ဆူရာဟ်ဘကရာဟ်၊ အာယသ်တော် (၂၃၁) မှ (၂၄၀) အထိ (ပြန်ဆိုသူ – မုဖ်သီ ဦးစန်းအောင်)
بِسۡمِ ٱللهِ ٱلرَّحۡمَـٰنِ ٱلرَّحِيمِ
ဆူရာဟ်ဘကရာဟ်၊ အာယသ်တော် (၂၃၁)
وَإِذَا طَلَّقۡتُمُ ٱلنِّسَآءَ فَبَلَغۡنَ أَجَلَهُنَّ فَأَمۡسِكُوهُنَّ بِمَعۡرُوفٍ أَوۡ سَرِّحُوهُنَّ بِمَعۡرُوفٍ۬ۚ
وَلَا تُمۡسِكُوهُنَّ ضِرَارً۬ا لِّتَعۡتَدُواْۚ وَمَن يَفۡعَلۡ ذَٲلِكَ فَقَدۡ ظَلَمَ نَفۡسَهُ ۥۚ
وَلَا تَتَّخِذُوٓاْ ءَايَـٰتِ ٱللَّهِ هُزُوً۬اۚ وَٱذۡكُرُواْ نِعۡمَتَ ٱللَّهِ عَلَيۡكُمۡ وَمَآ أَنزَلَ عَلَيۡكُم
مِّنَ ٱلۡكِتَـٰبِ وَٱلۡحِكۡمَةِ يَعِظُكُم بِهِۦۚ وَٱتَّقُواْ ٱللَّهَ وَٱعۡلَمُوٓاْ أَنَّ ٱللَّهَ بِكُلِّ شَىۡءٍ عَلِيمٌ۬
သင်တို့သည် ဇနီးမယားများအား “တွလားက်” ကြေညာပြီးနောက် “အစ်ဒသ်” ရက် သတ်မှတ်စောင့် ဆိုင်းနေစဉ် သတ်မှတ်ကာလသို့ ရောက်ရှိသွားသောအခါ (ရာသီပန်း သုံးကြိမ်ပွင့်ပေါ်ပြီးသည့်အခါ) သူမတို့ကို (ပြန်ပေါင်းလိုလျှင်) အသိတရားရှိစွာဖြင့် ပြန်လည်ပေါင်းဖက်လိုက်ကြပါ။ သို့မဟုတ်ပါက (ပြန်မပေါင်းလိုလျှင်) အသိတရားရှိစွာဖြင့် စွန့်လွှတ်ခွဲခွာကြရပေမည်။ သို့ရာတွင် သူမတို့အား သင်တို့က အာဃာတ၊ အညှိုးအတေး ထား၍ နစ်နာမှု တစ်စုံတစ်ရာဖြစ်သွားစေရန် နှိပ်စက်ညှင်းပမ်းလိုသည့်သဘောနှင့်တော့ ပြန်မသိမ်းပိုက်လိုက်ကြလေနှင့်။ မည်သူမဆို ယင်းသို့သော အပြုအမူကိုပြုကျင့်လျှင် ထိုသူသည် သူ့ကိုယ်သူ နှိပ်စက်ညှင်းပမ်းခြင်း သာဖြစ်သည်။ ထို့ပြင် သင်တို့သည် သင်တို့အပေါ် ကျရောက်လျက်ရှိသော အလ္လာဟ်အရှင်မြတ်၏ ကျေးဇူး တော်များကိုလည်းကောင်း၊ သင်တို့အပေါ် ထုတ်ပြန်ချမှတ်ပေးသော ကျမ်းကိုလည်းကောင်း၊ ထိုကျမ်းဂန် (ကုရ်အာန်)အားဖြင့် သင်တို့အား အလ္လာဟ်အရှင်မြတ်က တရားပြဆုံးမလျက်ရှိရာ ထိုတရားပြုမှုကြောင့် ရရှိ လာသောအသိထူး (ဟစ်ကမသ်) ကိုလည်းကောင်း၊ သင်တို့သတိရကြပါလေ။ အလ္လာဟ်အရှင်မြတ် ပြဋ္ဌာန်း ထားသော ရှောင်ရန်တို့ကိုရှောင်၍ ဆောင်ရန်တို့ကိုဆောင်ခြင်းအားဖြင့် “တက္က၀ါ” တရားကို လက်ကိုင်ပြု ထားကြပါ။ ထို့ပြင် အလ္လာဟ်အရှင်မြတ်သည် အရာရာတိုင်းအား အကြွင်းမဲ့သိတော်မူကြောင်းကိုလည်း သင်တို့ သိရှိနားလည်ထားကြပါလေ။ (ဘကရာဟ် – ၂၃၁)
ရှင်းလင်းချက်။ ။ အမျိုးသားတစ်ဦးအတွက် မိမိ၏ဇနီးသည်ကို “တွလားက်” ကြေညာပြီးနောက် ရာသီပန်း(၃)ကြိမ် ပွင့်ပေါ်ပြီးသည်အထိ `အစ်ဒသ်´စောင့်ဆိုင်း၍ ကွာရှင်းမှုကို အတည်ပြုရပေမည်။ ထိုကာလအတွင်း၌ ထိုဇနီးသည်၏ စားဝတ်နေရေးကို တာဝန်ယူထားရပေမည်။ သတ်မှတ် `အစ်ဒသ်´ကာလသို့ ရောက်ရှိသွားသောအခါ အမျိုးသား အနေနှင့် ယင်းဇနီးသည်ကို မိမိ၏`တွလားက်´ကိုရုပ်သိမ်း၍ ပြန်လည်ပေါင်းသင်းနိုင်သည်။ သို့မဟုတ်ပါက `တွလားက်´ကိုအတည်ပြု၍ စွန့်လွှတ်ခွဲခွာလိုက်ရပေမည်။ ဆက်လက်အချိန်ယူခွင့် မရှိတော့ပေ။ သို့ရာတွင် `တွလားက်´ကိုရုပ်သိမ်းပြီး ပြန်လည်ပေါင်းသင်းမည်ဆိုပါက မှန်ကန်သော`နိယသ်´ (ရည်ရွယ်ချက်)ရှိရပေမည်။ စိတ် ထားမှန်ရပေမည်။ အညှိုးအတေးတစ်ရပ်ဖြင့် ဒုက္ခပေးလိုသောဆန္ဒကြောင့် ပြန်လည်ပေါင်းသင်းသည့်သဘောမျိုး မဖြစ် စေရပေ။ အလ္လာဟ်အရှင်မြတ်သည် အရာရာကို အကြွင်းမဲ့သိတော်မူသည်ဖြစ်ရာ လူတို့၏ စိတ်နေစိတ်ထားကိုလည်း သိတော်မူ၏။
ဆူရာဟ်ဘကရာဟ်၊ အာယသ်တော် (၂၃၂)
وَإِذَا طَلَّقۡتُمُ ٱلنِّسَآءَ فَبَلَغۡنَ أَجَلَهُنَّ فَلَا تَعۡضُلُوهُنَّ أَن يَنكِحۡنَ أَزۡوَٲجَهُنَّ
إِذَا تَرَٲضَوۡاْ بَيۡنَہُم بِٱلۡمَعۡرُوفِۗ ذَٲلِكَ يُوعَظُ بِهِۦ مَن كَانَ مِنكُمۡ يُؤۡمِنُ بِٱللَّهِ
وَٱلۡيَوۡمِ ٱلۡأَخِرِۗ ذَٲلِكُمۡ أَزۡكَىٰ لَكُمۡ وَأَطۡهَرُۗ وَٱللَّهُ يَعۡلَمُ وَأَنتُمۡ لَا تَعۡلَمُونَ
သင်တို့သည် ဇနီးမယားများကို `တွလားက်´ကြေညာပြီး ရာသီပန်း (၃) ကြိမ်ပွင့်ပြီးသည်အထိ `အစ်ဒသ်´စောင့်ဆိုင်းရာ သူမတို့အတွက် သတ်မှတ်ကာလ ရောက်ရှိသွားသောကြောင့် `တွလားက်´ကွာရှင်းမှုကို အတည်ပြုလိုက်ကြလေသည်။ သို့ပါသော်လည်း သူတို့အကြား၌ သဘောတူကျေနပ်မှု ရရှိသွားသော ကြောင့် အသိတရားရှိစွာဖြင့် သူမတို့၏ခင်ပွန်းများနှင့် ပြန်လည်ပေါင်းဖက်ရန် `နိကာဟ်´ပြု ထိမ်းမြားခြင်းကို မူ သူမတို့အပေါ် သင်တို့ တားဆီးပိတ်ပင် ထိန်းချုပ်ခြင်းမပြုကြလေနှင့်။ ယင်းသည်ကား သင်တို့အနက်မှ အလ္လာဟ်အရှင်မြတ်ကိုသော်လည်းကောင်း၊ `အာခိရသ်´ကိုသော်လည်းကောင်း၊ အီမာန်သက်ဝင်ယုံကြည်သူ တို့အဖို့ရာ တရားတော်၏အဆုံးအမဖြစ်သည်။ ထိုသည်တို့ကား သင်တို့အတွက် အစစ်အမှန်ဆုံးနှင့် စင်ကြယ် သန့်ရှင်းမှုအရှိဆုံးသော ဘ၀တည်ဆောက်မှုလမ်းစဉ်ဖြစ်သည်။ အလ္လာဟ်အရှင်မြတ်သည် အကြွင်းမဲ့သိတော် မူသောအရှင်ဖြစ်၍ သင်တို့သည်ကား အကြွင်းမဲ့သိနိုင်သူများမဟုတ်ကြချေ။ (ဘကရာဟ် – ၂၃၂)
ရှင်းလင်းချက်။ ။ ဘ၀သက်တမ်းတစ်ခုတွင် ခင်ပွန်းသည်တစ်ဦးနှင့် ဇနီးသည်တစ်ဦးတို့၏ ကွာရှင်းပြတ်စဲမှုသည် (၂) ကြိမ်တိုင်တိုင် ပြုလုပ်ဆောင်ရွက်ခွင့် ရှိသည်ဟု ကျမ်းတော်မြတ်ကုရ်အာန် (၂း၂၂၉) တွင် သတ်မှတ်ပြဋ္ဌာန်းပေးထား ပြီးဖြစ်သည်။ သို့ဖြစ်ရာ မိမိ၏ဇနီးသည်ကို `တွလားက်´ပေးပြီး ကွာရှင်းလိုက်သော အမျိုးသားတစ်ဦးအတွက် သူတို့၏ ဘ၀သက်တမ်းတွင် တစ်ကြိမ်ကွာရှင်းပြတ်စဲမှုကို အတည်ပြုလိုက်ပြီးဖြစ်သည်။ အကယ်၍ သူတို့နှစ်ဦးအကြား၌ နှစ်ဦး သဘောတူကြ၍ ပြန်လည်ပေါင်းသင်းမည်ဆိုပါက (ဒုတိယအကြိမ်မြောက်) ပြန်လည်`နိကာဟ်´ပြု ထိမ်းမြားလက် ထပ်ခြင်းကို မတားမြစ်ကြရန် အထက်ပါအာယသ်က လမ်းညွှန်ထားခြင်းဖြစ်သည်။ ထို့နောက် ဒုတိယအကြိမ်မြောက် ကွာရှင်းပြီး တတိယအကြိမ်မြောက်`နိကာဟ်´ပြု ထိမ်းမြားခြင်းကိုမူ အခြားယောက်ျားတစ်ဦးနှင့် ပေါင်းဖက်`နိကာဟ်´ ပြုပြီးမှ ပြန်လည်ထိမ်းမြား လက်ထပ်ခွင့်ရှိတော့သည်။
ဆူရာဟ်ဘကရာဟ်၊ အာယသ်တော် (၂၃၃)
وَٱلۡوَٲلِدَٲتُ يُرۡضِعۡنَ أَوۡلَـٰدَهُنَّ حَوۡلَيۡنِ كَامِلَيۡنِۖ لِمَنۡ أَرَادَ أَن يُتِمَّ ٱلرَّضَاعَةَۚ
وَعَلَى ٱلۡمَوۡلُودِ لَهُ ۥ رِزۡقُهُنَّ وَكِسۡوَتُہُنَّ بِٱلۡمَعۡرُوفِۚ لَا تُكَلَّفُ نَفۡسٌ إِلَّا وُسۡعَهَاۚ
لَا تُضَآرَّ وَٲلِدَةُۢ بِوَلَدِهَا وَلَا مَوۡلُودٌ۬ لَّهُ ۥ بِوَلَدِهِۦۚ وَعَلَى ٱلۡوَارِثِ مِثۡلُ ذَٲلِكَۗ فَإِنۡ أَرَادَا فِصَالاً
عَن تَرَاضٍ۬ مِّنۡہُمَا وَتَشَاوُرٍ۬ فَلَا جُنَاحَ عَلَيۡہِمَاۗ وَإِنۡ أَرَدتُّمۡ أَن تَسۡتَرۡضِعُوٓاْ أَوۡلَـٰدَكُمۡ
فَلَا جُنَاحَ عَلَيۡكُمۡ إِذَا سَلَّمۡتُم مَّآ ءَاتَيۡتُم بِٱلۡمَعۡرُوفِۗ وَٱتَّقُواْ ٱللَّهَ
وَٱعۡلَمُوٓاْ أَنَّ ٱللَّهَ بِمَا تَعۡمَلُونَ بَصِيرٌ۬
မွေးမိခင်တို့သည် ပြီးပြည့်စုံစွာ နို့တိုက်ကျွေးမည်ဟုဆန္ဒရှိကြလျှင် သူမတို့၏ကလေးငယ်များကို (၂)နှစ်ပြည့်အောင် နို့ချိုတိုက်ကျွေးကြပေလိမ့်မည်။ မွေးဖခင်တို့ကလည်း သူမတို့အား စားရေရိက္ခာနှင့် ၀တ် စားတန်ဆာအ၀၀ကို အသိတရားရှိစွာဖြင့် ထောက်ပံ့ပေးရန်တာဝန်ရှိပေသည်။ မည်သူမျှ သူထမ်းဆောင်နိုင် သည့်ဝန်မှအပ အခြားထမ်းဆောင်ရန် တာဝန်ပေးအပ်ခြင်းခံရမည်မဟုတ်ပေ။မိခင်တစ်ဦးသည် သူမွေးဖွား လိုက်သော သားသမီးကြောင့် တစ်စုံတစ်ရာသော ဘေးဥပါဒ်အန္တရာယ် မဖြစ်စေရသလို မွေးဖွားခြင်းခံလိုက်ရ သော သားသမီးတစ်ဦးသည် သူ၏ဖခင်အတွက် ဘေးဥပါဒ်အန္တရာယ် မဖြစ်စေရပေ။ (ဖခင်သော်လည်းကောင်း၊ မိခင်သော်လည်းကောင်း ကွယ်လွန်သွားခဲ့လျှင်) ထိုတာဝန်အရပ်ရပ်မှာ သူတို့အား အမွေစား၊ အမွေခံသူတို့အပေါ်သို့ အလားတူပင် သက်ရောက်လေသည်။
အကယ်၍ ဖခင်နှင့်မိခင် နှစ်ဦးသဘောတူ ဆန္ဒရှိခဲ့လျှင် နှစ်ဖက်ညှိနှိုင်းတိုင်ပင်ပြီး သဘောတူညီချက် တစ်စုံတစ်ရာရရှိသည့်အပေါ် ကလေးငယ်အား နို့ဖြတ်ခဲ့လျှင် မိဘနှစ်ဦးအပေါ်ဝယ် အပြစ်ဆိုဖွယ်ရာမရှိပေ။ တစ်ဖန် အကယ်၍ သင်တို့ အလိုဆန္ဒရှိသဖြင့် သင်တို့၏သားသမီးများကို အသိတရားရှိစွာဖြင့် ထိုက်တန်စွာ ချီးမြှင့်ပေးဆောင်ပြီး နို့ထိမ်းတစ်ဦးအား လွှဲပြောင်းနို့တိုက်စေခြင်းသည်လည်း ဖခင်နှင့်မိခင်အပေါ် တစ်စုံတစ် ရာ အပြစ်ဆိုဖွယ်ရာမရှိပေ။ အလ္လာဟ်အရှင်မြတ်က ပြဋ္ဌာန်းထားသော ရှောင်ရန်တို့ကိုရှောင်ကြဉ်ပြီး ဆောင် ရန်တို့ကိုဆောင်ခြင်းအားဖြင့် `တက္က၀ါ´တရားကို လက်ကိုင်ပြုထားကြပါလေ။ ထို့ပြင် အလ္လာဟ်အရှင်မြတ်သည် သင်တို့၏လုပ်ရပ်များအား အကြွင်းမဲ့ သိမြင်တော်မူသည်ကိုလည်း သင်တို့ သိရှိနားလည်ထားကြပါလေ။ (ဘကရာဟ် – ၂၃၃)
ရှင်းလင်းချက်။ ။ မွေးမိခင်၏ နို့ချိုတိုက်ကျွေးမှုနှင့်ပတ်သက်ပြီး ကျမ်းမြတ်ကုရ်အာန်၏ အခြေခံပြဋ္ဌာန်းချက်က `မိခင်တစ်ဦးသည် မိမိ၏သားသမီးကို (၂)နှစ်ထိတိုင် နို့ချိုတိုက်ကျွေးရမည်´ဟူ၍ဖြစ်သည်။ ဤကား မိခင်၏တာဝန် ဖြစ်သည်။ ဖခင်၏တာဝန်မှာမူ နို့်တိုက်မိခင်အား လိုအပ်ချက်များကို ထောက်ပံ့ဖြည့်ဆည်းပေးရန်ဖြစ်သည်။ အကယ်၍ ဖခင်သည်လည်းကောင်း၊ မိခင်သည်လည်းကောင်း၊ ကွယ်လွန်သေဆုံးသွားခဲ့လျှင် နို့တိုက်ကျွေးမှုတာဝန်သည် ထိုမိဘ တို့၏ အမွေစား၊ အမွေခံများအပေါ်သို့ ဆက်လက်တာဝန် သက်ရောက်လေသည်။ တစ်နည်းအားဖြင့်ဆိုလျှင် ကလေး ငယ်များအား နို့ချိုတိုက်ကျွေး ပြုစုထိန်းသိမ်းသောတာဝန်မှာ ရှောင်လွှဲ၍မရသော တာဝန်ကြီးတစ်ရပ်ဖြစ်လေသည်။
အကယ်၍ မိခင်နှင့်ဖခင်တို့က သဘောတူကြလျှင် ကလေးငယ်ကို (၂)နှစ်အထိ နို့တိုက်ကျွေးခြင်းကိုရပ်ဆိုင်း ၍ နို့ဖြတ်နိုင်သလို အခြားနို့ထိမ်းသည်တစ်ဦးကို ငွေကြေးဖြင့်ငှားရမ်းပြီး နို့တိုက်ကျွေးခွင့်ရှိလေသည်။ ကျမ်းမြတ်ကုရ် အာန်က ပြဋ္ဌာန်းထားသော သတ်မှတ်ချက်များသည် မျှခြေရှိ၍ မည်သူတစ်ဦးတစ်ယောက်ကိုမျှ မနိုင်ဝန်ထမ်းခိုင်းခြင်း မရှိပေ။ အလားတူ ပြဋ္ဌာန်းချက်တစ်ရပ်ကြောင့် တစ်စုံတစ်ယောက်သည် နစ်နာဆုံးရှုံးသွားသည်လည်း လုံးဝမရှိပေ။
ဆူရာဟ်ဘကရာဟ်၊ အာယသ်တော် (၂၃၄)
وَٱلَّذِينَ يُتَوَفَّوۡنَ مِنكُمۡ وَيَذَرُونَ أَزۡوَٲجً۬ا يَتَرَبَّصۡنَ بِأَنفُسِهِنَّ أَرۡبَعَةَ أَشۡہُرٍ۬ وَعَشۡرً۬اۖ
فَإِذَا بَلَغۡنَ أَجَلَهُنَّ فَلَا جُنَاحَ عَلَيۡكُمۡ فِيمَا فَعَلۡنَ فِىٓ أَنفُسِهِنَّ بِٱلۡمَعۡرُوفِۗ وَٱللَّهُ بِمَا تَعۡمَلُونَ خَبِيرٌ۬
သင်တို့အနက်မှ ထိုသူတို့သည် ဇနီးမယားများထားရှိလျက် ကွယ်လွန်သေဆုံးသွားကြလေသည်။ ယင်းဇနီးမယားတို့သည် မိမိတို့ကိုယ် မိမိတို့ (၄) လနှင့် (၁၀) ရက်တိုင်တိုင် `အစ်ဒသ်´စောင့်ထိန်းရပေမည်။ သတ်မှတ်ကာလသို့ ရောက်ရှိသွားပြီးသောအခါ သူမတို့၏စိတ်တွင်း၌ရှိသည်တို့ကို အစ္စလာမ်တရားတော်၏ အသိတရားနှင့်အညီဆောင်ရွက်ခြင်းသည် အပြစ်ဆိုဖွယ်ရာမရှိပေ။ အလ္လာဟ်အရှင်မြတ်သည် သင်တို့လုပ် ကိုင်လျက်ရှိသည်တို့ကို အကြွင်းမဲ့ သိကြားတော်မူလေသည်။ (ဘကရာဟ် – ၂၃၄)
ရှင်းလင်းချက်။ ။ ခင်ပွန်းသည်ကွယ်လွန်သွားသောကြောင့် ကျန်ရစ်ခဲ့သူ ဇနီးသည်(မုဆိုးမ)များသည် အိမ်ထောင် သစ်ပြုခြင်းအပါအ၀င် အခြားသောကိစ္စများကိုဆောင်ရွက်ရန် (၄)လနှင့် (၁၀)ရက်တိုင်တိုင် `အစ်ဒသ်´တွက်ချက် စောင့်ထိန်းရပေမည်။ ယင်းကာလအတွင်း၌ ရရှိလာသောကိုယ်ဝန်သည် ကွယ်လွန်သွားသူ ခင်ပွန်းသည်၏ သားသမီး သာလျှင်ဖြစ်သည်။ ကွယ်လွန်သူ၏အမွေစား၊ အမွေခံအဖြစ် သတ်မှတ်ရပေမည်။ ထိုဇနီးသည်တို့သည် `အစ်ဒသ်´ ကာလအတွင်း၌ အိမ်ထောင်သစ်ပြုခြင်းအပါအ၀င် ခရီးထွက်ခြင်း၊ မိမိနေအိမ်မှ အခြားနေရာသို့ ညအိပ်ညနေသွားလာ ခြင်း၊ အလှူမင်္ဂလာပွဲများ သွားရောက်ခြင်း အစရှိသည်တို့ကို ရှောင်ရှားရပေမည်။
ဆူရာဟ်ဘကရာဟ်၊ အာယသ်တော် (၂၃၅)
وَلَا جُنَاحَ عَلَيۡكُمۡ فِيمَا عَرَّضۡتُم بِهِۦ مِنۡ خِطۡبَةِ ٱلنِّسَآءِ أَوۡ أَڪۡنَنتُمۡ فِىٓ أَنفُسِكُمۡۚ عَلِمَ ٱللَّهُ أَنَّكُمۡ
سَتَذۡكُرُونَهُنَّ وَلَـٰكِن لَّا تُوَاعِدُوهُنَّ سِرًّا إِلَّآ أَن تَقُولُواْ قَوۡلاً۬ مَّعۡرُوفً۬اۚ
وَلَا تَعۡزِمُواْ عُقۡدَةَ ٱلنِّڪَاحِ حَتَّىٰ يَبۡلُغَ ٱلۡكِتَـٰبُ أَجَلَهُ ۥۚ وَٱعۡلَمُوٓاْ أَنَّ ٱللَّهَ يَعۡلَمُ
مَا فِىٓ أَنفُسِكُمۡ فَٱحۡذَرُوهُۚ وَٱعۡلَمُوٓاْ أَنَّ ٱللَّهَ غَفُورٌ حَلِيمٌ۬
အမျိုးသမီးများအား ပွင့်ပွင့်လင်းလင်းချစ်ရေးဆိုပြီး လက်ထပ်ခွင့်တောင်းဆိုခြင်း၊ သို့မဟုတ် ယင်းကိစ္စကို လျှို့ဝှက်စွာ စိတ်ကူးရည်ရွယ်ခြင်းတို့မှာ သင်တို့အပေါ် အပြစ်တစ်စုံတစ်ရာ သက်ရောက်ဖွယ် မရှိပေ။ မကြာမြင့်မီမှာပင် သင်တို့သည် သူမတို့အား ရင်ထဲရှိသမျှဖော်ထုတ်တော့မည်ကို အလ္လာဟ်အရှင်မြတ် က သိတော်မူပေသည်။ သို့သော် သင်တို့သည် အသိတရားရှိစွာဖြင့် ရည်ရွယ်ပြောဆိုခြင်းမှတစ်ပါး၊ သူမတို့ကို လျှို့ဝှက်စွာ ကတိပေး ချိန်းဆိုတွေ့ဆုံခြင်း မပြုကြလေနှင့်။ (လင်ယောက်ျားကွယ်လွန်ပြီး `အစ်ဒသ်´စောင့် နေသူအမျိုးသမီးများအား) သူတို့၏သတ်မှတ် `အစ်ဒသ်´ကာလသို့ မရောက်မချင်း `နိကာဟ်´ထိမ်းမြားမှု ဆိုင်ရာ အရေးကိစ္စကို ဆုံးဖြတ်သတ်မှတ်ခြင်း မပြုလုပ်ကြလေနှင့်။ အလ္လာဟ်အရှင်မြတ် သင်တို့၏စိတ်ထဲ၌ ရှိသည်တို့အား အကြွင်းမဲ့သိရှိသည်ကို သင်တို့သိရှိထားကြပါလေ။ သို့ဖြစ်ရာ သင်တို့ အသိထား၍ သတိထား ၍ ဆောင်ရွက်ကြပါလေ။ ထို့ပြင် အလ္လာဟ်အရှင်မြတ်သည် နူးညံ့သိမ်မွေ့သော ကရုဏာတော်ရှင်ဖြစ်သည်ကို လည်း သိရှိထားကြပါလေ။ (ဘကရာဟ် – ၂၃၅)
ရှင်းလင်းချက်။ ။ ကျမ်းမြတ်ကုရ်အာန်က အမျိုးသားတစ်ဦးနှင့် (လွတ်လပ်သော) အမျိုးသမီးတစ်ဦးကို လက်ထပ် ထိမ်းမြားရန်ရည်ရွယ်ပြီး ချဉ်းကပ်ချစ်ရေးဆိုခွင့်ရှိသည်။ အဆင်ပြေသွားပြီဆိုပါက နှစ်ဦးနှစ်ဖက် ရင်းရင်းနှီးနှီး ပြောဆို ဆွေးနွေးခွင့်ရှိသည်။ သို့ရာတွင် ဆိတ်ကွယ်ရာ၌ ချိန်းတွေ့ခွင့်မရှိပေ။
ဆူရာဟ်ဘကရာဟ်၊ အာယသ်တော် (၂၃၆)
لَّا جُنَاحَ عَلَيۡكُمۡ إِن طَلَّقۡتُمُ ٱلنِّسَآءَ مَا لَمۡ تَمَسُّوهُنَّ أَوۡ تَفۡرِضُواْ لَهُنَّ
فَرِيضَةً۬ۚ وَمَتِّعُوهُنَّ عَلَى ٱلۡمُوسِعِ قَدَرُهُ ۥ وَعَلَى ٱلۡمُقۡتِرِ قَدَرُهُ ۥ مَتَـٰعَۢا بِٱلۡمَعۡرُوفِۖ
حَقًّا عَلَى ٱلۡمُحۡسِنِينَ
သင်တို့အနေဖြင့် အမျိုးသမီးများကို ထိတွေ့ခြင်းမပြုမီ သို့မဟုတ် သူမတို့အတွက် ရပိုင်ခွင့်များကို သတ်မှတ်ပြဋ္ဌာန်းခြင်းမပြုမီ ကွာရှင်းပြတ်စဲမည်ဆိုလျှင် သင်တို့အပေါ် အပြစ်ဆိုဖွယ်ရာမရှိပေ။ ချမ်းသာကြွယ် ၀လျှင် ချမ်းသာကြွယ်ဝသည့်အလျောက်၊ ဆင်းရဲကြပ်တည်းလျှင် တတ်စွမ်းနိုင်သလောက် သူမတို့အတွက် မနစ်နာစေရန် အသိတရားရှိစွာဖြင့် ထောက်ပံ့မှု(နစ်နာကြေး) ပေးလိုက်ကြပါလေ။ ဤသည်မှာ လောကကို အလှဆင်လိုသူတို့အတွက် ရှောင်လွှဲ၍မရသော တာဝန်တစ်ရပ်ပင်ဖြစ်သည်။ (ဘကရာဟ် – ၂၃၆)
ဆူရာဟ်ဘကရာဟ်၊ အာယသ်တော် (၂၃၇)
وَإِن طَلَّقۡتُمُوهُنَّ مِن قَبۡلِ أَن تَمَسُّوهُنَّ وَقَدۡ فَرَضۡتُمۡ لَهُنَّ فَرِيضَةً۬ فَنِصۡفُ
مَا فَرَضۡتُمۡ إِلَّآ أَن يَعۡفُونَ أَوۡ يَعۡفُوَاْ ٱلَّذِى بِيَدِهِۦ عُقۡدَةُ ٱلنِّكَاحِۚ وَأَن تَعۡفُوٓاْ أَقۡرَبُ لِلتَّقۡوَىٰۚ
وَلَا تَنسَوُاْ ٱلۡفَضۡلَ بَيۡنَكُمۡۚ إِنَّ ٱللَّهَ بِمَا تَعۡمَلُونَ بَصِيرٌ
သူမတို့က ကင်းလွတ်ခွင့်ပေးခြင်း သို့တည်းမဟုတ် `နိကာဟ်´ထိမ်းမြားမှုကို ဦးဆောင်ဦးရွက်ပြုနိုင် သူ တစ်ဦးတစ်ယောက်က ကင်းလွတ်ခွင့်ပြုခြင်းမှလွဲ၍ မည်သူမဆို ဇနီးမယားတို့ကို ထိတွေ့ခြင်းမပြုမီ `တွလားက်´ပေး ကွာရှင်းမည်ဆိုလျှင် သင်တို့သည် သူမတို့အတွက် ပြဋ္ဌာန်းသတ်မှတ်ပေးထားပြီးသော (မဟာရ်)တစ်ရပ်လုံး၏ထက်ဝက်ကို ပေးဆောင်ကြရန် တာဝန်ရှိပေသည်။ အကယ်၍ သင်တို့သည် ကျေအေး ကင်းလွတ်ခွင့်ပြုကြပါမူ `တက္က၀ါ´တရားနှင့် အနီးကပ်ဆုံးဖြစ်စေရန် ပြုမူဆောင်ရွက်ခြင်းပင်ဖြစ်သည်။ သို့ဖြစ် ရာ သင်တို့အကြား၌ တစ်ဦးကိုတစ်ဦး ကျေးဇူးပြုကြရန် မမေ့လျော့ကြလေနှင့်။ ဧကန်အမှန်ပင် အလ္လာဟ် အရှင်မြတ်သည် သင်တို့ ပြုလုပ်ဆောင်ရွက်သမျှကို အကြွင်းမဲ့မြင်တော်မူလေသည်။ (ဘကရာဟ် – ၂၃၇)
ရှင်းလင်းချက်။ ။ အမျိုးသမီးတစ်ဦးကို ပေါင်းသင်းလက်ထပ်ပြီးကာမှ အကြောင်းကြောင်းကြောင့် ကွာရှင်းပြတ်စဲ မည်ဆိုပါက အမျိုးသားတစ်ဦးအနေဖြင့် ကွာရှင်းပြတ်စဲခွင့်ရှိသည်။ ထိုသို့ ကွာရှင်းရာတွင် ထိုအမျိုးသမီးတို့အတွက် နစ်နာမှုတစ်စုံတစ်ရာ မဖြစ်ပေါ်စေရန် ကျမ်းမြတ်ကုရ်အာန်က ပြဋ္ဌာန်းသတ်မှတ်ချက်တစ်ရပ်ကို ပြဋ္ဌာန်းထားခြင်းပင်ဖြစ် သည်။ အမျိုးသမီးကသော်လည်းကောင်း၊ အမျိုးသမီး၏ ကိုယ်စားလှယ်(၀ကီလ်း)သို့မဟုတ် အုပ်ထိန်းသူကသော် လည်းကောင်း၊ ကင်းလွတ်ခွင့်ပြုခြင်းမှတစ်ပါး အမျိုးသားတစ်ဦးအနေနှင့် အမျိုးသမီးတစ်ဦးကို ထိမ်းမြားလက်ထပ်ပြီး ထိတွေ့ခြင်းမပြုခင် ကွာရှင်းပြတ်စဲမှုပြုမည်ဆိုပါက မိမိသတ်မှတ်ထားသော `မဟာရ်´၏ထက်ဝက်ကို အမျိုးသမီးအား မဖြစ်မနေပေးချေရပေမည်။ သို့ရာတွင် အမျိုးသားတို့အနေဖြင့် `မဟာရ်´တစ်ရပ်လုံးကို ပေးချေလိုက်ခြင်းသည်လည်း ကောင်း၊ ကွာရှင်းပြတ်စဲမှုကို ပယ်ဖျက် ရုပ်သိမ်းလိုက်ခြင်းသည် လည်းကောင်း၊ `တက္က၀ါ´တရားကို လက်ကိုင်ပြုထား ခြင်းသာဖြစ်သည်။ တစ်ဦးနှင့်တစ်ဦးအကြား အပြန်အလှန် နားလည်မှုရှိကြခြင်း၊ အပြန်အလှန် ကျေးဇူးသိတတ်ကြခြင်း ဆိုသည်မှာ မမေ့မလျော့အပ်သော အရေးကိစ္စများပင်ဖြစ်သည်။
ဆူရာဟ်ဘကရာဟ်၊ အာယသ်တော် (၂၃၈)
حَـٰفِظُواْ عَلَى ٱلصَّلَوَٲتِ وَٱلصَّلَوٰةِ ٱلۡوُسۡطَىٰ وَقُومُواْ لِلَّهِ قَـٰنِتِينَ
သင်တို့သည် `ဆွလားသ်´တည်းဟူသော အလ္လာဟ်အရှင်မြတ်က ပြဋ္ဌာန်းထားသည့် စနစ်ဇယား အပေါ် စဉ်ဆက်မပြတ် စောင့်ထိန်းလိုက်နာကြပါလေ။ ထို့ပြင် သင်တို့၏ လူနေမှုဘ၀တစ်ခုလုံး၌ `ဆွလားသ်´ ဟူသောစနစ်ဇယားကို ဗဟိုပြု၊ မဏ္ဍိုင်ပြုပါလေ။ ထို့ပြင် သင်တို့သည် (သင်တို့၏ဘ၀တစ်ခုလုံးကို) အလ္လာဟ် အရှင်မြတ်၏ ရှေ့တော်မှောက်၌ ကျိုးနွံနာခံစွာ ရပ်တည်ကြပါလေ။ (ဘကရာဟ် – ၂၃၈)
ရှင်းလင်းချက်။ ။ `ဆွလားသ်´ဟူသည် အလ္လာဟ်ပြ စနစ်ဇယား တစ်ခုဖြစ်သည့်အားလျော်စွာ တိုးတက်သောလူ့ အဖွဲ့အစည်းတစ်ရပ်ကို ထူထောင်လိုသူ အီမာန်ယုံကြည်ချက် ရှိသူတို့အတွက် မလွဲမသွေ လက်ကိုင်ပြုထားရပေမည်။ အထက်ပါ အာယသ်တော်တွင် ပါဝင်သည့် `ဝုဆ်တွာ´ ဟူသော အရဗီဝေါဟာရမှာ `အလယ်´ (Middle) ဟု အဓိပ္ပါယ် ထွက်ရှိသလို `ဗဟိုအချက်အချာဖြစ်သော´ (Central) ဟူသည့်အဓိပ္ပါယ်ကိုလည်း ရည်ညွှန်းလေသည်။ (Practical Devotion) ဟုခေါ်ဆိုသော ရုပ်ပိုင်းဆိုင်ရာ `ဆွလားသ်´တည်ဆောက်မှုကို မည်သို့တည်ဆောက်စေကာမူ ယင်း `ဆွ လားသ်´ ၏ စနစ်ဇယားများကို မိမိ၏ ဘ၀သက်တမ်း တစ်လျှောက်လုံးတွင် နာခံဆုပ်ကိုင် အကောင်အထည် မဖော်နိုင် သမျှ ကာလပတ်လုံး အလ္လာဟ်အရှင်မြတ်၏ ရှေ့တော်မှောက်တွင် ကျိုးနွံနာခံစွာ ရပ်တည်နေသည်ဟု မသတ်မှတ်နိုင်ပေ။ ရုပ်ပိုင်းဆိုင်ရာ `ဆွလားသ်´ ပုံစံကို အလေးထားသလို ကျမ်းမြတ်ကုရ်အာန်က ရည်ညွှန်းဖော်ပြနေသော `ဆွလားသ်´ ၏ စနစ်ဇယားများကို မိမိ၏ ဘ၀သက်တမ်း တစ်လျှောက်လုံး နာခံလုပ်ကိုင် အကောင်အထည်ဖော်ပါမှ အလ္လာဟ်အရှင်မြတ်၏ ရှေ့တော်မှောက်တွင် ကျိုးနွံနာခံစွာ ရပ်တည်နေပါသည်ဟု သတ်မှတ်နိုင်ပေမည်။ အစောပိုင်း အာယသ်တော်များတွင် ညွှန်ကြားပြသထားသော ဇနီးမောင်နှံဆိုင်ရာ အရေးကိစ္စ၊ ကလေးသူငယ်များဆိုင်ရာ ပြဋ္ဌာန်းချက်များ အပါအ၀င် အရှင်မြတ်၏ ပြဋ္ဌာန်းသတ်မှတ်ချက် အရပ်ရပ်ကို စိတ်စေတနာဖြူစင်စွာဖြင့် ဦးလည်မသုန် နာခံဘ၀တည်ဆောင်ခြင်းသည်ပင်လျှင် ကျမ်းမြတ်ကုရ်အာန်က ရည်ညွှန်းနေသော `ဆွလားသ်´တည်ဆောက်ခြင်းပင်ဖြစ်သည်။
ဆူရာဟ်ဘကရာဟ်၊ အာယသ်တော် (၂၃၉)
فَإِنۡ خِفۡتُمۡ فَرِجَالاً أَوۡ رُكۡبَانً۬اۖ فَإِذَآ أَمِنتُمۡ فَٱذۡڪُرُواْ ٱللَّهَ كَمَا عَلَّمَڪُم مَّا لَمۡ تَكُونُواْ تَعۡلَمُونَ
သင်တို့သည် လုံခြုံအေးချမ်းစွာရှိချိန်၌ သင်တို့ မသိနားမလည်သေးသည်များကို အလ္လာဟ်အရှင်မြတ် က သင်ကြားပြသခဲ့သည့်အတိုင်း အလ္လာဟ်အရှင်မြတ်ကို သတိရ တသကြပါလေ။ အကယ်၍ စိုးရိမ်သောက ကြီးစွာဖြင့် ခြေလျင်ခရီးသွားရသည်ဖြစ်စေ သို့မဟုတ် အစီးအနင်းဖြင့် ခရီးသွားရသည်ဖြစ်စေ အလ္လာဟ်အရှင် မြတ်ကိုသာ သတိရ တသကြပါလေဦး။ (ဘကရာဟ် – ၂၃၉)
ရှင်းလင်းချက်။ ။ ဘ၀ခရီးတစ်ခုကို လျှောက်လှမ်းရာ၌ လုံခြုံအေးချမ်းသော ကာလရှိသလို စိုးရိမ်သောကကြီးစွာဖြင့် လျှောက်လှမ်းရသော ကာလလည်း ရှိလေသည်။ မည်သည့်အချိန်၊ မည်သည့်ကာလဖြစ်စေကာမူ အလ္လာဟ်အရှင်မြတ် သင်ကြားပေးထားသော နည်းစနစ်အတိုင်းပင် ဘ၀ကိုကြံ့ကြံ့ခံပြီး ဖြတ်သန်းလျှောက်လှမ်း ရပေသည်။ အလ္လာဟ်အရှင် မြတ်က လူသားအား ကျမ်းမြတ်ကုရ်အာန်ကို သင်ကြားပေးကြောင်း ကုရ်အာန်(၅၅း၁-၂)တွင် ဤသို့ ဖော်ပြထားလေသည်။
“လိုအပ်ချက်အ၀၀ကို လိုလေသေးမရှိအောင် ထောက်ပံ့ဖြည့်တင်းပေးသော `ရဟ်မာန်´အရှင်သည်” (ကုရ်အာန် – ၅၅း၁)
“ကျမ်းမြတ်ကုရ်အာန်ကို (လူသားအား) သင်ကြားပေးခဲ့လေသည်။ လူသားသည် အလ္လာဟ်အရှင်မြတ်အား အမြဲမပြတ် သတိရ တသ (ဇီကိရ်)ပြုနေရပေမည်” (ကုရ်အာန် – ၅၅း၂)
ဆူရာဟ်ဘကရာဟ်၊ အာယသ်တော် (၂၄၀)
وَٱلَّذِينَ يُتَوَفَّوۡنَ مِنڪُمۡ وَيَذَرُونَ أَزۡوَٲجً۬ا وَصِيَّةً۬ لِّأَزۡوَٲجِهِم مَّتَـٰعًا إِلَى ٱلۡحَوۡلِ
غَيۡرَ إِخۡرَاجٍ۬ۚ فَإِنۡ خَرَجۡنَ فَلَا جُنَاحَ عَلَيۡڪُمۡ
فِى مَا فَعَلۡنَ فِىٓ أَنفُسِهِنَّ مِن مَّعۡرُوفٍ۬ۗ وَٱللَّهُ عَزِيزٌ حَڪِيمٌ۬
အသင်တို့အနက် ဇနီးမိန်းမများကိုထားရှိခဲ့ပြီး ကွယ်လွန်သေဆုံးသွားကြသူများအနေဖြင့် (မကွယ် လွန်မီ) မိမိတို့ ဇနီးမိန်းမများအတွက် တစ်နှစ်ပတ်လုံး မူလနေအိမ်မှမထွက်ခွာစေဘဲ စားရေရိက္ခာပြည့်စုံစွာဖြင့် နေထိုင်အကျိုးခံစားခွင့်ရရှိနိုင်ရန် `၀ဆွီယသ်´(သေတမ်းစာ) ရေးသားမှာကြားခဲ့ရပေမည်။ သို့ရာတွင် (တစ် နှစ်တာ ကာလမပြည့်မီ) သူမတို့၏သဘောဆန္ဒအလျောက် နေအိမ်မှထွက်ခွာသွား၍ အစ္စလာမ်တရားတော်၏ အဆုံးအမနှင့်အညီ သူမတို့၏နေထိုင်သွားလာမှုကို ဆောင်ရွက်ကြမည်ဆိုလျှင် ထိုသို့ အိမ်မှစွန့်လွှတ်ထွက်ခွာ သွားခြင်းကို ခွင့်ပြုသည့်သူများအပေါ် အပြစ်တင်ဖွယ်ရာမရှိချေ။ အလ္လာဟ်အရှင်မြတ်သည် စွမ်းအင်အ၀၀နှင့် ပြည့်စုံတော်မူပြီး ဉာဏ်တော်အပေါင်းနှင့်လည်း ပြည့်စုံတော်မူလေသည်။ (ဘကရာဟ် – ၂၄၀)
ရှင်းလင်းချက်။ ။ ဥစ္စာပစ္စည်းလည်း အတိုင်းအတာတစ်ရပ်အထိ ကျန်ရစ်ခဲ့ပြီး ဇနီးမုဆိုးမများကိုလည်း ထားရစ်ခဲ့ မည့် ကွယ်လွန်သူ မွတ်စလင်မ်အမျိုးသားတစ်ဦးသည် သူမကွယ်လွန်မီ ကျန်ရစ်သူများအတွက် သေတမ်းစာရေးသား ခဲ့ရမည်ဖြစ်သလို အထူးသဖြင့် မိမိ၏သေတမ်းစာတွင် မိမိ၏ကြွယ်ဝမှုနှင့်အညီ မိမိ၏ဇနီးအတွက် တစ်နှစ်တာကာလ သော အတိုင်းအတာအထိကို အေးချမ်းစွာ နေထိုင်သွားလာ စားသောက်ရေးအတွက် မဖြစ်မနေ သေတမ်းစာရေးသား ခဲ့ရပေမည်။
အထက်ပါ အာယသ်တော်အရ အကယ်၍ ခင်ပွန်းသည်တစ်ဦးသည် သေတမ်းစာမရေးနိုင်ဘဲ ကွယ်လွန်ခဲ့ လျှင် ဇနီးသည်သည် အစ္စလာမ်တရားတော်က ပြဋ္ဌာန်းထားသော အမွေခွဲတမ်းကို ရပိုင်ခွင့်ရှိသည့်အပြင် တစ်နှစ်တာ နေထိုင်သွားလာ စားသောက်စရိတ်ကိုပါ ခံစားခွင့်ရှိစေရပေမည်။ သို့သော် ဇနီးသည်တို့က တစ်နှစ်မပြည့်ခင် နောက် အိမ်ထောင်သစ်တစ်ခုကို ထူထောင်သွားမည်ဆိုလျှင် အစ္စလာမ့်တရားတော်အရ ခွင့်ပြုချက်ရှိသော်လည်း မူလခင်ပွန်း သည်ထံမှရရှိသော တစ်နှစ်ပတ်လည်ခံစားခွင့်ကို အိမ်ထောင်သစ်ပြုသည့်နေ့မှစ၍ လက်လွှတ်ဆုံးရှုံးသွားရပေမည်။
(ဆက်လက်ဖော်ပြပါမည်)
ဆူရာဟ်ဘကရာဟ်၊ အာယသ်တော် (၂၂၁) မှ (၂၃၀) အထိ ပြန်ဆိုမှုအား ဖတ်ရှုရန်