ဆူရာဟ်ဘကရာဟ်၊ အာယသ်တော် (၁၃၁) မှ (၁၄၀) အထိ (ပြန်ဆိုသူ – မုဖ်သီ ဦးစန်းအောင်)
بِسۡمِ ٱللهِ ٱلرَّحۡمَـٰنِ ٱلرَّحِيمِ
ဆူရာဟ်ဘကရာဟ်၊ အာယသ်တော် (၁၃၁)
إِذۡ قَالَ لَهُ ۥ رَبُّهُ ۥۤ أَسۡلِمۡۖ قَالَ أَسۡلَمۡتُ لِرَبِّ ٱلۡعَـٰلَمِينَ
သူ့ကို ပြုစုပျိုးထောင် စောင့်ရှောက်တော်မူသောအရှင်မြတ်က သူ့အား `အသင်နာခံပါ´ဟု မိန့်တော် မူသောအခါ သူ(အီဘရာဟင်မ်)ကလည်း `ကျွန်ုပ်နာခံပါပြီ´ဟု မဟာစကြ၀ဠာအပေါင်းတို့၏ အရှင်သခင်ထံ ပြန်လည်တင်လျှောက်ခဲ့လေသည်။ (ဘကရာဟ် – ၁၃၁)
ဆူရာဟ်ဘကရာဟ်၊ အာယသ်တော် (၁၃၂)
وَوَصَّىٰ بِہَآ إِبۡرَٲهِـۧمُ بَنِيهِ وَيَعۡقُوبُ يَـٰبَنِىَّ
إِنَّ ٱللَّهَ ٱصۡطَفَىٰ لَكُمُ ٱلدِّينَ فَلَا تَمُوتُنَّ إِلَّا وَأَنتُم مُّسۡلِمُونَ
တမန်တော် အီဘရာဟင်မ် (အ)နှင့် တမန်တော်ယအ်ကူဗ်း (အ) တို့သည် `မီလ်လာသ်း´ ဟူသော ယုံကြည်ချက်ဆိုင်ရာ လူနေမှုပုံစံနှင့်ပတ်သက်၍ သားတော်များအား ဤသို့ `၀ဆွီယသ်´မှာတမ်းပြုခဲ့ကြလေ သည်။ “အို… ချစ်သားတို့ ဧကန်မုချပင် အလ္လာဟ်အရှင်မြတ်က သင်တို့အတွက် ဒီန်းလမ်းစဉ်ကို ရွေးချယ် ပေးတော်မူခဲ့ပေပြီ။ သို့ဖြစ်ရာ သင်တို့သည် မွတ်စလင်မ်အဖြစ်နှင့်သာ ဘ၀ကို နိဂုံးချုပ်ကြပါလေ။” (ဘကရာဟ် – ၁၃၂)
ရှင်းလင်းချက်။ ။ အလ္လာဟ့်တမန်တော်များသည် အလ္လာဟ်ရွေးချယ်ပေးထားသော `မွတ်စလင်မ်´ဟူသည့် အမည် နာမနှင့်သာ ဘ၀ကိုနိဂုံးချုပ်ကြသည်။ ယနေ့မွတ်စလင်မ်တို့ကလည်း မိမိတို့၏ဘ၀ကို အလ္လာဟ်ပေးထားသော `မွတ်စလင်မ်´ ဟူသည့် အမည်နာမဖြင့်သာ ဘ၀ကို နိဂုံးချုပ်အဆုံးသတ်ရန် ကြိုးပမ်းသင့်ပေသည်။ အခြားသော ဂိုဏ်းဂဏ အမည်များ၊ ကျောင်းတော်ဝါဒဆိုင်ရာ အမည်များနှင့် မိမိတို့ကိုယ်မိမိတို့ ကင်ပွန်းမတပ်သင့်တော့ပေ။
ဆူရာဟ်ဘကရာဟ်၊ အာယသ်တော် (၁၃၃)
أَمۡ كُنتُمۡ شُہَدَآءَ إِذۡ حَضَرَ يَعۡقُوبَ ٱلۡمَوۡتُ إِذۡ قَالَ لِبَنِيهِ مَا تَعۡبُدُونَ
مِنۢ بَعۡدِى قَالُواْ نَعۡبُدُ إِلَـٰهَكَ وَإِلَـٰهَ ءَابَآٮِٕكَ إِبۡرَٲهِـۧمَ وَإِسۡمَـٰعِيلَ
وَإِسۡحَـٰقَ إِلَـٰهً۬ا وَٲحِدً۬ا وَنَحۡنُ لَهُ ۥ مُسۡلِمُونَ
အသင် (အီစ်ရာအီလ်းမျိုးနွယ်) တို့ကိုယ်တိုင် (ဤအကြောင်းအရာနှင့် ပတ်သက်၍) သက်သေအဖြစ် ရှိခဲ့ကြသည် မဟုတ်ပေလော။ တမန်တော် “ယအ်ကူးဗ်” ကွယ်လွန် (၀ဖာသ်း)ဖြစ်မည့်ဆဲဆဲ၌ မိမိ၏သားတော်များအား `မောင်မင်း တို့ ငါမရှိသည့်နောက် အဘယ်အရာကို နာခံရိုကျိုး ဘ၀တည်ဆောက် `အီဘာဒသ်´ပြုမည်နည်း´ ဟု မေး မြန်းခဲ့လေသည်။ သားတော်များကလည်း `ကျွန်ုပ်တို့သည် အသင်(ဖခင်)နှင့် အသင်၏ ဘိုးဘွားများဖြစ်ကြသော အီဘရာဟင်မ်(အ)၊ အီစ်မာအီလ်း(အ)နှင့် အီစ်ဟာက်(အ)တို့ အားထားကိုးကွယ် နာခံဘ၀ တည်ဆောက်ခဲ့ကြသည့် တစ်ပါးတည်းသော အရှင်မြတ်ကိုသာ `အိအာဒသ်´ပြု နာခံဘ၀တည်ဆောက်ကြပါမည်။ ထို့ကြောင့် ကျွန်ုပ်တို့သည် `မွတ်စလင်မ်များ ဖြစ်ကြပါမည်´ဟု ပြန်လည်လျှောက်တင်ကြလေသည်။ (ဘကရာဟ် – ၁၃၃)
ဆူရာဟ်ဘကရာဟ်၊ အာယသ်တော် (၁၃၄)
تِلۡكَ أُمَّةٌ۬ قَدۡ خَلَتۡۖ لَهَا مَا كَسَبَتۡ وَلَكُم
مَّا كَسَبۡتُمۡۖ وَلَا تُسۡـَٔلُونَ عَمَّا كَانُواْ يَعۡمَلُونَ
ထိုလူ့အဖွဲ့အစည်းသည်ကား လွန်ခဲ့လေပြီ။ ထိုလွန်ခဲ့ပြီးသော လူ့အဖွဲ့အစည်းအတွက် သူတို့၏ ကျင့်ကြံအားထုတ် ဆည်းပူးခဲ့မှုသည် သူတို့အတွက်ဖြစ်ခဲ့သလို သင်တို့၏ ကျင့်ကြံအားထုတ် ဆည်းပူးခဲ့မှုသည် သင်တို့အတွက်ပင်ဖြစ်သည်။ သူတို့၏ လုပ်ကိုင်ဆောင်ရွက်ခဲ့မှုနှင့် ပတ်သက်၍ သင်တို့မေးမြန်းခြင်း ခံရမည် မဟုတ်ပေ။ (ဘကရာဟ် – ၁၃၄)
ရှင်းလင်းချက်။ ။ ရှေးတမန်တော် အီဘရာဟင်မ်(အ)နှင့် သူ၏မိသားစု အဆက်အနွယ်ဝင်တို့သည် အလ္လာဟ် အရှင်မြတ်၏ အမိန့်တော်ကို နာခံရိုကျိုး ဘ၀တည်ဆောက်ခဲ့ကြခြင်းဖြင့် မိမိတို့ကိုယ်ကို မိမိတို့ မွတ်စလင်မ်ဟူသော အမည်နာမကို ဂုဏ်ယူဝင့်ကြွားစွာ မှည့်ခေါ်ခဲ့ကြလေသည်။ သို့သော် ထိုလူ့အဖွဲ့အစည်းက လွန်ခဲ့လေပြီ။ သူတို့ကို ဆက်ခံသော နောက်ပိုင်းလူ့အဖွဲ့အစည်းများ၌လည်း သူတို့ကဲ့သို့ပင် `မွတ်စလင်မ်´အဖြစ် ဘ၀ရှင်သန်ရပ်တည်ရေးမှာ အဓိကလိုအပ်ပေသည်။
လူသားတစ်ဦးချင်းသည် မိမိတို့ခေတ်ကာလ၌ မိမိတို့အောင်မြင်တိုးတက်ရေးကို ကြိုးပမ်းရှာဖွေအားထုတ်ရ မည်ဖြစ်သည်။
မိမိတို့၏ဘိုးဘွားများ အောင်မြင်ခဲ့မှုကို ပြန်ပြောင်းသတိရမှုအဆင့်၌သာရှိပြီး၊ မိမိတို့က ဘာမျှမလုပ်နိုင်ခဲ့လျှင် မိမိတို့လူညံ့၊ လူဖျင်းအဆင့်၌သာ ရှိပေလိမ့်မည်။ ရှေးဘိုးဘွားများက သူတို့စိုက်ပျိုးခဲ့သော အောင်မြင်မှု၏ အသီးအပွင့်များကို သူတို့ စားသုံးခဲ့ကြပြီးဖြစ်သည်။ မိမိတို့ကလည်း အောင်မြင်မှု၏အသီးအပွင့်များကို စားသုံးလိုလျှင် မိမိတို့ကိုယ်တိုင် ကြိုးပမ်းအားထုတ် စိုက်ပျိုးရမည်ဖြစ်သည်။
ဆူရာဟ်ဘကရာဟ်၊ အာယသ်တော် (၁၃၅)
وَقَالُواْ ڪُونُواْ هُودًا أَوۡ نَصَـٰرَىٰ تَہۡتَدُواْۗ
قُلۡ بَلۡ مِلَّةَ إِبۡرَٲهِـۧمَ حَنِيفً۬اۖ وَمَا كَانَ مِنَ ٱلۡمُشۡرِكِينَ
သူတို့က ပြောကြလေသည်။ “သင်တို့သည် တရားလမ်းမှန်ကို ရရှိကြစေရန် ရဟူဒီ (သို့မဟုတ်) နဆွရာနီ ဖြစ်ကြပါလေ။” သင်တမန်တော် ကြေညာလိုက်ပါ။
“သင်တို့ပြောဆိုသလို လုံးဝမဟုတ်ပါ။ တမန်တော် “အီဘရာဟင်မ်” (အ) ၏ ယုံကြည်ချက်ဆိုင်ရာ လူနေမှုပုံစံသည်သာလျှင် ဖြောင့်မတ်မှန်ကန်သော လမ်းညွှန်ချက်ဖြစ်သည်။ သူသည် တုဖက်နှိုင်းယှဉ်ကိုးကွယ်သူ `မွတ်ရှရီးက်´ များအနက်မှ တစ်ဦးအပါအ၀င်မဟုတ်ချေ။ (ဘကရာဟ် – ၁၃၅)
ရှင်းလင်းချက်။ ။ ခေတ်အဆက်ဆက်မှ ယနေ့ထိတိုင်အောင် လူ့အဖွဲ့အစည်းတိုင်းက မိမိတို့သည်သာ မှန်ကန်သည်ဟု ယုံကြည်ပြောဆိုနေကြလေသည်။ ဤသည်မှာ ထင်မြင်ယူဆချက် တစ်ရပ်သာဖြစ်သည်။ အစ္စလာမ်တွင်လည်း (၇၃) သင်းကွဲမည်။ ယင်းတို့အနက် တစ်သင်းသာလျှင် အမှန်တရားပေါ်၌ရှိလိမ့်မည်ဟုဆိုကာ ယုံကြည်ချက်ဆိုင်ရာ လွန်ဆွဲပွဲတစ်ရပ်ကို ကျင်းပလျက်ရှိသည်။ သို့သော် ကျမ်းမြတ်ကုရ်အာန် (၃း၁၀၃)၌ အောက်ပါအတိုင်း ပြဆိုထားလေသည်။
“သင်တို့သည် အလ္လာဟ့်ကြိုး (ကျမ်းမြတ်ကုရ်အာန်) ကို တစ်စည်းတစ်လုံးတည်းဖြင့် မြဲမြံစွာ ဆုပ်ကိုင်ထားကြပါလေ။ ပြီးနောက် သင်တို့အချင်းချင်း မကွဲကြလေနှင့်။” (ကုရ်အာန် – ၃း၁၀၃)
ကျမ်းမြတ်ကုရ်အာန်၌ အလ္လာဟ်အရှင်မြတ်ကိုယ်တိုင် ရည်ညွန်းဖော်ပြ အမည်ပေးထားသော `မွတ်စလင်မ်´ ဟူသည့်အမည်ကိုသာ လက်ခံရယူရပေမည်။ ထိုအမည်ကိုထပ်မံ၍ ကျောင်းတော်စွဲ၊ ပုဂ္ဂိုလ်စွဲ အနေအထားသို့ရောက် အောင် မခွဲသင့်တော့ပါ။ အစ္စလာမ်သမ္မတကြီး (၄) ပါး အနက် ပထမပိုင်းသမ္မတကြီး (၃) ပါး မှာ သူတို့ကိုယ်သူတို့ `စွန္နီ´ ဟု မသတ်မှတ်ထားသလို နောက်ဆုံးသမ္မတကြီး `ဟဇရသ်အလီ´(ရသွီ) ကလည်း သူ့ကိုယ်သူ `ရှီအာ´ဟူ၍ မသတ် မှတ်ခဲ့ပေ။ သို့သော် အစ္စလာမ်တွင် ယခုအခါ ဂိုဏ်းဂဏ အမြောက်အများ ကွဲသွားပြီဖြစ်သည်။ ထိုဂိုဏ်းအားလုံးလိုလိုသည် မိသားစုရေး၊ အချုပ်အခြာအာဏာ ပိုင်ဆိုင်ရေးနှင့် ပုဂ္ဂိုလ်ရေး အာဃာတအပေါ်တွင် အခြေခံ၍ ကွဲပြားနေခြင်းဖြစ်သည်ကို လေ့လာတွေ့ရှိရပေသည်။
ဆူရာဟ်ဘကရာဟ်၊ အာယသ်တော် (၁၃၆)
قُولُوٓاْ ءَامَنَّا بِٱللَّهِ وَمَآ أُنزِلَ إِلَيۡنَا وَمَآ أُنزِلَ إِلَىٰٓ إِبۡرَٲهِـۧمَ وَإِسۡمَـٰعِيلَ
وَإِسۡحَـٰقَ وَيَعۡقُوبَ وَٱلۡأَسۡبَاطِ وَمَآ أُوتِىَ مُوسَىٰ وَعِيسَىٰ
وَمَآ أُوتِىَ ٱلنَّبِيُّونَ مِن رَّبِّهِمۡ لَا نُفَرِّقُ بَيۡنَ أَحَدٍ۬ مِّنۡهُمۡ وَنَحۡنُ لَهُ ۥ مُسۡلِمُونَ
သင်တို့ ဤသို့ပြောကြပါလေ။ “ကျွန်ုပ်တို့သည် အလ္လာဟ်အရှင်မြတ်ကို လည်းကောင်း၊ ကျွန်ုပ်တို့အပေါ် ချပေးသော ကျမ်း (ကုရ်အာန်) ကိုလည်းကောင်း၊ တမန်တော်များဖြစ်ကြသော အီဘရာဟင်မ်(အ)၊ အီစ်မာအီလ်း(အ)၊ အီစ်ဟာက်(အ)၊ ယအ်ကူဗ်း(အ)နှင့် သားစဉ်မြေးဆက် အီစ်ရာအီလ်းမျိုးနွယ် တမန်တော်များအပေါ်သို့ ချပေးသော ကျမ်းအသီးသီးကို လည်းကောင်း၊ မူစာ(အ)နှင့် အီစာ(အ)တို့အား ချီးမြှင့်ခြင်းခံရသောကျမ်းများကို လည်းကောင်း၊ နဗီများအပေါ် အလ္လာဟ်အရှင်ြမတ်က ချီးမြှင့်ထုတ်ပြန်သော ကျမ်းများကို လည်းကောင်း၊ အီမာန်သက်ဝင် ယုံကြည်ကြပါပြီ။ ကျွန်ုပ်တို့သည် နဗီတစ်ပါးကို အခြားနဗီများနှင့် အလျဉ်းခွဲခြား သဘောထားမည် မဟုတ်ပါ။ ပြီးနောက် ကျွန်ုပ်တို့သည် အလ္လာဟ်အရှင်မြတ်ကို လိုက်နာရိုကျိုးသူ မွတ်စလင်မ်များဖြစ်ကြပါပြီ။ (ဘကရာဟ် – ၁၃၆)
ဆူရာဟ်ဘကရာဟ်၊ အာယသ်တော် (၁၃၇)
فَإِنۡ ءَامَنُواْ بِمِثۡلِ مَآ ءَامَنتُم بِهِۦ فَقَدِ ٱهۡتَدَواْۖ وَّإِن تَوَلَّوۡاْ
فَإِنَّمَا هُمۡ فِى شِقَاقٍ۬ۖ فَسَيَكۡفِيڪَهُمُ ٱللَّهُۚ وَهُوَ ٱلسَّمِيعُ ٱلۡعَلِيمُ
အကယ်၍ သင် (မွတ်စလင်မ်) တို့ ယုံကြည်ခဲ့သည့်နည်းတူ သူတို့ (အီစ်ရာအီလ်းမျိုးနွယ်) ယုံကြည်ခဲ့ပါလျှင် ဧကန်အမှန်ပင် သူတို့သည်လည်း တရားလမ်းမှန်ကို ရရှိပြီးဖြစ်သည်။ အကယ်၍ သူတို့ကျောခိုင်းသွားကြပါမူ သူတို့သည် အတိုက်အခံပြုခြင်းသာဖြစ်သည်။ သူတို့က သင်တို့အပေါ် ရန်ပြုခြင်းနှင့် ပတ်သက်၍ (ခုခံ ကာကွယ်ရန်) အလ္လာဟ်အရှင်မြတ်သည် သင်တို့အတွက် လုံလောက်စွာ အထောက်အကူပြုပေလိမ့်မည်။ အလ္လာဟ်အရှင်မြတ်သည် အကြွင်းမဲ့ကြားတော်မူသော၊ အကြွင်းမဲ့သိတော်မူသော အရှင်ဖြစ်သည်။ (ဘကရာဟ် – ၁၃၇)
ဆူရာဟ်ဘကရာဟ်၊ အာယသ်တော် (၁၃၈)
صِبۡغَةَ ٱللَّهِۖ وَمَنۡ أَحۡسَنُ مِنَ ٱللَّهِ صِبۡغَةً۬ۖ وَنَحۡنُ لَهُ ۥ عَـٰبِدُونَ
အလ္လာဟ်အရှင်မြတ်၏ဆေးရောင်ကို (ချယ်သလိုက်ကြပေပြီ)။ အလ္လာဟ်အရှင်မြတ်ထက် ပို၍လှပ တင့်တယ်အောင် မည်သူက ဆေးရောင်ခြယ်သနိုင်ဦးမည်နည်း။ ကျွန်ုပ်တို့သည် ထိုအရှင်မြတ်ကို နာခံရိုကျိုး ဘ၀တည်ဆောက်နေကြသူများဖြစ်ကြသည်။ (ဘကရာဟ် – ၁၃၈)
ရှင်းလင်းချက်။ ။ အလ္လာဟ်အရှင်မြတ်က `အစ္စလာမ်´တည်းဟူသော ပန်းချီကားချပ်ကို `ကုရ်အာန်´တည်းဟူ သော ဆေးရောင်ဖြင့် ချယ်မှုန်းအလှဆင်ခဲ့ပေပြီ။ သို့ဖြစ်ရာ အလ္လာဟ်အရှင်မြတ်ကို မှန်မှန်ကန်ကန် `အိဘာဒသ်´ပြု လို သူတိုင်းသည် မိမိတို့ကိုယ်မိမိတို့ `ကုရ်အာန်´တည်းဟူသော ဆေးရောင်ဖြင့် ချယ်သကြရမည်ဖြစ်သည်။
ဆူရာဟ်ဘကရာဟ်၊ အာယသ်တော် (၁၃၉)
قُلۡ أَتُحَآجُّونَنَا فِى ٱللَّهِ وَهُوَ رَبُّنَا وَرَبُّڪُمۡ وَلَنَآ أَعۡمَـٰلُنَا وَلَكُمۡ
أَعۡمَـٰلُكُمۡ وَنَحۡنُ لَهُ ۥ مُخۡلِصُونَ
အသင်တမန်တော် ကြေညာလိုက်ပါ။ “သင်တို့သည် အလ္လာဟ်အရှင်မြတ်နှင့် ပတ်သက်၍ ကျွန်ုပ်တို့အား အခြေအတင် ပြောဆိုနေကြပါသလား။ ထိုအရှင်မြတ်သည် ကျွန်ုပ်တို့အား ပြုစုပျိုးထောင်တော်မူသော အရှင်မြတ်ဖြစ်သလို သင်တို့အား ပြုစုပျိုး ထောင်တော်မူသော အရှင်မြတ်လည်းဖြစ်လေသည်။ ကျွန်ုပ်တို့အတွက် ကျွန်ုပ်တို့၏ ကျင့်ကြံအားထုတ်မှုများရှိ သလို သင်တို့အတွက်လည်း သင်တို့ `ကျင့်ကြံအားထုတ်မှုများ ရှိလေသည်။ ကျွန်ုပ်တို့သည် အရှင်မြတ်ကို တုပနှိုင်းယှဉ်မှုကင်းစွာဖြင့် တစ်စိတ်တစ်လက်တည်း နာခံသစ္စာပြုနေကြသူများဖြစ်သည်။” (ဘကရာဟ် – ၁၃၉)
ဆူရာဟ်ဘကရာဟ်၊ အာယသ်တော် (၁၄၀)
أَمۡ تَقُولُونَ إِنَّ إِبۡرَٲهِـۧمَ وَإِسۡمَـٰعِيلَ وَإِسۡحَـٰقَ وَيَعۡقُوبَ وَٱلۡأَسۡبَاطَ كَانُواْ
هُودًا أَوۡ نَصَـٰرَىٰۗ قُلۡ ءَأَنتُمۡ أَعۡلَمُ أَمِ ٱللَّهُۗ وَمَنۡ أَظۡلَمُ مِمَّن كَتَمَ
شَهَـٰدَةً عِندَهُ ۥ مِنَ ٱللَّهِۗ وَمَا ٱللَّهُ بِغَـٰفِلٍ عَمَّا تَعۡمَلُونَ
သို့တည်းမဟုတ် သင်တို့က ဧကန်မုချပင် တမန်တော်များဖြစ်ကြသော အီဘရာဟင်မ်(အ)၊ အီစ်မာအီလ်း(အ)၊ အီစ်ဟာက်(အ)၊ ယအ်ကူဗ်း(အ)နှင့် မျိုးနွယ်ဆက် ပွင့်ပေါ်ခဲ့သမျှသော တမန်တော် များသည် `ရဟူဒီ´ (သို့မဟုတ်) `ခရစ်ယာန်´ များဖြစ်ကြသည်ဟု ပြောဆိုလိုကြလေသလော။ သင်တမန်တော် ဤသို့မေးလိုက်ပါ။ `သင်တို့က အလ္လာဟ်အရှင်မြတ်ထက် ပိုသိပါသလား။ သို့တည်းမဟုတ် အလ္လာဟ်အရှင်မြတ်က သင်တို့ထက်ပို၍ သိပါသလား။ အလ္လာဟ်အရှင်မြတ်ထံမှ ထုတ်ပြန်ထားသော သက်သေခံချက်တစ်ရပ်ကို ထိမ်ချန်လျှို့ဝှက်ထားသူထက် မိုက်မဲသော သူရှိပါဦးမည်လော။ အလ္လာဟ်အရှင်မြတ်သည် သင်တို့ပြုမူကျင့်ကြံခဲ့သည်များနှင့်ပတ်သက်၍ လျစ်လျူရှုထားမည်တော့ မဟုတ်ပေ။ (ဘကရာဟ် – ၁၄၀)
ရှင်းလင်းချက်။ ။ `အီစ်ရာအီလ်း´ဆိုသည်မှာ တမန်တော်တစ်ပါး၏ အမည်ကိုအခြေခံပြီး ပေါ်ထွန်းလာသောမျိုး နွယ်စုဆိုင်ရာ အမည်နာမတစ်ခုသာဖြစ်သည်။ ဘာသာအယူဝါဒတစ်ရပ် မဟုတ်ပေ။ သို့သော် နောက်ပိုင်း၌မူ ကာလ ကြာမြင့်လာသည်နှင့်အမျှ `ရဟူဒီ´ဘာသာဟုလည်းကောင်း၊`ခရစ်ယာန်´ဘာသာဟုလည်းကောင်း၊ လူတို့က အမည် ကင်ပွန်းတပ်လာကြလေသည်။ ဤသည်မှာ အလ္လာဟ်ပေးထားသော အလ္လာဟ်သတ်မှတ်ထားသော အမည်နာမများ မဟုတ်ပေ။ ကျမ်းမြတ်ကုရ်အာန် (၃း၆၇)၌ ဤသို့ ပြဆိုထားလေသည်။
“တမန်တော်အီဘရာဟင်မ် (အ) သည် ရဟူဒီတစ်ယောက် မဟုတ်သလို ခရစ်ယာန်တစ်ဦးလည်း မဟုတ်ပေ။ သို့သော် သူသည် ဖြောင့်မတ်မှန်ကန်သူ တစ်ဦးဖြစ်သလို အမိန့်နာခံသူ `မွတ်စလင်မ်´တစ်ဦးသာဖြစ်ပြီး တုဖက်ကိုးကွယ်သူ `မွတ်ရှရီက်း´များအနက်မှလည်းမဟုတ်ပေ။” (ကုရ်အာန် – ၃း၆၇)
(ဆက်လက်ဖော်ပြပါမည်)
ဆူရာဟ်ဘကရာဟ်၊ အာယသ်တော် (၁၂၁) မှ (၁၃၀) အထိ ပြန်ဆိုမှုအား ဖတ်ရှုရန်