ဆူရာဟ်ဘကရာဟ်၊ အာယသ်တော် (၃၁) မှ (၄၀) အထိ (ပြန်ဆိုသူ – မုဖ်သီ ဦးစန်းအောင်)

بِسۡمِ ٱللهِ ٱلرَّحۡمَـٰنِ ٱلرَّحِيمِ

ဆူရာဟ်ဘကရာဟ်၊ အာယသ်တော် (၃၁)

وَعَلَّمَ ءَادَمَ ٱلۡأَسۡمَآءَ كُلَّهَا ثُمَّ عَرَضَہُمۡ عَلَى ٱلۡمَلَـٰٓٮِٕكَةِ فَقَالَ أَنۢبِـُٔونِى

بِأَسۡمَآءِ هَـٰٓؤُلَآءِ إِن كُنتُمۡ صَـٰدِقِينَ

အလ္လာဟ်အရှင်မြတ်က “အာဒမ်” လူသားတို့အား ပညာရပ်အလုံးစုံကို သင်ကြားပေးခဲ့လေသည်။ ပြီးနောက် “မလာအိကာဟ်” များသို့ “သင်တို့၏ စောဒကတက်မှုသာ မှန်ကန်သည်ဆိုလျှင် ဤပညာရပ်များနှင့် ပတ်သက်၍ ငါ့အား အသိပေးလျှောက်တင်ကြလော့” ဟု မိန့်တော်မူလေသည်။ (ဘကရာဟ် – ၃၁)

ရှင်းလင်းချက် ။ ။ “မလာအိကာဟ်” နှင့် လူသားတို့၏ ကွာခြားချက်တစ်ရပ်မှာ အလ္လာဟ်အရှင်မြတ်က လူသားအား မည်သည့်ပညာရပ်များကိုမဆို လေ့လာဆည်းပူး မှတ်ယူနိုင်သည့် မွေးရာပါဗီဇ (Instinct) ကို ထည့်သွင်းပေးလိုက် လေသည်။ ထို့ကြောင့် လူသားသည် မွေးဖွားခံရပြီးနောက်တွင် ပညာရပ်အများအပြားကို သင်ယူလေ့လာနိုင်သော အစွမ်းအစ၊ အရည်အသွေးများရှိပေသည်။ မလာအိကာဟ်၌မူ ထိုအရည်အသွေးမရှိချေ။

 

ဆူရာဟ်ဘကရာဟ်၊ အာယသ်တော် (၃၂)

قَالُواْ سُبۡحَـٰنَكَ لَا عِلۡمَ لَنَآ إِلَّا مَا عَلَّمۡتَنَآ‌ۖ إِنَّكَ أَنتَ ٱلۡعَلِيمُ ٱلۡحَكِيمُ

“မလာအိကာဟ်” များက “အလ္လာဟ်အရှင်မြတ်သည် ချို့တဲ့၊ ချို့ယွင်းခြင်းအ၀၀မှ ကင်းစင်တော်မူပြီး သန့်ရှင်းစင်ကြယ် မြင့်မြတ်တော်မူပေသည်။ ကျွန်ုပ်တို့ထံတွင် အရှင်မြတ်ပေးထားပြီးသောအသိမှလွဲ၍ အခြား ဘာမျှမသိပါ။ ဧကန်အမှန်ပင် အသင်အရှင်မြတ်သည် အကြွင်းမဲ့သိတော်မူသော ကျိုးကြောင်းဆင်ခြင်တုံ တရားနှင့် ပြည့်စုံတော်မူသော အရှင်ဖြစ်သည်” ဟု ပြန်လည်လျှောက်တင်လေသည်။ (ဘကရာဟ် – ၃၂)

 

ဆူရာဟ်ဘကရာဟ်၊ အာယသ်တော် (၃၃)

قَالَ يَـٰٓـَٔادَمُ أَنۢبِئۡهُم بِأَسۡمَآٮِٕہِمۡ‌ۖ فَلَمَّآ أَنۢبَأَهُم بِأَسۡمَآٮِٕہِمۡ قَالَ أَلَمۡ أَقُل لَّكُمۡ

إِنِّىٓ أَعۡلَمُ غَيۡبَ ٱلسَّمَـٰوَٲتِ وَٱلۡأَرۡضِ وَأَعۡلَمُ مَا تُبۡدُونَ وَمَا كُنتُمۡ تَكۡتُمُونَ

အလ္လာဟ်အရှင်မြတ်က “အို… အာဒမ် သူတို့ (မလာအိကာဟ်) ကို ဤပညာရပ်များနှင့် ပတ်သက်၍ သင်အသိပေးဖော်ထုတ်ပြပါလေ” ဟု မိန့်သောအခါ “အာဒမ်” ကလည်း ယင်းပညာရပ်များနှင့် ပတ်သက်၍ သူတို့အား ဖော်ထုတ် အသိပေးလိုက်လေသည်။ ထိုအခါ အလ္လာဟ်အရှင်မြတ်က “ငါသည် မဟာစကြ၀ဠာနှင့် ကမ္ဘာဂြိုဟ်ပေါ်၌ ဖုံးကွယ်လျက်ရှိသမျှကို သိရှိခဲ့ပြီးဖြစ်သည်ဟု သင်တို့ကို မပြောခဲ့လေသလော၊ ငါအရှင် သည် သင်တို့ထုတ်ဖော် ဖွင့်ဟထားသည်များကိုလည်းကောင်း၊ သင်တို့လျှို့ဝှက် ဖုံးကွယ်ထားသည်များကို လည်းကောင်း၊ အကြွင်းမဲ့သိရှိခဲ့ပြီးဖြစ်သည်” ဟု မိန့်ကြားတော်မူလေသည်။ (ဘကရာဟ် – ၃၃)

 

ဆူရာဟ်ဘကရာဟ်၊ အာယသ်တော် (၃၄)

وَإِذۡ قُلۡنَا لِلۡمَلَـٰٓٮِٕكَةِ ٱسۡجُدُواْ لِأَدَمَ فَسَجَدُوٓاْ إِلَّآ إِبۡلِيسَ أَبَىٰ وَٱسۡتَكۡبَرَ وَكَانَ مِنَ ٱلۡكَـٰفِرِينَ

ထိုသို့ (အရည်အချင်းစစ်ဆေးပြီး) သောအခါ ငါအလ္လာဟ်အရှင်မြတ်က “မလာအိကာဟ်” များအား “သင်တို့ အာဒမ်အား ဦးချနာခံကြ” ဟု မိန့်တော်မူလေသည်။ သို့ဖြစ်ရာ “မလာအိကာဟ်” များကလည်း ဦးချ နာခံကြလေသည်။ သို့ရာတွင် “အီဗလီစ်း” က ဦးချနာခံခြင်းမပြုချေ။ “အီဗလီစ်း” သည် အမိန့်နာခံတော်ကို ငြင်းပယ်ရှောင်လွှဲ ခဲ့သလို မောက်မာပလွှားမှုကိုလည်း ပြုခဲ့ပေပြီ။ သူသည် သွေဖည်ငြင်းပယ်သူများအနက် အပါအ၀င်ဖြစ်သွားရလေပြီ။ (ဘကရာဟ် – ၃၄)

ရှင်းလင်းချက် ။ ။ အလ္လာဟ်အရှင်မြတ်၏ အရည်အချင်းစမ်းသပ်မှုတွင် “မလာအိကာဟ်” တို့က လူသားတို့အား ရှုံးနိမ့်ခဲ့ရလေသည်။ သို့ဖြစ်ရာ “မလာအိကာဟ်” တို့သည် အလ္လာဟ်အရှင်မြတ်၏ မူလစီမံကိန်းကို အကောင်အထည်ဖော် ဆောင်ရွက်ရန် အသင့်ပြင်ကြရလေသည်။

အလ္လာဟ်အရှင်မြတ်က မလာအိကာဟ်များကို အာဒမ်ကိုဦးချနာခံရန် တစ်နည်းအားဖြင့် အာဒမ်လူသား၏ စေခိုင်းချက်ကို လိုက်နာရန် အမိန့်ချမှတ်လိုက်သောအခါ မလာအိကာဟ်များက ဦးလည်မသုန် နာခံကြလေသည်။ သို့ သော် အလ္လာဟ်အရှင်မြတ်၏ ဤအမိန့်တော်ကြောင့် တတိယအုပ်စုဖြစ်သော “အီဗလီစ်း” ဟူသည့် အုပ်စုတစ်စုပေါ် ထွန်းလာတော့သည်။ သူတို့က နာခံမှုအ၀၀ကို သွေဖည်ငြင်းပယ်ကြသည်။ မိမိကိုယ်မိမိ ဂုဏ်မောက်သည်။ သို့ဖြစ်ရာ အလ္လာဟ်အရှင်မြတ်က “အီဗလီစ်း” ကို “ကာဖိရ်” အုပ်စုဝင်ဟူ၍ သတ်မှတ်လိုက်လေသည်။ သို့ဖြစ်ရာ “ကာဖိရ်” နှင့် “အီဗလီစ်း” တို့မှာ ဒင်္ဂါးပြားတစ်ချပ်၏ ခေါင်းနှင့်ပန်းပင်ဖြစ်သည်။ အဖျက်သဘောကိုဆောင်သည့်အသွင်၌ ဗီဇတူများ ဖြစ်ကြသည်။

သို့ဖြစ်ရာ ဤကမ္ဘာမြေပေါ်၌ “ခလီဖာဟ်” ကိုယ်စားလှယ်အဖြစ် ခန့်အပ်ခြင်းခံရသော၊ လွတ်လပ်စွာ ကိုယ်ပိုင် ရွေးချယ်ခွင့် ရရှိထားသော၊ အသိဉာဏ်ပညာနှင့် ပြည့်စုံလှသော အာဒမ်လူသားသည် တစ်ဖက်က သူ့ကိုအကျိုးပြုမည့် မလာအိကာဟ်အုပ်စုရှိသလို တစ်ဖက်ကလည်း သူ့ကိုပျက်စီးစေမည့် “အီဗလီစ်း” အုပ်စုကိုလည်း ကြုံတွေ့ရပေတော့မည်။ လူသား ဘယ်လမ်းကို သွားမည်နည်း။

 

ဆူရာဟ်ဘကရာဟ်၊ အာယသ်တော် (၃၅)

وَقُلۡنَا يَـٰٓـَٔادَمُ ٱسۡكُنۡ أَنتَ وَزَوۡجُكَ ٱلۡجَنَّةَ وَكُلَا مِنۡهَا رَغَدًا

حَيۡثُ شِئۡتُمَا وَلَا تَقۡرَبَا هَـٰذِهِ ٱلشَّجَرَةَ فَتَكُونَا مِنَ ٱلظَّـٰلِمِينَ

ငါအရှင်မြတ်က အာဒမ်ကို ဤသို့ မိန့်တော်မူလေသည်။ “အို… အာဒမ်၊ အသင်သည် သင်၏အဖော် နှင့်အတူ (ဤကမ္ဘာမြေပေါ်၌) တည်ငြိမ်အေးချမ်းသော သုခဘုံအဖြစ် နေထိုင်ပါလေ။ ထို့ပြင် ဤကမ္ဘာမြေပေါ်၌ သင်တို့ ဆန္ဒရှိသည်များကို မည်သည့်နေရာမှမဆို လွတ်လပ်ဖောသီ ၀လင်စွာ စားသုံးကြပါလေဦး။ သို့သော် ဤအပင်နားသို့ပင် သင်တို့နှစ်ဦး လုံးဝမကပ်ပါနှင့်။ သို့မဟုတ်ပါက (အပင်အနားသို့ကပ်လျှင်) သင် တို့သည် မတော်မတရား မိုက်မဲမှုကို ကျူးလွန်သူများဖြစ်သွားကြပေမည်။ (ဘကရာဟ် – ၃၅)

ရှင်းလင်းချက် ။ ။ အချို့မွတ်စလင်မ်များက အလ္လာဟ်အရှင်မြတ်သည် “အာဒမ်” နှင့် သူ၏အဖော်ကို ရှေးဦးစွာ ဂျန္နသ်သုခဘုံ၌ စတင်ဖန်ဆင်းသည်ဟု အယူရှိကြလေသည်။ သို့သော် နောက်ပိုင်းတွင် “ရှိုက်တွာန်” ၏ လှည့်ဖြားမှုကို ခံရ၍ အလ္လာဟ်အရှင်မြတ်က သူတို့ကို လူ့ပြည်လူ့ရွာ ဤကမ္ဘာပေါ်သို့ မောင်းချခြင်းခံရသည်ဟု မှတ်ယူထားကြလေသည်။ ဤအယူအဆက ကျမ်းမြတ်ကုရ်အာန်နှင့် လွဲချော်နေသည်ဟု ထင်မြင်ယူဆမိပါသည်။

ကုရ်အာန်(၂း၃၀) ၌ အလ္လာဟ်အရှင်မြတ်က မလာအိကာဟ်များအား ဧကန်အမှန်ပင် ငါအရှင်မြတ်သည် ဤကမ္ဘာဂြိုဟ်၌ ဤကမ္ဘာဂြိုဟ်ကို ထိန်းချုပ်အုပ်ချုပ်စီမံသူ ကိုယ်စားလှယ်ကို စီမံပြုလုပ် ဆောင်ရွက်တော်မူမည်ဟု ဗျာဒိတ်ပေး အသိပေးထားပြီးဖြစ်သည်။ တစ်နည်းအားဖြင့်ဆိုလျှင် လူသားကို ဤကမ္ဘာမြေပေါ်၌ စီရင်ဖြစ်ထွန်းစေခြင်းမှာ အလ္လာဟ်အရှင်မြတ်၏ မူလဆန္ဒတစ်ရပ်သာဖြစ်သည်။ “ဂျန္နသ်” တွင် “ရှိုင်တွာန်” ၏လှည့်ဖြားမှုကြောင့် ကမ္ဘာမြေပေါ်သို့ ရောက်ရှိလာခဲ့ခြင်း မဟုတ်ပေ။ ဤကမ္ဘာဂြိုဟ်ပေါ်၌ပင် အလ္လာဟ်အရှင်မြတ်၏ သတ်မှတ်ချက်များကိုလိုက်နာပြီး တားမြစ်ချက်များကို ရှောင်ကြဉ်ခြင်းအားဖြင့် “ဂျန္နသ်” သုခဘုံ အနေအထားကို အလ္လာဟ်အရှင်မြတ်က လူသားအား ချီးမြှင့် အပ်နှံခြင်းကို ရည်ညွှန်းခြင်းဖြစ်သည်။

အထက်ပါအာယသ်တော်တွင် ပါဝင်သော “သစ်ပင်” ဟူသည့်စကားလုံးမှာ၊ “သစ်ပင်” ဟူသော ဝေါဟာရ ထက် “ငြင်းခုံရန်ပြုခြင်း”၊ “ရှုပ်ထွေးပွေလီခြင်း” ဟူသည့် အခြားအရဗီဝေါဟာရ အနက်သဘောကို ပို၍ဖော်ဆောင်လေသည်။ ယင်းအနက်သဘောများမှာ “အတ္တ” လွန်ကဲခြင်းကို ရည်ညွှန်းဖော်ဆောင်နေပေသည်။ အလ္လာဟ်အရှင်မြတ်က လူသားအား ကမ္ဘာမြေကြီး ငြိမ်းချမ်းသာယာပြီး “ဂျန္နသ်” သုခဘုံဖြစ်အောင် စီမံလုပ်ဆောင်ရန် လမ်းညွှန်သလို တစ်ဖက်ကလည်း “အတ္တ” လွန်ကဲခြင်းဟူသော မကောင်းမှုဆီသို့ မချဉ်းကပ်ရန် လမ်းညွှန်ထားခြင်းဖြစ်သည်။

“အတ္တလွန်ကဲခြင်း” သည် “အနိစ္စ” ဟူသည့် မမြဲသောသဘောကို လျစ်လျူရှု မေ့လျော့နေခြင်းသာဖြစ်သည်။ အမှန်တကယ်၌မူ လူသည် “အနိစ္စ” သဘောကို ဘယ်နည်းနှင့်မျှ ကျော်လွန်နိုင်မည် မဟုတ်ပေ။ သို့သော် သူတို့ မေ့လျော့နေကြပေသည်။ ကျမ်းမြတ်ကုရ်အာန်(၂၀း၁၂၀) ၌ အထက်ဖော်ပြပါ “သစ်ပင်”နှင့် ပတ်သက်၍လည်းကောင်း၊ “အနိစ္စ” သဘာကိုမေ့လျော့ပြီး အတ္တလွန်ကဲစိတ် ဖြစ်ပေါ်လာရန်လည်းကောင်း၊ ရှိုင်တွာန်မိစ္ဆာကောင်က “အာဒမ်” လူသားအား ချဉ်းကပ်ဖြားယောင်းပုံကို အောက်ပါအတိုင်း ပြဆိုထားလေသည်။

“ရှိုင်တွာန်က အာဒမ်အား ဤသို့ တီးတိုးဖြားယောင်း သွေးဆောင်ပြောကြားလေသည်။ “အို… အာဒမ်၊ ကျွန်ုပ်သည် အသင့်အား နိစ္စထာဝရတည်မြဲသော သစ်ပင်ဆီသို့လည်းကောင်း၊ အိုဟောင်းယုတ်လျော့ ဆုံးရှုံးသွားခြင်းမရှိသော အုပ်ချုပ်မှု အာဏာကိုလည်းကောင်း ညွှန်ပြရမည်လော” (ကုရ်အာန် – ၂၀း၁၂၀)
တည်ငြိမ်အေးချမ်းခြင်းနှင့် အနိစ္စသဘောကို လစ်လျူရှုပြီး အတ္တလွန်ကဲ အာဏာယစ်မူးခြင်း၊ စည်းစိမ်ယစ်မူး ခြင်းတို့သည် သိသာထင်ရှားသော ဖုံးကွယ်၍ မရသော ခြားနားချက်ပင်ဖြစ်သည်။

 

ဆူရာဟ်ဘကရာဟ်၊ အာယသ်တော် (၃၆)

فَأَزَلَّهُمَا ٱلشَّيۡطَـٰنُ عَنۡہَا فَأَخۡرَجَهُمَا مِمَّا كَانَا فِيهِ‌ۖ وَقُلۡنَا ٱهۡبِطُواْ بَعۡضُكُمۡ لِبَعۡضٍ عَدُوٌّ۬‌ۖ وَلَكُمۡ

فِى ٱلۡأَرۡضِ مُسۡتَقَرٌّ۬ وَمَتَـٰعٌ إِلَىٰ حِينٍ۬

သို့ဖြစ်ရာ ရှိုင်တွာန်မိစ္ဆာကောင်က အာဒမ်နှင့် သူ့အဖော်တို့အား ယင်းသစ်ပင်နှင့်ပတ်သက်ပြီး အလ္လာဟ်အရှင်မြတ်၏ ပြဋ္ဌာန်းချက်ကို ချိုးဖောက်စေခြင်းအားဖြင့် သူတို့၏လက်ရှိအခြေအနေဖြစ်သော တည်ငြိမ်အေးချမ်းသည့် (ဂျန္နသ်) အနေအထားမှ နှစ်ဦးစလုံးကို ဆွဲထုတ်လေတော့သည်။ ထိုသို့ဖြစ်ပြီးနောက် ငါအရှင်မြတ်က “သင်တို့သည် (ငါအရှင်မြတ်ချီးမြှင့်ထားသော “ဂျန္နသ်” အနေအထားမှ) စွန့်လွှတ်ထွက်ခွာကြလေ။ သင်တို့သည်ကား လူအချို့အတွက် လူ့အချို့သည် ရန်ဖက်ဆောင်ကြလေပြီ။ သင်တို့အတွက် ဤကမ္ဘာ ဂြိုဟ်ပေါ်၌ပင် သက်တမ်းကာလတစ်ခုအထိ ပျော်ရွှင်စွာနေထိုင်ကြပါလေ” ဟု မိန့်တော်မူလေသည်။ (ဘကရာဟ် – ၃၆)

ရှင်းလင်းချက် ။ ။ လူသား၏တိုးတက်ရာ တိုးတက်ကြောင်းကို မလိုလားသူ တတိယအုပ်စုဖြစ်သည့် “အီဗလီးစ်” အုပ်စုဝင် ရှိုင်တွာန်က အလ္လာဟ်အရှင်မြတ် သတ်မှတ်ပြဌာန်းထားသော သစ်ပင် တစ်နည်းအားဖြင့် အတ္တလွန်ကဲခြင်းကို အာဒမ်နှင့် သူ၏အဖော်အား ထိတွေ့စေရန် ဖြားယောင်းသွေးဆောင်လေသည်။ ဤသို့အားဖြင့် လူသားအပေါ် အလ္လာဟ်အရှင်မြတ်က ချီးမြှင့်ထားသော တည်ငြိမ်အေးချမ်းမှုဟူသည့် ဂျန္နသ်အနေအထားနှင့် လူသားကိုသီးခြားစီ ခွဲထုတ်လိုက်လေသည်။ အတ္တလွန်ကဲလာသည်နှင့်အမျှ အာဏာယစ်မူးခြင်း၊ စည်းစိမ်ယစ်မူးခြင်း၊ စာနာထောက်ထား စိတ်မရှိခြင်းတို့က လူသား၏ဗီဇတွင် ကိန်းဝပ်လာတော့သည်။ တစ်ဦးနှင့်တစ်ဦး ရန်ဖက်အသွင် ဆောင်လာကြတော့သည်။ “ဂျန္နသ်” အမတသုခဘုံကို လက်လွှတ်ဆုံးရှုံးရလေတော့သည်။

သို့ဖြစ်ရာ လူသားတစ်ဦးချင်းမှသည် လူ့အဖွဲ့အစည်းတစ်ရပ်လုံးသည် မိမိတို့လက်လွတ်ဆုံးရှုံးသွားရသော ဂျန္နသ်ကို ပြန်လည်ရရှိနိုင်စေရန် ကြိုးပမ်းအားထုတ်ရမည်ဖြစ်သည်။ ခွင့်လွှတ်တော်မူသော အလ္လာဟ်အရှင်မြတ်က ဂျန္နသ်ကို ပြန်လည်ရယူနိုင်စေရန် အခွင့်အရေးတစ်ရပ်အနေဖြင့် ဤကမ္ဘာဂြိုဟ်ပေါ်တွင် လူသားကို အချိန်ကာလတစ်ခု အထိ အချိန်ပေး၍ ကြိုးပမ်းအားထုတ်စေခဲ့လေသည်။ လူသားက ဘယ်လိုကြိုးပမ်းအားထုတ်မည်နည်း။

 

ဆူရာဟ်ဘကရာဟ်၊ အာယသ်တော် (၃၇)

فَتَلَقَّىٰٓ ءَادَمُ مِن رَّبِّهِۦ كَلِمَـٰتٍ۬ فَتَابَ عَلَيۡهِ‌ۚ إِنَّهُ ۥ هُوَ ٱلتَّوَّابُ ٱلرَّحِيمُ

သို့ဖြစ်ရာ အာဒမ်သည် သူ့ကိုပြုစုပျိုးထောင်သော အရှင်မြတ်ဘက်ဆီသို့ ပြန်လှည့်ပြီး အရှင်မြတ်၏ ဗျာဒိတ်တော်ကို နာကြားလက်ခံ မှတ်ယူလေတော့သည်။ ဧကန်မုချပင် အလ္လာဟ်အရှင်မြတ်ကလည်း အဖန် တလဲလဲ လွတ်ငြိမ်းခွင့်ပြုတော်မူသော ရဟ်မသ်တော်အရှင်ဖြစ်သည်။ (ဘကရာဟ် – ၃၇)

ရှင်းလင်းချက် ။ ။ လူသားသည် မိမိကျူးလွန်ခဲ့သော ပြစ်မှုအတွက် ပြန်လည်ကုစားရန် အလ္လာဟ်အရှင်မြတ်၏ လမ်းညွှန်ချက်ဘက်ဆီသို့ ပြန်လည်ဦးခိုက်ရန်သာ လိုအပ်လေသည်။

 

ဆူရာဟ်ဘကရာဟ်၊ အာယသ်တော် (၃၈)

قُلۡنَا ٱهۡبِطُواْ مِنۡہَا جَمِيعً۬ا‌ۖ فَإِمَّا يَأۡتِيَنَّكُم مِّنِّى هُدً۬ى فَمَن تَبِعَ هُدَاىَ فَلَا خَوۡفٌ

عَلَيۡہِمۡ وَلَا هُمۡ يَحۡزَنُونَ

ငါအရှင်မြတ်က အာဒမ်အား ဤသို့မိန့်မှာလေသည်။ သင်တို့ တစ်စုတစ်ဝေးလုံးသည် (သင်တို့ အတွက် ချီးမြှင့်ခြင်းခံထားရပြီးသော) တည်ငြိမ်အေးချမ်းခြင်းဟူသည် ပရ၀ုဏ်မှ စွန့်ခွာထွက်ခွာသွားကြပါလေ။ သို့ပါသော်လည်း ငါအရှင်မြတ်ထံမှ လမ်းညွှန်ချက်တစ်ရပ် သင်တို့ထံသို့ မလွဲဧကန် ရောက်ရှိလာပေလိမ့် မည်။ မည်သူမဆို ယင်းလမ်းညွှန်ချက်အပေါ် ဖ၀ါးခြေထပ် လိုက်နာမည်ဆိုလျှင် ထိုသူတို့အတွက် ကြောက်ရွံ့ ခြင်းနှင့် စိုးရိမ်ပူပန်သောကဖြစ်ခြင်း အလျဉ်းရှိမည်မဟုတ်ပေ။ (ဘကရာဟ် – ၃၈)

 

ဆူရာဟ်ဘကရာဟ်၊ အာယသ်တော် (၃၉)

وَٱلَّذِينَ كَفَرُواْ وَكَذَّبُواْ بِـَٔايَـٰتِنَآ أُوْلَـٰٓٮِٕكَ أَصۡحَـٰبُ ٱلنَّارِ‌ۖ هُمۡ فِيہَا خَـٰلِدُونَ

ထိုသူတို့ကမူ ငါအရှင်မြတ်၏ အာယသ်တော်များကို သွေဖီဆန့်ကျင်ပြီး လီဆယ်လုပ်ကြံ ဖန်တီးကြလေသည်။ ထိုသူတို့သည်ကား သောကမီး၏ အပေါင်းအပါများပင်ဖြစ်သည်။ သူတို့သည် ယင်းအမူကို ကျူးလွန်နေသမျှ ကာလပတ်လုံး ယင်းသောကမီးထဲ၌ပင် ရှိနေကြပေမည်။ (ဘကရာဟ် – ၃၉)

 

ဆူရာဟ်ဘကရာဟ်၊ အာယသ်တော် (၄၀)

يَـٰبَنِىٓ إِسۡرَٲٓءِيلَ ٱذۡكُرُواْ نِعۡمَتِىَ ٱلَّتِىٓ أَنۡعَمۡتُ عَلَيۡكُمۡ

وَأَوۡفُواْ بِعَہۡدِىٓ أُوفِ بِعَهۡدِكُمۡ وَإِيَّـٰىَ فَٱرۡهَبُونِ

အို… အီစ်ရာအီလ်၏ သား၊ မြေးအပေါင်းတို့၊ သင်တို့အပေါ် ငါအရှင်မြတ်က ထောက်ပံ့ဖြည့်ဆည်းပေးခဲ့သော ငါ၏သုခချမ်းသာမှုများကို သင်တို့ သတိရ အမှတ်ရကြပါလေ။ သင်တို့သည် ငါအရှင်မြတ်နှင့်ထားရှိပြီးသော ပဋိဉာဉ်ဆိုင်ရာ ကတိက၀တ်များကို ပြီးပြည့်စုံစွာ ဆောင်ရွက်ကြပါလေ။ ငါအရှင်မြတ်ကလည်း သင်တို့ နှင့်ထားရှိပြီးသော ကတိက၀တ်များကို ပြီးပြည့်စုံစွာ ဆောင်ရွက်တော်မူပေမည်။ သင်တို့သည် ငါအရှင်မြတ်ကိုသာ အားထားကြပါလေ။ ထို့အတူ ငါအရှင်မြတ်၏ အရေးအရာများကို အထူးဂရုပြု အာရုံပြုကြပါလေ။ (ဘကရာဟ် – ၄၀)

ရှင်းလင်းချက် ။ ။ တမန်တော် ယအ်ကူဗ်၏ သား၊ မြေးအပေါင်းတို့သည် အထူးသဖြင့် တမန်တော်မူစာ၏ အွမ္မသ်တို့ သည် အလ္လာဟ်အရှင်မြတ်၏ ပဋိဉာဉ်ဆိုင်ရာ ကတိက၀တ်များကို အများဆုံး ချိုးဖောက်ကြလေသည်။ တမန်တော်မူစာ အားလည်း ကလန်ကဆန်ပြုကြလေသည်။ အလ္လာဟ်အရှင်မြတ်က အိစ်ရာအီလ်မျိုးနွယ်များကို အထူးဂရုပြုစောင့် ရှောက်လေသည်။ အထင်အရှားဆုံးသော သက်သေသာဓကတစ်ရပ်မှာ အီဂျစ်နိုင်ငံအတွင်း၌ အီစ်ရာအီလ်မျိုးနွယ်များကို အီဂျစ်ပြည့်ရှင် ဖိရ်အောင်က ရက်စက်စွာဖိနှိပ်ခဲ့သည်ကို အလ္လာဟ်အရှင်မြတ်၏ အမိန့်တော်အားဖြင့် အီဂျစ်နိုင်ငံအတွင်းမှ အီစ်ရာအီလ်မျိုးနွယ်များကို တမန်တော်မူစာက ခက်ခဲစွာ ကယ်ထုတ်ခဲ့ခြင်းဖြစ်သည်။ အီစ်ရာအီလ်မျိုးနွယ်များသည် အခက်အခဲ၊ အကျပ်အတည်း တစ်စုံတစ်ရာတွေ့ရှိခဲ့လျှင် အလ္လာဟ်အရှင်မြတ်ကို သတိရကြသော်လည်း အကျပ်အတည်းမှ လွတ်မြောက်သွားပြီဆိုလျှင် အလ္လာဟ်အရှင်မြတ်ကို မေ့လျော့သွားကြလေသည်။

 

(ဆက်လက်ဖော်ပြပါမည်)

ဆူရာဟ်ဘကရာဟ်၊ အာယသ်တော် (၁) မှ (၁၀) အထိ ပြန်ဆိုမှုအား ဖတ်ရှုရန်

ဆူရာဟ်ဘကရာဟ်၊ အာယသ်တော် (၁၁) မှ (၂၀) အထိ ပြန်ဆိုမှုအား ဖတ်ရှုရန်

ဆူရာဟ်ဘကရာဟ်၊ အာယသ်တော် (၂၁) မှ (၃၀) အထိ ပြန်ဆိုမှုအား ဖတ်ရှုရန်