့အတွက်လည်း ဂုဏ်ယူဝမ်းမြောက်မိ ပါတယ်။ စိတ်မကောင်းဖြစ်စရာကတော့ မနေ့က အခမ်းအနားမှာ ကျွန်တော်တို့ ဂျမာအသ်ဝင်တွေရော၊ မိတ်ဆွေ တွေရော လူအင်အား အားတက်သရော အင်တိုက်၊ အားတိုက် ပါဝင်လာတာကို မတွေ့ရဘူး။ ဒါကြောင့် ကျွန်တော် တို့ ဂျမာအသ်ဝင်တွေ၊ မိသားစုတွေအနေနဲ့ တကယ်လက်တွေ့လုပ်နေတဲ့ လုပ်ငန်းစဉ်တွေမှာ ပါဝင်လာဖို့အတွက် ကို ကျွန်တော့်အနေနဲ့ အများကြီးတောင်းဆိုချင်ပါတယ်။ တိုက်တွန်းချင်ပါတယ်။

တစ်ချိန်က ကျွန်တော်တို့ရဲ့ဆရာကြီး မုဖ်သီဦးမြတ်သူ စာသင်ရင်း၊ စကားပြောရင်း၊ ခွတ္တဗါဟ်ပြောရင်း ပြောဖူးတဲ့စကားရှိပါတယ်။ မွတ်ဆလင်မ်တွေက ပြောတဲ့လူကလည်း ပါးစပ်အရသာရှိလို့ပြောတာ။ ပြောရတာ အရမ်းအရသာရှိတာပဲ။ မွတ်ဆလင်မ်လူ့အဖွဲ့အစည်းမှာကြည့်လိုက် အာပေါင်အာရင်းသန်သန်နဲ့ တရားဟောကြတဲ့ လူတန်းစားတစ်ရပ်ရှိသလို (မိုက်ခ်ရရင် မလွှတ်ချင်တဲ့လူ)၊ ဖသ်ဝါပေါင်းစုံထုတ်မယ့်လူ၊ အဲဒီလို ပါးစပ်အရသာခံ တရားဟောတဲ့ လူတန်းစားတစ်ရပ်ရှိသလို နောက်သတိထားရမယ့် လူတန်းစားတစ်ရပ်ရှိသေးတယ်။ အဲဒါက နားအရသာခံတဲ့ လူတန်းစားဖြစ်တယ်။ နားအရသာခံရတယ်ဆိုတာ တကယ်ဇိမ်ရှိတယ်။ အမှန်ကတော့ ဆရာ မုဖ်သီဦးမြတ်သူပြောချင်တာက ကျွန်တော်တို့ မွတ်ဆလင်မ်လူ့အဖွဲ့အစည်းအနေနဲ့ တကယ်လက်တွေ့၊ မျက်တွေ့ အလုပ်လုပ်တဲ့အခါမှာ ကိုယ်တိုင်ပါဝင်ကြဖို့နဲ့ ကိုယ်မပါနိုင်ရင်တောင် ကိုယ့်မိသားစု၊ ကိုယ့်ပတ်ဝန်းကျင်ကပါလာ အောင် တိုက်တွန်းကြဖို့ဖြစ်တယ်။ တကယ်အလုပ်လုပ်နေကြတဲ့ လုပ်ငန်းစဉ်တွေထဲမှာ လက်တွဲကူညီပါဝင်ပေးဖို့အ တွက် ကျွန်တော်တို့ကို အားပေးပါလို့ မေတ္တာရပ်ခံပါတယ်။

ဒီကနေ့ ကျွန်တော်တင်ပြမယ့်ခေါင်းစဉ်ကတော့ ပြီးခဲ့တဲ့ ကျွန်တော်အလှည့်ကျစဉ်ကပြောခဲ့တဲ့၊ မပြတ်သေး တဲ့ `ကျမ်းမြတ်ကုရ်အာန်ကဖော်ပြသော လူတို့၏ အားနည်းချက်များ´ဆိုတဲ့ ခေါင်းစဉ်ပဲဖြစ်ပါတယ်။ လူတွေမှာ အားနည်းချက်တွေ အများကြီးရှိတယ်။ အဲဒီအထဲက ကုရ်အာန်ကရည်ညွှန်းသော လူတို့၏အားနည်းချက်ကို တင်ပြမှာဖြစ်ပါတယ်။ အဲဒါလေးတွေသိလိုက်မယ်ဆိုရင် ကျွန်တော်တို့ကိုယ်တိုင် ဘာတွေအားနည်းနေသလဲဆိုတာ သိပြီးတော့ တင်ပြသူကျွန်တော်အပါအ၀င် နားထောင်သူများပါ စဉ်းစားသုံးသပ်ကြမယ်ဆိုရင် အကျိုးကျေးဇူးတစ်ခု ရရှိမယ်လို့ ယုံကြည်မိပါတယ်။

ပြီးခဲ့တဲ့တစ်ပတ်က တင်ပြခဲ့တာကို အနှစ်ချုပ်ပြောရမယ်ဆိုရင် ကျမ်းမြတ်ကုရ်အာန်မှာ အလ္လာဟ်က လူနဲ့ ပတ်သက်ပြီး ဝေါဟာရသုံးစွဲတဲ့အခါမှာ အကြမ်းအားဖြင့် (၄)မျိုးတင်ပြထားပါတယ်။ ပထမအဆင့်က `သတ္တ၀ါ´ ဆိုပြီးခေါ်တာ၊ `သတ္တ၀ါ´ လို့ပြောလိုက်ရင် လူအပါအ၀င်၊ ခြေလေးချောင်း၊ ခြေနှစ်ချောင်း သက်ရှိအားလုံးပါတယ်။ အလ္လာဟ်က တစ်ခါတစ်ရံ ကုရ်အာန်ထဲမှာ `မင်းတို့အင်မတန်မှ ဆိုးရွားတဲ့သတ္တ၀ါအဆင့်ပဲရှိတယ်´ လို့ သုံးထား တဲ့အခါလည်းရှိတယ်။ ကျွန် တော်တို့အနေနဲ့ အဲဒီအုပ်စုမှာတော့ လုံးဝ ပါလို့မဖြစ်ဘူး။

နောက်တစ်ဆင့်ကတော့ `ဘရှရ်´လို့ပြောတယ်။ `ဘရှရ်´ဆိုတာကတော့ မြန်မာမှုပြုရမယ်ဆိုရင် `အပုပ်ကောင်၊ ရုပ်ဆောင်´ ပဲဖြစ်တယ်။ ဒီခန္ဓာကိုယ်ကြီးဟာ အိုမယ်၊ နာမယ်၊ သေမယ်။ မြေကြီးဖြစ်သွားမယ်။ ဒီလိုအဓိပ္ပါယ်မျိုးနဲ့ ကုရ်အာန်ထဲမှာသုံးတယ်။ ဒါလည်း ကျွန်တော်တို့ ဆင်ခြင်ရမယ်။ ကျွန်တော်တို့ ဒီလောကကြီး မှာ မွေးလာတယ်။ ပြီးရင် သေသွားကြမယ်။ ဒါဆိုရင်တော့ ကျွန်တော်တို့ဟာ `ဘရှရ်´အဆင့်မှာရှိမှာပဲ။

လူတစ်ယောက်ရဲ့ တန်ဖိုးကဘာလဲ။ ပညာရှင်တွေက အမျိုးမျိုးတိုင်းတာကြတယ်။ သတ်မှတ်ကြတယ်။ မြန်မာနိုင်ငံက ပညာရှင်တစ်ပါးက ပြောတာက (ပတ်ဝန်းကျင်၊ လူ့အဖွဲ့အစည်း၊ အဲဒီလူနေထိုင်တဲ့နိုင်ငံက အဲဒီလူ အပေါ် ပေးအပ်ထားတဲ့တာဝန်တွေကို သူဘယ်လောက်အထိ ကျေပွန်အောင်ဆောင်ရွက်ခဲ့သလဲ။ အဲဒီအပေါ်မှာ အဲဒီလူရဲ့တန်ဖိုး မြင့်တက်နေမှာပဲ။ ဒါမှမဟုတ်ရင် လူတစ်ယောက်ဟာ ဘယ်လောက်ကြီးကျယ်တဲ့ ပညာရှင်ကြီး ဖြစ်နေပါစေ။ တန်ဖိုးရှိချင်မှရှိမယ်။ ကိုယ့်အတွက်ပဲ၊ ကိုယ့်မိသားစုအတွက်ပဲဆိုရင်တော့ တန်ဖိုးရှိမှာမဟုတ်ဘူး။ မိမိရဲ့ပတ်ဝန်းကျင်မှာ မိမိမှာရှိနေတဲ့ မိမိရဲ့အရည်အသွေးတွေကို ဘယ်လောက်အထိ အသုံးချခဲ့သလဲဆိုတဲ့အပေါ် မှာပဲ တန်ဖိုးမြင့်တက်မှာဖြစ်တယ်။

မွတ်ဆလင်မ်လူ့အဖွဲ့အစည်းမှာလည်း ခေါင်းဆောင်ဆိုသူတွေ အများကြီးရှိနိုင်တယ်။ ဒါပေမဲ့ သူတို့ ဟာ ကျွန်တော်တို့ မွတ်ဆလင်မ်လူ့အဖွဲ့အစည်းအတွက် ဘယ်လောက်အတိုင်းအတာအထိ အကျိုးပြုသလဲ။ အဲဒါ မှ တန်ဖိုးရှိမှာ။ မဟုတ်ရင် `ဘရှရ်´အဆင့်ပဲရှိမှာ။

ကျွန်တော်တို့လည်း တစ်နေ့ ထိုက်တန်တဲ့နေရာတစ်ခုကို ရောက်လာမှာပဲ။ အဲဒီလိုရောက်လာတဲ့အခါမှာ ရောက်လာတဲ့လူမှာ တာဝန်ရှိလာတယ်။ ကျွန်တော်တို့ ဆုတောင်းပြည့်အစ္စလာမ်ဝတ်ကျောင်းတော်၊ ကုရ်အာန် အသိပညာပြန့်ပွားရေးအဖွဲ့အနေနဲ့ ပြင်ပကိုထွက်ပြီး အလုပ်လုပ်လာတယ်။ ကျွန်တော်တို့အလုပ်လုပ်တာ ကျယ်ပြန့်လာတာနဲ့အမျှ လူတွေအများကြီးသိလာပြီး ကျွန်တော်တို့မှာ တာဝန်ပိုလာတယ်။ ကျွန်တော်တို့ အေးအေး ဆေးဆေး ထောင့်တစ်ထောင့်မှာအိပ်နေခဲ့ရင် ကျွန်တော်တို့ကို ဘယ်သူမှ စိတ်မ၀င်စားဘူး။ ဖုန်းနဲ့လဲ မမေးဘူး။ အခု ကျွန်တော်တို့ အပြင်ကိုထွက် အလုပ်လုပ်လာတော့ လူတွေသိလာတယ်။ ဥပမာ သန်းခေါင်စာရင်းကိစ္စဆို လည်း ခင်ဗျားတို့ ဘာလုပ်နေလဲ။ နည်းနည်းပါးပါး မပြောဘူးလား။ မေးလာကြတယ်။ ကျွန်တော်တို့ နေချင်သလို၊ နေတတ်သလို နေလို့မရတော့ဘူး။ ဘာဖြစ်လို့လဲ။ ပတ်ဝန်းကျင်က ပေးအပ်ထားတဲ့ ပုခုံးပေါ်တင်ပေးထားတဲ့ တာဝန်တွေကို ကျွန်တော်တို့ကျေပွန်အောင် ထမ်းဆောင်ရတော့မယ်။

ကျွန်တော်တို့ မွတ်ဆလင်မ်လူ့အဖွဲ့အစည်းမှာ ဘယ်လောက်ရှေ့ထွက်မလဲ။ အဲဒီလောက် တာဝန်ရှိလာပြီ။ အဲဒီတာဝန်တွေကို ဘာမှမသိသလို၊ ကိုယ်နဲ့မဆိုင်သလို ဘာလိုလို ညာလိုလို လုပ်နေမယ်ဆိုရင် … (ငါလုပ်နေတာ ပဲလေ၊ မင်းတို့ဘယ်သိမလဲ။ အလ္လာဟ်သိတယ်) ဆိုပြီပြောနေရုံနဲ့မပြီးဘူး။ မိမိရဲ့တာဝန်တွေကို မိမိလူ့အဖွဲ့အစည်း အတွက် ဘယ်လောက်တာဝန်ကျေမလဲ။ အဲဒီအပေါ်မှာ တန်ဖိုးရှိမှာ။ အဲဒီတန်ဖိုးမရှိရင် လူဟာ `ဘရှရ်´ ပဲ။ မွေးတယ် ပြီးတော့ သေတယ် ဒီအဆင့်ပဲ။ နောက်တစ်ခုက လူတိုင်းလူတိုင်းမှာ အစွမ်းအစရှိတယ်။ လူဆိုတာ မွေးကတည်းကနေ သေတဲ့အထိ အစွမ်းအစမရှိသူဆိုတာ အရူးပဲရှိမယ်။ ကျိုးနေ၊ ကန်းနေ၊ နားမကြားနိုင်တဲ့သူတွေ တောင် သူ့အစွမ်းအစနဲ့သူရှိတယ်။ ကမ္ဘာပေါ်မှာ အဲဒီလိုလူမျိုးတွေ အများကြီးလက်ညှိုးထိုးပြလို့ရတယ်။ တစ်ချို့က မိမိမှာ ဘာအစွမ်းအစရှိလို့ရှိမှန်းတောင်မသိဘဲနဲ့ သေသွားတဲ့`မွရ်ဒါ´တွေ `ဒွန္နယာ´မှာအများကြီးပဲ။ ကိုယ့်မှာ ဘာအစွမ်းအစရှိမှန်းတောင်မသိလိုက်ဘူး။ အခြေအနေ၊ အချိန်အခါ၊ တိုင်းပြည်ရဲ့အနေအထား ဒါတွေနဲ့လည်း ဆိုင်တာပေါ့နော်။

တစ်ချို့ကျတော့လဲ မိမိမှာ အစွမ်းအစရှိမှန်းတော့သိပါရဲ့။ အဲဒီအစွမ်းအစကို ဘယ်နေရာမှာ ဘယ်လိုထုတ် ပြီး အသုံးချရမလဲဆိုတာမသိဘဲနဲ့ သေသွားတဲ့ မွရ်ဒါတွေလည်း အများကြီးပဲ။ တစ်ချို့ကျတော့လည်း ကိုယ့်မှာ အစွမ်းအစရှိတာလည်းသိတယ်။ ဘယ်လိုနေရာမှာထုတ်သုံးရင် အောင်မြင်မယ်ဆိုတာလည်း သိတယ်။ သို့သော် တကယ်လက်တွေ့ လုပ်ကြည့်တဲ့အခါမှာ ဘက်ပေါင်းစုံ ထိုးနှက်ချက်တွေ၊ အကာအရံတွေအရှေ့မှာ ပိတ်ဆို့ တားဆီးခံရပြီး လောကကြီးကနေ လက်မြှောက်အရှုံးပေး ထွက်သွားတဲ့လူတွေလည်း အများကြီးပဲ။

အဲဒီတော့ အခြေအနေ(၃)ချက်ကိုကြည့်ပြီး ကျွန်တော်တို့ ကိုယ့်မှာဘာအရည်အချင်းရှိလဲဆိုတာ သိရမယ်။ ကျွန်တော်တို့ လူ့အဖွဲ့အစည်းမှာ အဖွဲ့အစည်းတစ်ခုဖွဲ့တော့မယ်ဆိုရင် တစ်ယောက်က ဘဏ္ဍာရေးမှူး၊ တစ် ယောက်က ဘာ၊ တစ်ယောက်က ညာ၊ ဒီလိုပဲ အဆင်ပြေသလို လုပ်နေကြတာ။ ကိုယ့်မှာ ဘာအရည်အချင်းရှိသလဲ ဘယ်လိုအသုံးချရမလဲ။ ဒါမျိုး အလေ့အကျင့်လည်း ကျွန်တော်တို့မှာမရှိဘူး။ ဒီလိုမျိုးအလေ့အကျင့်ကောင်းတွေ ကျွန်တော်တို့မှာရှိပြီး မွေးကတည်းက သေတဲ့အထိ ကိုယ့်မှာရှိတဲ့အရည်အသွေး ဘာလဲသိရမယ်။ ဘယ်လိုအသုံး ချရမလဲဆိုတဲ့ လမ်းကြောင်းကိုလည်းသိမယ်။ ပြီးရင် တကယ်လက်တွေ့အသုံးချပြီး ကိုယ်လိုရာပန်းတိုင်ကို သွား နိုင်တဲ့ ခွန်အားတစ်ရပ်သာရှိမယ်ဆိုရင် စောစောကပြောတဲ့ `ဘရှရ်´ဆိုတဲ့အဆင့်ကို ကျော်လွန်ပြီးသားဖြစ်မယ်။ မဟုတ်ရင်တော့ မွေးတယ် ပြီးရင် သေမယ်၊ ဒီအဆင့်ပဲ။

နောက်တစ်ဆင့်က ကျွန်တော်တို့ `အင်န်စန်´ဆိုတဲ့အဆင့်။ `အင်န်စန်´ဆိုတဲ့အဆင့်မှာကျတော့ လူ့ရဲ့ အားနည်းချက်ကိုဖော်ပြတယ်။ `အင်န်စန်´ဆိုတဲ့ဝေါဟာရကို သုံးလိုက်ပြီဆိုတာနဲ့ ဒီဝေါဟာရရဲ့အနှစ်သာရက အားနည်းတာ၊ မေ့လျော့တာ၊ ပျင်းရိတွေဝေတာ၊ မကောင်းတဲ့စိတ် အမြဲတမ်းရှိနေတာ။ ခွေးနဲ့လူတောင်မတူဘူး။ ခွေးက မွေးတာနဲ့ပြေးနိုင်တယ်။ လူက မပြေးနိုင်ဘူး။ ဒီလို အားနည်းချက်တွေအများကြီး။ အဲဒီလိုအားနည်းချက် တွေရှိတဲ့ လူသားအဖြစ်နဲ့ အလ္လာဟ်က ခိုင်းနှိုင်းသုံးတော့မယ်ဆိုရင် … `ယာ အိုက်ယူဟန်းန် … နားစ်´

ကုရ်အာန်ထဲမှာ ဒီလိုသုံးတယ်။ ဒီလိုသုံးလိုက်ပြီဆိုတာနဲ့ အထက်က အရည်အသွေးတွေပါပြီးသား။ ဒါကို ကျွန်တော်တို့ သဘောပေါက်ရမယ်။ ကုရ်အာန်က ဝေါဟာရတွေသုံးနှုံးတဲ့အခါမှာ အရမ်းကို ထိထိမိမိ၊ ပိုင်ပိုင်နိုင်နိုင် ကိုသုံးတယ်။ ပေါ့ပေါ့ဆဆ မသုံးထားဘူး။ ပညာရှင်တွေရဲ့ လေ့လာတွေ့ရှိချက်အရဆိုရင် ကုရ်အာန်မှာ ပြစ်မှုကျူး လွန်တဲ့ သူခိုးနဲ့သူခိုးမလို့ သုံးတယ်။ ခိုးတဲ့အပြစ်ကို ကျူးလွန်တဲ့အခါမှာ ထူးခြားတာက သူခိုးနဲ့သူခိုးမလို့ ဖော်ပြ တယ်။

အဲ မတရားကာမမှု ကျူးလွန်တဲ့ကိစ္စ၊ အိမ်ထောင်ရေး ဖောက်လွဲဖောက်ပြန်မှုကိစ္စတွေမှာ သုံးတာကျတော့ `ဇာနီယာ´နဲ့ `ဇာနီ´တဲ့။ သဘောက ကာမေသုမိစ္ဆစာရကံ ကျူးလွန်သူအမျိုးသမီးနှင့် ကာမေသုမိစ္ဆစာရကံ ကျူးလွန်သူအမျိုးသား ဒီလိုသုံးတယ်။ ခိုးမှုမှာ အမျိုးသားကို အရင်ရေးပြီး၊ ကာမေသုမိစ္ဆစာရကံမှာ အမျိုးသမီးကို အရင်ရေးတယ်။ ဒါဟာ အလ္လာဟ်အရှင်မြတ်က အဆင်ပြေသလို ကြည့်ရေးလိုက်တာမဟုတ်ဘူး။ အဲဒီမှာ အဓိပ္ပါယ်အများကြီးပါတယ်။ ဖြစ်ရတဲ့ဖြစ်စဉ်ရဲ့ အကြောင်းအရင်း၊ အကြောင်းတရားတွေ အများကြီးရှိတယ်။ ဒီလိုပဲ။ `အင်န်စန်´လို့ခေါ်လိုက် တာနဲ့ သူ့အနောက်မှာ အကြောင်းအရင်းတွေအများကြီးရှိတယ်။

နောက်ဆုံးအဆင့်ကတော့ ကျွန်တော်ပြောခဲ့တာ `အာဒမ်´ပေါ့နော်။ `အာဒမ်´ဆိုတာကတော့ တကယ့် အဆင့်မြင့် `ရှယ်´ လူသားပေါ့နော်။ လူ့အရည်အသွေးနဲ့ ပြည့်မီသော ဆူရာဟ်(၂) အာယတ်(၃၁)မှာ `၀အလ်လမ အာဒမလ် အတ်စမားအ ကုလ်လဟာ´ လို့ အလ္လာဟ်ကသုံးထားတယ်။ လူသားဟာ `အာဒမ်´အဆင့်ကိုရောက်မှ လူဖြစ်တာ။ မဟုတ်ရင် လူ့ဗာလ။ တန်ဖိုးမရှိတဲ့လူ ဖြစ်သွားမယ်။ ကုရ်အာန်ထဲမှာ `ကလ်အနမ် ဘလ်ဟုမ် အဒွလ္လု´ ဆိုပြီးပြောထားတယ်။ တိရစ္ဆာန်ထက်တောင်ပိုဆိုးတဲ့ သတ္တ၀ါ(လူ)လို့ အလ္လာဟ်ကပြောတာ။

ဒါကြောင့် လူဟာ လူ့လောကကိုရောက်ပြီးတာနဲ့ ကိုယ့်မှာရှိတဲ့ တာဝန်ဝတ္တရားတွေကို ကိုယ် ပါဝင်ဆောင် ရွက်နိုင်တဲ့ အနေအထားအားလုံးကို ပါဝင်ဆောင်ရွက်ပြီးတော့ ဘ၀ကို အကျိုးရှိရှိအသုံးချပြီး နိဂုံးချုပ်သွားမှ ကျွန်တော်တို့`အာဒမ်´အဆင့်ကိုရောက်မှာ။ ကျွန်တော့်မှာ ဘာတာဝန်မှမရှိဘူး။ အေးအေးဆေးဆေးပါဆိုပြီး နေလို့တော့မရဘူး။ ဒါဟာ ကျမ်းမြတ်ကုရ်အာန်က လူသားကို `အာဒမ်´အဆင့်ကိုရောက်အောင်သွားဖို့ လမ်းညွှန် ထားတာ။ ကျမ်းမြတ်ကုရ်အာန် ဆူရာဟ်(၇၀) အာယတ်(၁၉)မှာ `အင်န်နလ် အင်န်ဆာန၊ ခုလိက ဟာလူးအာန်´ ဆူရာဟ် (၂၁) အာယတ် (၃၇)မှာ `ခုလိကလ် အင်န်စာနု မီးန်အဂျလင်န်´

အကြောင်းကိစ္စတစ်ခုကို အကျိုးအကြောင်း၊ အပြန်ပြန် အလှန်လှန် မသုံးသပ်၊ မဆင်ခြင်ဘဲနဲ့ ဆုံးဖြတ်ချက် ချတယ်။ အရမ်းစိတ်စောတယ်။ အလျင်စလိုနိုင်တယ်။ သည်းမခံတတ်ဘူး။ ဒီအာယတ်ကပြောတာနော်။ ဒီနေရာမှာ `အင်န်စန်´ ရဲ့အားနည်းချက်ကို ထောက်ပြနေတာနော်။ ကျွန်တော်ပြောချင်တဲ့ခေါင်းစဉ်က ဒါပဲ။ တစ်ချက်ခြင်း ပြောပါ့မယ်။ အရမ်းစိတ်စောတာ၊ သည်းမခံတတ်တာ။ တစ်ယောက်ယောက် စကားပြောတာကိုတောင် ဆုံးအောင် နားထောင်ပေးဖို့ သည်းမခံတတ်ဘူး။ (ခင်ဗျားပြောတာ ကျွန်တော်သဘောပေါက်ပြီ တော်တော့) ဒါမျိုး ပြောတတ်ကြတယ်။

ဆရာကြီးမုဖ်သီဦးမြတ်သူ ပြောဖူးတာရှိတယ်။ ကျွန်တော်တို့ တမန်တော်မြတ်ကြီး(ဆွလ္လ)က စကားပြော ကောင်းသူသက်သက်မဟုတ်ဘူး။ အလွန်အင်မတန်စိတ်ရှည်စွာ နားထောင်ကောင်းသူ တစ်ယောက်လည်းဖြစ် တယ်တဲ့။ အဝေးကြီးသွားပြီး သက်သေရှာစရာမလိုဘူးတဲ့။ `ဟဒီးစ်´တွေကိုကြည့်လိုက်တဲ့။ မေးခွန်းပေါင်း သိန်းနဲ့ ချီပြီး မေးခွန်းတွေမေးခဲ့တာ တွေ့ရမယ်တဲ့။ သူဘယ်လောက်နားထောင်ခဲ့ရလဲ ကြည့်စမ်းတဲ့။ ကျွန်တော်တို့ အဲဒီ `စွန္နသ်´တစ်ခုကို လိုက်နာဖို့လိုတယ်။ ကုရ်အာန်ကလည်း ဒါကိုရည်ညွှန်းတာ။ ကျွန်တော်တို့ လူ့အဖွဲ့အစည်း မှာ အဲဒီအလေ့အကျင့်မရှိဘူး။ နားမထောင်ချင်ဘူး။ ကိုယ်ပဲပြောချင်တယ်။ ဒါက အလျင်စလိုနိုင်တာ၊ စိတ်စောတာ သည်းမခံနိုင်တာဖြစ်တယ်။ လူ့ရဲ့အားနည်းချက်။ ကုရ်အာန်က လွန်ခဲ့တဲ့နှစ်ပေါင်း ၁၄၀၀ ကျော်ထဲက ပြောခဲ့တာ။

ကျွန်တော်တို့ မွတ်ဆလင်မ်တွေကို ကုရ်အာန်က အဲဒီလိုမဖြစ်စေချင်ဘူးလို့ ပြောနေတာ။ အဲဒီလိုမဖြစ်စေ ချင်ဘူးဆိုလို့ ဟို အဖွဲ့ကြီးတွေလို့ သွေးအေးပြီး အိပ်ပျော်နေလို့လဲမရဘူး။ `အင်ရှာအလ္လာဟ်´ စောင့်ကြည့်မှာပေါ့ ဆိုပြီး အကုန်လုံးကုန်သွားတဲ့အထိ အိပ်နေလုိ့လည်းမရဘူး။ သွေးအေးပြီး စိတ်လေးနေ၊ သွေးလေးပြီး စိတ်အေးနေ ပါလို့လဲ ကုရ်အာန်က ပြောတာမဟုတ်ဘူး။ စိတ်စောပြီး အလျင်စလိုမလုပ်ဖို့ပြောတာ။ ဆုံးဖြတ်ချက် မှန်ကန်တိကျ ဖို့၊ အစအဆုံး အပြန်ပြန် အလှန်လှန်သုံးသပ်နိုင်ဖို့၊ ဒါတွေအရေးကြီးတယ်။ ဒါဟာ`အင်န်စန်´ ရဲ့သဘောသဘာဝ။ နောက်ထပ် ကျမ်းမြတ်ကုရ်အာန် ဆူရာဟ် (၁၇) အာယတ် (၁၀၀)နဲ့ ဆူရာဟ်(၇၀) အာယတ်(၂၁) နှစ်နေရာမှာ ဘာကိုပြဆိုသလဲဆိုရင်…

လူဟာ အင်မတန်မှ လွန်စွာ စေးနဲတွန့်တိုတယ်။ ကပ်စေးနည်းသူပေါ့။ ကပ်စေးနည်းတယ်ဆိုတာ ပိုက်ဆံ တစ်ခုတည်းကို ရည်ညွှန်းတာမဟုတ်ဘူး။ ကျွန်တော်တို့ မွတ်ဆလင်မ်တွေက `ခဇနာ´ဆိုရင် ဥစ္စာပစ္စည်း၊ ငွေကြေး ပေါ့နော်။ ဓနအင်အားပေါ့။ ဒီလိုပဲ မှတ်ယူထားကြတယ်။ ဒါပေမဲ့ ကုရ်အာန်မှာ အလ္လာဟ်အရှင်မြတ်ပြောတဲ့ `ခဇာနာ´ဆိုတာက လူ့အရည်အသွေးကိုပြောတာ။ အလ္လာဟ်က လူတစ်ယောက်ကို လူ့လောကကို ရောက်စေပြီး တာနဲ့ မူလကတည်းက အရည်အသွေးပေါင်းများစွာကို ချီးမြှင့်ပေးပြီးသား။ လူတိုင်း၊ လူတိုင်းအတွက်ပြောတာ။

အဲဒီအရည်အသွေးတွေ ထုတ်ဖော်အသုံးချရင် ကုလသမဂ္ဂအတွင်းရေးမှူးချုပ်လည်း ဖြစ်နိုင်တယ်။ သိပ္ပံ ပညာရှင်လည်းဖြစ်နိုင်တယ်။ အာကာသကိုလည်း ထိုးဖောက်နိုင်တယ်။ အဲဒီအရည်အသွေးတွေဟာ လူတိုင်း၊ လူတိုင်းဟာ မူလဗီဇမှာထဲ ပါပြီးသား။ `အာဒမ်´ဆိုတဲ့လူသားမျိုးနွယ်တွေကို အလ္လာဟ်စပြီး ပေးလိုက်ထဲက အဲဒီလို အရည်အသွေးတွေ ပါပြီးသား။ အဲဒီအရည်အသွေးတွေကို ထုတ်နုတ်ပြီးအသုံးမချဘူး။ တစ်ချို့က အသုံးချတယ်။ ပြီးတော့ ပညာတွေတတ်လာတယ်။ အဲဒီပညာတွေ၊ အဲဒီအရည်အသွေးတွေနဲ့ လူ့လောကကြီးမှာ အသုံးချဖို့ အတွက် ကျွန်တော်တို့ စဉ်းစားရမယ်။

ကျွန်တော်တို့က (Give and Take) ပဲများတယ်။ ကျွန်တော်တို့တစ်ခုခုပေးလိုက်ရင် ဘာပြန်ရမလဲ။ ဆေးတက္ကသိုလ်တက်တယ်။ ဆရာဝန်ဖြစ်တယ်။ ဒီဆေးတက္ကသိုလ်ပညာနဲ့ နောက်ထပ်ဘွဲ့တွေထပ်ယူမယ်။ (ဆရာဝန်များကို ပြစ်တင်ဝေဖန်နေခြင်းမဟုတ်ပါ)။ ဒါပေမဲ့ နိုင်ငံခြားသွား ဘွဲ့လွန်တက်၊ ဒီပလိုမာတွေရ။ အဲဒီတော့ ဘာဖြစ်မလဲ။ ၀င်ငွေအရမ်းကောင်းပြီပေါ့။ (လူတွေကို ကယ်တင်တာ၊ လူသားတွေကို ကျန်းမာရေးပြုစုစောင့်ရှောက် တာ၊ အဲဒီအခြေခံတွေတော့ ပါပါတယ်)။ ဒါပေမဲ့ လက်တွေ့မှာ ကိုယ်ပေးနိုင်စွမ်းရှိနေတာကို (free) အလကား မပေးနိုင်ဘူးလေ။ မပေးချင်ဘူးလေ။ ရင်းနှီးမြှုပ်နှံမှုက များတယ်။ အင်ဂျင်နီယာလည်း ဒီအတိုင်းပဲ။

ဆိုက္ကားသမားဖြစ်နေရင်တောင် ဗိုက်ကြီးသည်၊ မရှိဆင်းရဲသူမတစ်ယောက်ကို free ပို့ပေးဖို့ အင်မတန် စဉ်းစားမယ်။ မမြင်ချင်ယောင်ဆောင်သွားမယ်။ အဲဒါ ကပ်စေးနည်းတဲ့ထဲမှာပါတယ်။ ကျွန်တော် သိန်းပေါင်းတစ် သောင်းလောက်ချမ်းသာရင် သိန်း(၅၀)လောက်ကို ချက်ချင်းကိုလှူပစ်မှာ။ မယုံမရှိနဲ့။ တကယ့်ကို လှူမှာ။ တစ်ထောင်ပဲရှိတဲ့အချိန်မှာ ကျွန်တော်ငါးရာလှူဖို့ အရမ်းခက်ခဲတယ်။ ဒါပေမဲ့ ကျွန်တော်တို့ရဲ့ ညီနောင် ဗုဒ္ဓဘာသာတွေကျတော့ ကျွန်တော် HighLight ထောက်ပြချင်တယ်။ သူတို့မှာ စကားလေးတစ်ခုရှိတယ်။ `မရှိလို့ မလှူ၊ မလှူလို့မရှိ´ဆိုပြီး ရှိတာလှူတယ်။ ဘုရားစေတီတည်တဲ့အခါကျရင် စိန်တွေ၊ ရွှေတွေ အကုန်ထည့်ဝင်ကြ တယ်။ အခြေခံစိတ်ဓါတ်ကိုက လှူချင်ကြတာ။

ကျွန်တော်တို့မှာလည်း ရှိတယ်လေ။ ဟို … ဘရူနိုင်းမှာ ဗလီတစ်လုံး ရွှေနဲ့လုပ်ထားတာ။ ဟုတ်တယ်။ သူတို့က ချမ်းသာလို့ ဗလီကိုရွှေနဲ့တည်ထားတာ။ `အင်ဂိုလာ´မှာသွားကြည့်ပါလား။ `ကင်ညာ´မှာသွားကြည့်ပါ လား။ ကျွန်တော်တို့နိုင်ငံလို ဆင်းရဲတဲ့နိုင်ငံနော်။ ကျွန်တော်တို့ မြန်မာနိုင်ငံလည်း ဆင်းရဲတဲ့နိုင်ငံနော်။ LDC နိုင်ငံ ထဲမှာပါတယ်။

ဒါပေမဲ့ ရွှေတွေဟီးနေတာပဲ။ ကျွန်တော်တို့ ငါတို့ဗလီကြီး Air-con တွေနဲ့အရမ်းကောင်းတာပဲလို့ ထင်နေတယ်။ မဟုတ်ဘူး။ တော်တော်နည်းသေးတယ်။ တော်ပြီပေါ့။ ဒီလောက်ကောင်းရင်ဆိုလည်း ဟုတ်ပါတယ်။ တော်သင့်တာပေါ့။ သို့သော်လည်းပဲ ကျွန်တော်တို့ရဲ့ ပေးကမ်းရက်ရောမှုတွေ၊ အခြားသူတွေနဲ့ ယှဉ်ကြည့်လိုက်ရင် အများကြီးနည်းနေသေးတယ်။ အကျိုးရှိတဲ့နေရာမှာ သုံးခြင်း၊ မသုံးခြင်း ဒါတစ်ပိုင်းနော်။

ကိုယ့်အိမ်မှာရှိနေတဲ့ အ၀တ်အစားအဟောင်းလေး ပေးချင်ရင်တောင်မှ အကောင်းကြီး ၀တ်လို့ရပါသေး တယ်လို့ ဇဝေဇ၀ါဖြစ်တတ်ကြတဲ့ လူတွေအများကြီး။ လူတွေရဲ့စိတ်ဓါတ်က ကောင်းနေသေးတယ်။ အသုံးဝင်သေး တယ်ဆိုရင် မပေးချင်သေးဘူး။ ဒါဆို အစုတ်မှပေးမယ်ဆိုတဲ့သဘော။ ဒါပဲ စေးနဲတွန့်တိုတယ်ဆိုတာ။ ဆင်းရဲတဲ့ လူနဲ့ မဆိုင်ဘူးလို့မထင်နဲ့။ ကျွန်တော်တို့မွတ်ဆလင်မ်က အကန့်တွေ ကိုယ့်ဘာသာကိုယ် ခွဲထားကြတယ်။ ဆိုပါတော့။ ဇကားသ်က ဆင်းရဲတဲ့လူတွေပေးဖို့မလိုဘူး။ မဆိုင်ဘူးလို့ မှတ်ထားကြတယ်။ ဟာဂ်ျ မဆိုင်ဘူးလို့ထင်တယ်။ ကျွန်တော်ဆင်းရဲနေရင် ဖကီရ်ဖြစ်နေရင် ဘယ်လိုဟာဂ်ျသွားမလဲ။ `ဇကားသ်´ဘယ်လိုပေးမလဲ။ ဆွာဒ်ကာတွေ ဖိသ်ရာတွေ စားဖို့ပဲထိုက်တယ်၊ ပေးဖို့မထိုက်ဘူးလေ။ လူတွေက သတ်မှတ်လိုက်ကြတာလေ။

`၀အကီမွတ်စ် ဆွလားသ်၊ ၀အသွဇ် ဇကားသ်´ ကုရ်အာန်ရဲ့နေရာ တော်တော်များများမှာပါတယ်။ ဘာခြွင်းချက်မှမပါဘူး။ `ဆွလာသ်´ကို လူတိုင်းတည်ဆောက်ရမှာဖြစ်သလို `ဇကားသ်´ကိုလည်း လူတိုင်းပေးရ မယ်။ ခြွင်းချက်မပါဘူး။ အဲဒီလိုပဲ လူတိုင်းလူတိုင်း ဆင်းရဲသားလည်း ဆွာဒ်ကာပေးရမှာပဲ။ ဆွာဒ်ကာရဲ့အဓိပ္ပါယ်က ကိုယ်တစ်ခုခု ဒုက္ခရောက်ပြီဆိုရင် ဆန်၊ ကြက်ဥ၊ ကြက် ဘာညာပေါ့။ စုပြီး ဆင်းရဲသားမိသားစုကို ပေးလိုက်၊ အခုထိ ဒီအလေ့တွေရှိသေးတယ်။ အခုတော့ ငွေပေး ဒါမှမဟုတ် ထမင်းတစ်နပ်ကျွေးပေါ့။

ရည်ရွယ်ချက်က ဘာလဲဆိုရင် ကိုယ့်ရဲ့`ဘလာမူစီဘာသ်´တွေ ကင်းဝေးအောင် ဘယ်ကိုပို့လိုက်တာလဲ။ လုပ်ပုံက တစ်ခုချင်း တစ်ခုချင်းစီမှာ ရည်ရွယ်ချက်တွေပါပြီးသား။ ကျွန်တော်တို့ နောက်ဆုံးလှူလိုက်တာတောင်မှ (ဆွာဒ်ကာပေးတာ၊ လှူတာနော်) ဒါပေမဲ့ အလှူမှာ ဘာပါလဲ။ ဘာရည်ရွယ်ချက်ပါလဲ။ ဒါကြောင့် စေးနည်းတွန့်တို တယ်ဆိုတာ ငွေတစ်ခုထဲမဟုတ်ဘဲ လူရဲ့အရည်အသွေး၊ ပညာ၊ ကိုယ်စွမ်း၊ ဉာဏ်စွမ်းအားလုံးပေါ့လေ။ အဲဒီနေရာ မှာ ကျွန်တော်တို့ လုပ်ပေးနိုင်စွမ်းရှိတာကို လုပ်ပေးရမယ်။ စေးနည်းတွန့်တိုနေလို့မရဘူး။ နောက်တစ်ခါ ကျမ်းမြတ် ကုရ်အာန် ဆူရာဟ်(၁၁) အာယတ် (၁၀)မှာ-

လူနဲ့ပတ်သက်ပြီးပြောတာက ဘ၀င်မြင့်တယ်၊ မောက်မာပလွှားတယ်၊ ကြွားဝါတယ်။ လူဟာ အဲဒီအားနည်း ချက်လည်းရှိတယ်ပေါ့နော်။ ကိုယ့်ကိုယ်ကို အထင်ကြီးတယ်။ ပြသနာတစ်ရပ်ကို အောင်မြင်စွာ ဖြေရှင်းလိုက်ရုံနဲ့ ဘ၀င်တွေလေဟပ်နေတယ်ပေါ့။ ဒါကိုလည်း ကျွန်တော်တို့ လူ့အဖွဲ့အစည်းမှာ အဝေးကြီးတွေးကြည့်နေစရာမလိုပါ ဘူး။ ကျွန်တော်တို့ အလုပ်တစ်ခုအောင်မြင်အောင် လုပ်နိုင်တာနဲ့ `ငါလုပ်လိုက်တာကွ´လို့ ကြွားလို့မဆုံးဘူး။ ငွေကြေးချမ်းသာမှုကို အကြောင်းပြုပြီး ဘ၀မြင့်တတ်တယ်။ ပညာတတ်ဆိုရင်လည်း ပညာနဲ့ပတ်သက်ပြီး မောက် မာပလွှား အောက်ခြေလွတ်တတ်တယ်။ ဒါမျိုးတွေကို ကျွန်တော်တို့ မွတ်ဆလင်မ်လူ့အဖွဲ့အစည်းမှာ အထူးဂရုစိုက် ကြရမယ်။

တကယ်တော့ စောစောကပြောတဲ့ မွတ်ဆလင်မ်လူ့အဖွဲ့အစည်းအတွက် တာဝန်ဝတ္တရားပိုင်းဆိုင်ရာကို မကျေပွန်ဘူးဆိုရင် ဘာမှလည်း အကျိုးမပြုနိုင်ဘူးဆိုရင် ကျွန်တော်တို့ နောက်လည်း ခေါင်းငုံ့နေရဦးမှာပဲ။ ကျွန်တော်တို့ ခေါင်းမော့ဖို့မလွယ်ဘူး။ ဘာဖြစ်လို့လဲဆိုတော့ ကျွန်တော်တို့က တစ်ခုတစ်လေလောက် လုပ်ပြီးတာ လေးကို တော်တော်ဟုတ်လောက်ပြီထင်ပြီး ငါကွလို့ ဘ၀င်လေဟပ်နေကြတာက အများစုဖြစ်နေတယ်လေ။ ကျွန် တော်အပါအ၀င် ကျွန်တော်တို့မွတ်ဆလင်မ်လူ့အဖွဲ့အစည်းမှာ ဒါတွေဟာ အားနည်းချက်တွေပဲလေ။ ကျွန်တော်တို့ ရဲ့ဘ၀င်မြင့်မှုတွေဟာ ဘက်ပေါင်းစုံမှာကို ရှိနေတယ်။ ငွေချမ်းသာတာတစ်ခုတည်းကို ပြောတာမဟုတ်ဘူး။ လုပ်ပိုင်ခွင့် အာဏာပါဝါ ရလာလို့ရှိရင်လည်း အဲဒီအပေါ်မှာ မောက်မာတယ်၊ ဘ၀မြင့်တတ်ကြတယ်။

အဲဒီလို ဘ၀င်မြင့်တယ်ဆိုတာကလည်း သူဘ၀င်မြင့်နိုင်လောက်တဲ့ တာဝန်ဝတ္တရားတစ်ခုရှိလိမ့်မယ်။ အဲဒီတာဝန်ကို ထမ်းဆောင်လိုက်တာနဲ့ ပြီးပြီဆိုပြီး လက်မထောင်တော့တာပေါ့နော်။ ဒါပေမဲ့ အဲဒီတာဝန်ဆိုတာကို ဘယ်လောက်စွမ်းဆောင်နိုင်ခဲ့ပြီလားဆိုတာ ဘယ်လောက်တာဝန်ကျေခဲ့ပြီလဲဆိုတာ ကိုယ့်ကိုယ်ကို ပြန်လည်ဆန်း စစ်ကြည့်လိုက်ရင် ဘ၀င်မြင့်ဖို့ ထိုက်တန်ရဲ့လားဆိုတာသိရမယ်။ ဒါနဲ့ပတ်သက်ပြီး ဆရာဦးမြတ်သူ ပြောခဲ့ဖူးတာက (ကျေးဇူးရှင် ဂိုက်ဖမ်းသူများ) တဲ့။ ဆိုလိုတာက ကျွေးမွေးတယ်၊ အလှူလုပ်တယ်၊ ဗလီကျောင်း ဆောက်လုပ်လှူ ဒါန်းတယ်၊ ပြီးရင် ကမ္ဗည်းအကြီးကြီးထိုး ကြွားပါတယ်ပေါ့။

အလ္လာဟ်အရှင်မြတ်က လူတွေကိုပေးထားတဲ့ နိအ်မသ်က သူတစ်ယောက်တည်းသုံးဖို့ မဟုတ်ဘူး။ ငါ့ကို အလ္လာဟ်ပေးတာ ငါတစ်ယောက်တည်း၊ ငါ့တစ်မိသားစုတည်းအတွက်လို့ ထင်ရင်၊ ယူဆရင်မှားမယ်။ ဥပမာ ကျွန်တော့်မှာ အဖွားတစ်ယောက်ရှိတယ်။ အသက်က (၉၀)ကျော်ပြီ။ ဦးနှောက်လည်း သိပ်မကောင်းတော့ဘူး။ သူငယ်ပြန်ပြီပေါ့။ ခြေထောက်လည်းမကောင်းဘူး၊ ကြိုးနေတယ်။ ဒီတော့ အိမ်မှာရှိတဲ့အခြားလူတွေ ဘယ်လောက် ကရိကထများမလဲဆိုတာ စဉ်းစားကြည့်ပါ။ ဒါပေမဲ့ ကျွန်တော်အဆင်ပြေနေတာအားလုံးက ကျွန်တော့်ရဲ့ တကယ့် ယုံကြည်ချက်၊ ခံယူချက်။ ကျွန်တော့်ကို အလ္လာဟ်အရှင်မြတ်က ဒီလို နိအ်မသ်တွေပေးထားတာ ဒီအဖွားတစ် ယောက်ပေါ်မှာ တာဝန်တွေယူထားလို့ပါ။ တာဝန်ပျက်ရင် နိအ်မသ်တွေပါပျောက်မယ်။ ကျွန်တော် အဲဒီလိုပဲ ခံယူ တယ်။

လူကြီးမင်းတို့ ကျွန်တော်တို့ရဲ့ပတ်ဝန်းကျင်မှာ တစ်ချို့တွေမှာပါ။ သက်ကြီးရွယ်အို ဘိုး၊ ဘွားတွေ တောင်း စားနေတယ်။ မြေပဲ လိုက်ရောင်းနေတယ်။ သူတို့ကံဆိုးတယ်လို့ ကျွန်တော်တို့က ထင်မယ်။ အမှန်က သူတို့ရဲ့ သားသမီးတွေ ကံဆိုးတာ။ သူတို့ရဲ့နောက်မျိုးဆက်က ပိုကံဆိုးတာ။ အဲဒီသားသမီးတွေ မျိုးဆက်တွေ ငွေကြေး ဥစ္စာ ပြည့်စုံတယ်ဆိုရင် ပိုလို့တောင်ကံဆိုးတာ။ ပိုဆိုးတာက တစ်ချို့ ဘိုးဘွားရိပ်သာကို သွားပို့ကြတာ။ သားသမီး ဆွေမျိုးညာတိ၊ ငွေကြေးဥစ္စာပြည့်စုံပါလျက်နဲ့ တာဝန်မယူချင်တာနဲ့ ဘိုးဘွားရိပ်သာပို့ ချောင်ထိုးလိုက်ကြတာ။ ဒါမျိုးက ပိုလို့ပိုလို့ ကံဆိုးတာ။

လူတစ်ယောက်ချင်း၊ တစ်ယောက်ချင်းကို အလ္လာဟ်ပေးထားတဲ့ နိအ်မသ်တွေဟာ လူ့အဖွဲ့အစည်းတစ်ရပ် လုံးနဲ့သက်ဆိုင်တယ်။ ဒါကို ဘယ်နေရာမှာ ဘယ်လိုအသုံးချရမလဲဆိုတာ သိထားရမှာဖြစ်တယ်။ ဒီနေရာမှာ ငါလုပ် တာ၊ ငါပေးတာ၊ ငါလှူတာဆိုပြီး ဘ၀င်လေမဟပ်ဖို့ အရေးကြီးတယ်။ ကျွန်တော်တို့မှာရှိတဲ့ ဥစ္စာဓန၊ ငွေကြေး၊ အရည်အသွေး၊ စွမ်းအားတွေဟာ အလ္လာဟ်နိအ်မသ်တွေ တစ်ဦးတည်းပိုင်၊ တစ်ဦးတည်းဆိုင်တဲ့အရာမဟုတ်ဘူး။ လူ့အဖွဲ့အစည်းတစ်ရပ်လုံးအတွက် အသုံးချဖို့ဖြစ်တယ်။ ဒါကို သဘောပေါက်ထားရမယ်။ တာဝန်ရှိတယ်လို့ မှတ်ရ မယ်။ မလုပ်ရင် တာဝန်ပျက်ကွက်မယ်။ အလ္လာဟ်နဲ့ တစ်နေ့စာရင်းရှင်းရမယ်။ ပြီးတော့ ကျမ်းမြတ်ကုရ်အာန် ဆူရာဟ်(၁၁) အာယတ်(၉)မှာ-

`မျှော်လင့်ချက်ကင်းမဲ့သူ´ ။ ဘာကိုဆိုလိုတာလဲဆိုရင် လူဟာ မျှော်လင့်ချက်လည်း ကင်းမဲ့တတ်တယ်။ နည်းနည်းလေး အဆင်မပြေတော့ဘူးဆို `သွားပါပြီကွာလို့´ ညည်းတွားတော့တာပဲ။ လမ်းစမြင်ရင် ထိုးဖောက်ချင် တဲ့ အရည်အသွေးဟာ လူမှာ မူလကတည်းက နည်းတယ်။ အောင်မြင်ပြီဆိုရင်လည်း နေရာဝင်ယူဖို့ အဆင်သင့် ဖြစ်နေတဲ့လူလည်းရှိတယ်။ နည်းနည်းလေး အတိုက်အခိုက်၊ အတားအဆီးရောက်လာပြီဆိုတာနဲ့ လူဟာ အလ္လာဟ် နဲ့ မလုံလောက်တော့ဘူးလို့ ထင်လာတယ်။ ယုံကြည်ချက်ပိုင်းဆိုင်ရာမှာ မခိုင်မြဲတော့ဘူး။ ကလေးမရလို့ ဒရ်ဂါ သွားတဲ့လူနဲ့၊ ညောင်ပင်ကို ဦးတိုက်တဲ့လူနဲ့၊ အမဲသားမစားနဲ့လို့ ဆရာကပြောလို့ မစားတဲ့လူ၊ သက်သတ်လွတ်စား တဲ့လူနဲ့၊ မွတ်ဆလင်မ်ဆိုသူအချို့ရဲ့ လုပ်ပုံကိုင်ပုံက ယုံကြည်ချက်ဖြစ်တဲ့ `လားအီလားဟ အစ်လ္လလ်လာဟ်´ကို ရေထဲမျှောပြစ်လိုက်သလိုဖြစ်နေတယ်။

အလ္လာဟ်ကို ယုံကြည်ပါတယ်ဆိုပေမဲ့ ကုရ်အာန်ပေါ်မှာ ဘ၀တည်ဆောက်မှုမရှိတဲ့အတွက် နည်းနည်း လေး အတားအဆီး၊ အခက်အခဲဖြစ်ရင် အလ္လာဟ်အပြင် အခြား အားကိုးအားထားရာတွေကို ရှာကြတယ်။ ကုရ်အာန်တစ်အုပ်တည်းနဲ့ မပြီးပြည့်စုံဘူး၊ မလုံလောက်ဘူးဆိုတာကလည်း အဲဒီအချက်ထဲမှာပါတယ်။ ဘာဖြစ်လို့ လဲဆိုတော့ မျှော်လင့်ချက်မဲ့နေပြီလေ။ ဘယ်လိုနေထိုင်ရမယ်၊ ဘယ်လိုလုပ်ရမလဲ၊ ဘာတွေလုပ်ရမလဲ၊ ဒုက္ခ ရောက်မယ်၊ ငရဲထဲရောက်မယ်၊ စစ်ဆေးမေးမြန်းမယ်။ အဲဒီအတွက် အဖြေထုတ်ဖို့ကလည်း ကုရ်အာန်ကို မကျွမ်း ဘူး၊ မသိဘူး၊ နားမလည်ဘူးဆိုတော့ အခြားခြားသော ပညာရှင်ဆိုသူတွေ ပြောဆိုမှု၊ ရေးသားမှု ကျမ်းဂန်တွေကို အားကိုးအားထားပြုလာကြတယ်။ ဒီတော့ အလ္လာဟ့်အပြင် အခြားအရာ အားကိုးတယ်ဆိုတာ အဲဒါလည်းပါတယ်။

ကျမ်းမြတ်ကုရ်အာန်မှာ ဗလီထဲကို အလ္လာဟ်နဲ့ယှဉ်ပြီး ကိုးကွယ်စရာ မယူလာနဲ့တဲ့။ ဒါက ရုပ်ထုတစ်ခု၊ ဓါတ်ပုံတစ်ပုံ၊ ဒါကို ဗလီထဲမယူလာနဲ့လို့ ဆိုလိုရင်းမဟုတ်ဘူး။ အဓိက ပြောချင်တာက အလ္လာဟ့်အမ်ိန့်ဥပဒေ တွေကို နာခံဘ၀တည်ဆောက်တဲ့အခါမှာ ယှဉ်တွဲပြီး ဘာတစ်ခုနဲ့မှ တန်းတူမထားနဲ့။ ဒါနဲ့လည်းဖြစ်ပါတယ်။ ဟိုဟာနဲ့လည်းဖြစ်ပါတယ်။ ဒါဆိုရင်တော့ `ရှရစ်က်´ ပဲ။ လူဟာ မူလကတည်းက အားနည်းချက်ကရှိနေတော့ အဆင်မပြေမှုနဲ့တွေ့တာနဲ့ အားကိုးရာရှာတတ်တာ ဓမ္မတာပဲလေ။ ယုံကြည်ချက်က လည်း မခိုင်မာတော့ ပိုဆိုးတာပေါ့။

နောက်ဆုံးအချက်ကတော့ အလွန်တရာ ကျေးဇူးကန်းသူများ၊ လူတွေဟာ အဆင်ပြေလာပြီဆိုရင် အလ္လာဟ်ကိုမေ့ပြီ။ အဆင်ပြေနေရင် သိပ်သတိမရဘူး။ အားမှ အချိန်တွေ အရမ်းပိုနေမှ ဗလီသွားမယ်ပေါ့။ ကားဝယ်၊ တိုက်ဝယ်၊ အမြတ်များများနဲ့ ပြန်ရောင်းထွက်ဖို့ ဘိုးတော်၊ မယ်တော်ဆီ ချဉ်းကပ်၊ ညောင်ပင် ဦးတိုက်၊ ဟုတ်နေတာပဲ။ အချို့မွတ်ဆလင်မ်ဆိုသူများပေါ့။ အဆင်မပြေဘူးဆိုတာနဲ့ အလ္လာဟ်တော့ ငါ့ကိုပြပြီ ဒုက္ခပါပဲ။ ဗလီထဲရောက်လာ နမားဇ်ဖတ် ဒုအာတောင်း၊ ဟိုဖက်ခြမ်းက ကိုးကွယ်ရာတွေ ဟိုဖက်မှာထားခဲ့ပြီ။

ကျွန်တော်တို့ ဒီတိုင်းပြည်မှာ ဟိုးလွန်ခဲ့တဲ့ နှစ်ပေါင်းများစွာထဲက မွတ်ဆလင်မ်တွေဟာ အတူတကွ လက်တွဲပူးပေါင်းဆောင်ရွက်ခဲ့တယ်။ ကျွန်တော်တို့ ဒီနေ့ထိ ရပ်တည်နိုင်တာက ရှေးမျိုးဆက်ရဲ့ image ကြောင့် ပဲဖြစ်တယ်။ ဗိုလ်ချုပ်အောင်ဆန်းနဲ့အတူ ဦးရာဇတ်လိုပုဂ္ဂိုလ်မျိုး၊ ဦးဖေခင်လိုပုဂ္ဂိုလ်မျိုး၊ ဗမာနိုင်ငံမှာ ပထမဦးဆုံး တက္ကသိုလ်ကျောင်းသားသမဂ္ဂရဲ့ ဥက္ကဋ္ဌဦးထွန်းစိန် မွတ်ဆလင်မ်ဖြစ်တယ်။ ဟိုး ရခိုင်ပြည်နယ်က မွတ်ဆလင်မ်။ ပထမဦးဆုံး ဗကသဥက္ကဋ္ဌ ဦးရာရှစ် မွတ်ဆလင်မ်ပဲ။ ၁၉၈၈- (၈၈)ကျောင်းသားအရေးအခင်း လှုပ်ရှားမှုသမိုင်းမှာ ပါဝင်ခဲ့တဲ့ ကျောင်းသားခေါင်းဆောင်တစ်ယောက်သိတယ်နော်။ ကိုမြအေး မွတ်ဆလင်မ်ပဲ။ အခုနောက်ဆုံး ကျွန်တော်တို့ဗမာနိုင်ငံလုံး ကျောင်းသားများသမဂ္ဂဖြစ်မြောက်ရေးထဲမှာ တစ်ယောက်ပါတယ်။ ကိုစည်သူမောင် မွတ်ဆလင်မ်ပဲ။ ဆိုလိုချင်တာက ကျွန်တော်တို့မွတ်ဆလင်မ်တွေဟာ တိုင်းပြည်ရဲ့ကျရာကဏ္ဍ အသီးသီးမှာ ဟိုး ပဝေသဏီက ဘိုးတော်ဘုရားလက်ထက်တို့၊ မင်းတုန်းသီပေါလက်ထက်တို့ကို ထားလိုက်အုံး။ လက်တွေ့နိုင်ငံရေး နယ်ပယ်ထဲမှာကို အကျိုးပြုခဲ့တဲ့မွတ်ဆလင်မ်တွေ အများကြီးရှိတယ်။ ကျွန်တော်တို့ ဒီကနေ့ ကျေးဇူးကန်းခြင်း ခံရတယ်။

ကျွန်တော်တို့မွတ်ဆလင်မ်တွေလည်း ဒီလိုပဲနော်။ ကျွန်တော်နှစ်ဖက်လုံးကိုပြောမှာ။ ကျွန်တော်တို့ ဒီကနေ့ ရပ်တည်နေနိုင်တာ ဟိုးအရှေ့က image တွေကြောင့် ရပ်တည်နေနိုင်တာ။ ဒီကနေ့ ကျွန်တော်တို့ ကျေးဇူး ကန်းနေကြတယ်။ အဲဒီ image တွေပျက်အောင် ကျွန်တော်တို့ပဲ လုပ်ပစ်လိုက်ကြတယ်။ ကျွန်တော်တို့ လုပ်ပြီး၊ ဖျက်ဆီးပြီး ကျေးဇူးကန်းလိုက်ကြတာ။ ကျွန်တော်တို့အပေါ်မှာ ကောင်းကျိုးပြုခဲ့တဲ့ မြန်မာမွတ်ဆလင်မ်သမိုင်း တစ်ခုလုံးကို ကုလားမွတ်ဆလင်မ်ဖြစ်အောင် လုပ်ပစ်တယ်။ ပြီးတော့ လူ့အခွင့်အရေးကို လက်ညှိုးထိုးလက်ကိုင်ပြု တယ်။ မြန်မာမွတ်ဆလင်မ် သမိုင်းကြောင်းတစ်ခုလုံးကို ကျွန်တော်တို့က ကျေးဇူးကန်းခဲ့တယ်။

တစ်ဖက်ကကြည့်ရင်လည်း ကျွန်တော်တို့ မွတ်ဆလင်မ်လူ့အဖွဲ့အစည်းဟာ သမိုင်းမှာပါဝင်ခဲ့တဲ့၊ သမိုင်းမှာ စွမ်းဆောင်ခဲ့တဲ့ သူတွေရဲ့မျက်နှာကိုမှမထောက် ကျေးဇူးကန်းခြင်းခံရပါတယ်။ ဒါဟာ လူမှာရှိတဲ့ အင်မတန် အား နည်းတဲ့ ကျေးဇူးကန်းခြင်းပဲ။ ဒါတွေကို ကျွန်တော်တို့အားလုံး ရှောင်ရှားပြီး၊ လူနဲ့ လူ့ပတ်ဝန်းကျင် အကျိုးပြုလုပ်ငန်း တွေမှာ တာဝန်သိတတ်စွာ၊ တာဝန်ကျေပွန်စွာ ထမ်းဆောင်နိုင်ပါစေလို့ ဆန္ဒပြုရင်း နိဂုံးချုပ်အပ်ပါတယ် ။ ။

ကျမ်းတော်မြတ်ကုရ်အာန်ကဖော်ပြသော လူတို့၏အားနည်းချက်များ

ကုရ်အာန်သုတေသီ ဦးတင်ထွန်းဦး

`အတ်စ္စလားမုအလိုင်းကွန်းမ် ၀ရဟ်မသွလ်လားဟိ ၀ဘရကာသုဟု´