ဆူရာဟ် ယာဆီးန်၊ အာယသ်တော် (၁၁) မှ (၂၀) အထိ (ပြန်ဆိုသူ – မုဖ်သီ ဦးစန်းအောင်)
بِسۡمِ ٱللهِ ٱلرَّحۡمَـٰنِ ٱلرَّحِيمِ
ဆူရာဟ် ယာဆီးန်၊ အာယသ်တော် (၁၁)
إِنَّمَا تُنذِرُ مَنِ ٱتَّبَعَ ٱلذِّڪۡرَ وَخَشِىَ ٱلرَّحۡمَـٰنَ بِٱلۡغَيۡبِۖ فَبَشِّرۡهُ بِمَغۡفِرَةٍ۬ وَأَجۡرٍ۬ ڪَرِيمٍ
`ဇိကိရ်´တည်းဟူသော ကျမ်းမြတ်ကုရ်အာန်ကို ဖ၀ါးခြေထပ်လိုက်နာသူနှင့် မမြင်ကွယ်ရာရှိ `ရဟ်မာန်´အရှင်တော်မြတ်အား ခန့်ညားရိုသေသော သူတို့ကိုသာလျှင် အသင် တမန်တော်သတိပေးဆုံးမ တရားပြနိုင်မည်ဖြစ်သည်။ သို့ဖြစ်ရာ ထိုသူတို့အား ဘေးကင်းလုံခြုံမှုနှင့် စပ်လျဉ်း၍လည်းကောင်း၊ မြင့်မြတ်လှစွာသော အကျိုးရလဒ်နှင့် စပ်လျဉ်း၍လည်းကောင်း၊ ၀မ်းမြောက်ဖွယ် သတင်းကောင်း ပြောကြားပါလေ။
(ကုရ်အာန် – ၃၆း၁၁)
ရှင်းလင်းချက် ။ ။ `ဇိကိရ်´ဟူသော အရဗီဝေါဟာရ၏အဓိပ္ပါယ်မှာ သတိရဖော်ထုတ်ခြင်း၊ စိတ်တွင်စွဲမြဲစွာ မှတ် သားထားခြင်း၊ ရည်ညွှန်းဖော်ပြခြင်း အစရှိသော အနက်သဘောကိုဆောင်ပေသည်။ ကျမ်းတော်မြတ်ကုရ်အာန်ထဲ၌ ကျမ်းတော်မြတ်ကုရ်အာန်ကို `ဇိကိရ်´ဟု ရည်ညွှန်းသတ်မှတ်ခေါ်ဝေါ်ထားကြောင်းကို အောက်ပါအာယတ်တော် အထောက်အထားများအရ သိရှိနိုင်ပေသည်။
“ငါအရှင်မြတ်သည် ဧကန်အမှန်ပင် `ဇိကိရ်´(ကုရ်အာန်)ကို ထုတ်ပြန်ပို့ချပေးခဲ့ပေပြီ။” ( ကုရ်အာန် – ၁၅း၉ )
“ယင်းအရာသည်ကား ရှင်းလင်းထင်ရှားပြတ်သားသော `ဇိကိရ် ကုရ်အာန်´မှလွဲ၍ အခြားမဟုတ်ပြီ။” ( ကုရ်အာန် – ၃၆း၆၉ )
ကျမ်းတော်မြတ်ကုရ်အာန်ကို နှလုံးသွင်းပြီး အမြဲမပြတ် သတိရဖော်ဆောင်နေသူတို့မှာ နူးညံ့သိမ်မွေ့ပြီး အလ္လာဟ်အရှင်မြတ်ကို ရိုသေခန့်ညားကြသူများဖြစ်သည်။ တစ်နည်းအားဖြင့် နှလုံးသားတံခါးကိုဖွင့်လှစ်ထားပြီး တမန် တော်မြတ်၏သတိပေးဆုံးမ တရားပြမှုကို ကြိုလင့်ကမ်းလှမ်းနေကြသူများဖြစ်သည်။ နှလုံးသားခက်ထန်သူ လှေနံဒါး ထစ် တရားသေ၀ါဒီများမဟုတ်ကြပေ။ မိမိ၏အယူအဆနှင့် ကျမ်းတော်မြတ်၏သွန်သင်ချက် လွဲနေပြီဆိုလျှင် မိမိ၏ အယူအဆကို အသာတကြည် စွန့်လွှတ်လိုက်ကြလေ၏။ သူတို့သည် သူတို့၏နှလုံးသားများကို ကျမ်းမြတ်ကုရ်အာန် အားဖြင့် တည်ငြိမ်အေးချမ်းစေလျက် ရှိကြသဖြင့် ဘေးကင်းလုံခြုံသူများဖြစ်ကြသည်။ ကျမ်းမြတ်ကုရ်အာန် (၁၃း၂၈)၌ ဤသို့ပြဆိုထားသည်။
“ယုံကြည်သူတို့၏ နှလုံးသားများအား အလ္လာဟ်အရှင်မြတ်၏ `ဇိကိရ်´(စိတ်ထဲ၌စွဲမြဲစွာ သတိရနေခြင်း) အားဖြင့် တည်ငြိမ်အေးချမ်းလျက်ရှိနေ၏။ ကောင်းစွာမှတ်ယူကြလေကုန်။ နှလုံးသားတို့သည် အလ္လာဟ့်ဇိကိရ်အားဖြင့် တည်ငြိမ်နေကြပေပြီ။” ( ကုရ်အာန် – ၁၃း၂၈ )
ဆူရာဟ် ယာဆီးန်၊ အာယသ်တော် (၁၂)
إِنَّا نَحۡنُ نُحۡىِ ٱلۡمَوۡتَىٰ وَنَڪۡتُبُ مَا قَدَّمُواْ وَءَاثَـٰرَهُمۡۚ وَكُلَّ شَىۡءٍ أَحۡصَيۡنَـٰهُ فِىٓ إِمَامٍ۬ مُّبِينٍ۬
ဧကန်အမှန်ပင် ငါအရှင်မြတ်သည် သက်ရှိကို သက်မဲ့မှ ဖြစ်ထွန်းစေတော်မူ၏။ ပြီးနောက် ယင်းသက် ရှိတို့၏ ရှေ့ခရီးဦးတည်ရာကိုလည်းကောင်း၊ နှောင်းဖြစ်စဉ်ကိုလည်းကောင်း ပြုစုမှတ်တမ်းတင်တော်မူ၏။ ထို့ပြင်မက ငါအရှင်မြတ်သည် အရာရာတိုင်းကို ရှင်းလင်းထင်ရှားစွာသော ဦးတည်ချက်များဖြင့် တွက်ချက်စီမံ ဆောင်ရွက်ထားခဲ့ပြီးဖြစ်သည်။ (ကုရ်အာန် – ၃၆း၁၂)
ရှင်းလင်းချက် ။ ။ `သက်ရှိအစ ရေကဖြစ်သည်´ဟု သိပ္ပံပညာရှင်တို့က တွေ့ရှိထားပြီးဖြစ်သည်။ ရေသည် သက်မဲ့ဖြစ်သည်နှင့်အညီ `သက်ရှိအစ၊ သက်မဲ့က´ဟု ဆိုရပေမည်။ အလ္လာဟ်အရှင်မြတ်သည် ဖန်ဆင်းခံအရာအား လုံးတို့အား စီရင်ဖြစ်ထွန်းစေပြီးနောက် သူတို့ဦးတည်ရမည့်လမ်း (သဘာဝ)ကိုပါ တစ်ဆက်တည်း တွက်ချက် သတ် မှတ်ပေးတော်မူခဲ့၏။ ဥပမာတစ်ရပ်အနေဖြင့် ကျမ်းတော်မြတ်ကုရ်အာန် (၃၆း၃၈)ကို လေ့လာကြည့်မည်ဆိုလျှင်
“ထို့ပြင် နေမင်းသည် သူ၏သွားရာလမ်းကြောင်း (သဘာဝ)အတိုင်း လှည့်ပတ်သွားလာလျက်ရှိသည်။ ယင်းသည်ကား အကြွင်းမဲ့ စွမ်းဆောင်နိုင်တော်မူသော အကြွင်းမဲ့ သိတော်မူသော အလ္လာဟ်အရှင်ြမတ်၏ တိုင်းတာသတ်မှတ် ပေးထားချက်တစ်ရပ်ဖြစ်သည်။” ( ကုရ်အာန် – ၃၆း၃၈ )
ဆူရာဟ် ယာဆီးန်၊ အာယသ်တော် (၁၃)
وَٱضۡرِبۡ لَهُم مَّثَلاً أَصۡحَـٰبَ ٱلۡقَرۡيَةِ إِذۡ جَآءَهَا ٱلۡمُرۡسَلُونَ
တစ်ချိန်သောအခါက ဒေသတစ်ခု၌ နေထိုင်ကြသူများထံသို့ ရဆူလ်တမန်တော်များ ရောက်ရှိလာ ခြင်းနှင့်ပတ်သက်ပြီး သင်တမန်တော်အနေနှင့် ယင်းဖြစ်စဉ်တစ်ရပ်ကို ဥပမာအဖြစ် ပုံဆောင်ပြပါလေ။
(ကုရ်အာန် – ၃၆း၁၃)
ဆူရာဟ် ယာဆီးန်၊ အာယသ်တော် (၁၄)
إِذۡ أَرۡسَلۡنَآ إِلَيۡہِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٍ۬ فَقَالُوٓاْ إِنَّآ إِلَيۡكُم مُّرۡسَلُونَ
အခါတစ်ပါးဝယ် ငါအရှင်မြတ်သည် ထိုဒေသနေသူတို့ထံသို့ တမန်တော်နှစ်ပါးကို စေလွှတ်ခဲ့ရာ သူတို့က ယင်းတမန်တော်နှစ်ပါးစလုံးအား မုသာဝါဒီ အကောက်ကြံသူများဟု စွပ်စွဲပြီး ငြင်းပယ်ကြလေသည်။ သို့ဖြစ်ရာ ငါအရှင်မြတ်က တတိယတမန်တော်တစ်ပါးကို အင်အားထပ်မံဖြည့်တင်းပေး စေလွှတ်ခဲ့ပေသည်။ ယင်းတမန်တော်တို့က ထိုသူတို့အား ဧကန်အမှန် ငါတို့သည် သင်တို့ထံသို့ အလ္လာဟ်အရှင်မြတ်က စေလွှတ် လိုက်သော တမန်တော်များဖြစ်သည်ဟု ကြေညာကြလေသည်။ (ကုရ်အာန် – ၃၆း၁၄)
ရှင်းလင်းချက် ။ ။ အလ္လာဟ်အရှင်မြတ်က ကမ္ဘာပေါ်ရှိ လူအုပ်စုတိုင်းအတွက် သတိပေးဆုံးမ တရားပြရန် တမန်တော်များကို စေလွှတ်ခဲ့လေသည်။ တူညီချက်တစ်ရပ်က အလ္လာဟ်စေလွှတ်သော တမန်တော်တိုင်းကို သက်ဆိုင်ရာ ဒေသရှိသူများက ဆန့်ကျင်ပုန်ကန်ကြခြင်းဖြစ်သည်။ တစ်နည်းဆိုရသော် လူသားတို့သည် မည်သို့သော အမှန်တရား၊ သစ္စာတရားဖြစ်စေကာမူ မိမိတို့၏ကိုယ်ကျိုးစီးပွားကို ထိခိုက်လာလျှင် ဆန့်ကျင်ပုန်ကန် တိုက်ခိုက်ကြစမြဲဖြစ်သည်။ အလားတူ မိမိတို့၏ ဘိုးဘွားဘီဘင် ယုံကြည်ချက်များ၊ ရိုးရာအစဉ်အလာများကို ကာကွယ်ထိန်းသိမ်းလိုသော စိတ် ဆန္ဒက ပို၍လွန်ကဲတတ်ကြလေသည်။
ဆူရာဟ် ယာဆီးန်၊ အာယသ်တော် (၁၅)
قَالُواْ مَآ أَنتُمۡ إِلَّا بَشَرٌ۬ مِّثۡلُنَا وَمَآ أَنزَلَ ٱلرَّحۡمَـٰنُ مِن شَىۡءٍ إِنۡ أَنتُمۡ إِلَّا تَكۡذِبُونَ
ဒေသခံတို့က `အသင်တို့သည် ငါတို့ကဲ့သို့ပင် သွေးနှင့်ကိုယ် သားနှင့်ကိုယ် လူသားများပင်ဖြစ်ကြပေ သည်။ `ရဟ်မာန်´အရှင်က မည်သည့်တစ်စုံတစ်ရာကိုမျှ ချပေးခဲ့သည်မဟုတ်ပေ။ အကယ်စင်စစ် သင်တို့ သည် လိမ်လည်လီဆယ်နေသူများသာ ဖြစ်ကြသည်´ဟု ပြန်လည်တုန့်ပြန်ကြလေ၏။ (ကုရ်အာန် – ၃၆း၁၅)
ရှင်းလင်းချက် ။ ။ လူသားတို့က တမန်တော်ဆိုသည်မှာ တန်ခိုးပြာဋိဟာနှင့် ပြည့်စုံသော နတ်မင်းတစ်ပါးဟု ယုံကြည်လက်ခံလိုကြသည်။ အမှန်တရား၊ သစ္စာစကားထက် တန်ခိုးပြခြင်း၊ မျက်လှည့်ပြခြင်းတို့ကို ပို၍အံ့သြအထင်ကြီး တတ်ကြသည်။ ယင်းအယူအဆများကြောင့် ခေတ်အဆက်ဆက်ပွင့်ပေါ်ခဲ့သော တမန်တော်များကို အများစုက လက်ခံလိုခြင်းမရှိပေ။
အလ္လာဟ်အရှင်မြတ်ကမူ လူသားများစံပြုစရာအဖြစ် လူသားများအနက်က တမန်တော်များကို ရွေးချယ်စေ လွှတ်ခဲ့သည်။
ဆူရာဟ် ယာဆီးန်၊ အာယသ်တော် (၁၆)
قَالُواْ رَبُّنَا يَعۡلَمُ إِنَّآ إِلَيۡكُمۡ لَمُرۡسَلُونَ
ထိုတမန်တော်တို့က `ငါတို့သည် ဧကန်အမှန်ပင် သင်တို့ထံ စေလွှတ်ခြင်းခံရသော တမန်တော်များ ဖြစ်ကြောင်းကို ငါတို့အား မွေးမြူလမ်းညွှန်တော်မူသော အလ္လာဟ်အရှင်မြတ် သိတော်မူသည်´ဟု ပြောကြ လေသည်။
(ကုရ်အာန် – ၃၆း၁၆)
ဆူရာဟ် ယာဆီးန်၊ အာယသ်တော် (၁၇)
وَمَا عَلَيۡنَآ إِلَّا ٱلۡبَلَـٰغُ ٱلۡمُبِينُ
ငါတို့ (တမန်တော်များ) ၏ တာဝန်သည်ကား ရှင်းလင်းထင်ရှားစွာသော အလ္လာဟ်အရှင်မြတ်၏ ပို့ချ ချက် သင်တို့ထံ အရောက်ပို့ရန်မှတစ်ပါး အခြားဘာမျှမရှိပြီ။ (ကုရ်အာန် – ၃၆း၁၇)
ဆူရာဟ် ယာဆီးန်၊ အာယသ်တော် (၁၈)
قَالُوٓاْ إِنَّا تَطَيَّرۡنَا بِكُمۡۖ لَٮِٕن لَّمۡ تَنتَهُواْ لَنَرۡجُمَنَّكُمۡ وَلَيَمَسَّنَّكُم مِّنَّا عَذَابٌ أَلِيمٌ۬
ဒေသခံတို့က `ဧကန်အမှန် ငါတို့သည် သင် (တမန်တော်) တို့အား မိစ္ဆာကောင်များအဖြစ် မကောင်း ဆိုးဝါးများအဖြစ် မှတ်ယူကြလေပြီ။ အကယ်စင်စစ် သင်တို့၏လုပ်ရပ်များကို မရပ်ဆိုင်းကြလျှင် ငါတို့က သင်တို့အား ကျောက်ခဲများဖြင့် ပစ်ပေါက်၍ ချေမှုန်းလိုက်ကြခြင်းဖြင့် ပြင်းထန်သောတုန့်ပြန်ဖြိုခွင်းမှုကို သင်တို့ ရင်ဆိုင်ကြရပေတော့မည်´ဟု ပြောကြလေသည်။ (ကုရ်အာန် – ၃၆း၁၈)
ရှင်းလင်းချက် ။ ။ အမှန်တရား၊ သစ္စာစကားကိုကျောခိုင်းပြီး မိမိတို့၏ကိုယ်ကျိုးကို ရှေ့တန်းတင် ဖက်တွယ်ထား ကြသူများသည် မိမိတို့၏ ကိုယ်ကျိုးစီးပွားကို ထိခိုက်လာပြီဆိုပါက ပြင်းပြင်းထန်ထန် တုံ့ပြန်လက်စားချေတတ်သော လူမိုက်များဖြစ်ကြသည်။ ပြဿနာ၏အကြောင်းအကျိုး၊ အတိမ်အနက်၊ အရင်းခံတို့ကို ထည့်သွင်းစဉ်းစားခြင်းမရှိကြ ချေ။ အင်အားသုံးပြီး ဖြေရှင်းတတ်ကြသည်။ သူတို့၏ လောဘ၊ ဒေါသ၊ မောဟ၊ မာန်မာန၊ ရမ္မက်ဆန္ဒတို့က သူတို့၏ ဦးနှောက်ကို ချုပ်ငြိမ်းစေလိုက်၏။ သူတို့၏မျက်စေ့များကို ပိတ်လိုက်ကြ၏။ မိမိတို့၏ အားသာချက်များကို မှားယွင်းစွာ အလွန်အကျွံ အသုံးချလိုက်ကြလေသည်။
ဆူရာဟ် ယာဆီးန်၊ အာယသ်တော် (၁၉)
قَالُواْ طَـٰٓٮِٕرُكُم مَّعَكُمۡۚ أَٮِٕن ذُڪِّرۡتُمۚ بَلۡ أَنتُمۡ قَوۡمٌ۬ مُّسۡرِفُونَ
တမန်တော်များက ပြောသည်မှာ `သင်တို့၏မိစ္ဆာအယူဝါဒများ၊ မကောင်းဆိုးဝါးများသည် သင်တို့နှင့် သာ အတူရှိနေကြသည်။ သင်တို့အတွက် သစ္စာစကား၊ ဆုံးမစကား၊ မြွက်ကြားခံရခြင်းသည် မိစ္ဆာလုပ်ရပ်ဖြစ် ပါမည်လော။ အကယ်စင်စစ် ထိုသို့အလျဉ်းမဟုတ်ပေ။ အသင်တို့သည်သာလျှင် ကျူးလွန်ဖောက်ဖျက်သူများ ဖြစ်ကြသည်။ (ကုရ်အာန် – ၃၆း၁၉)
ရှင်းလင်းချက် ။ ။ မိစ္ဆာအယူဝါဒကို ဖက်တွယ်ထားသူတို့အတွက် အမှန်တရား၊ သစ္စာစကားသည် လုံးဝဆန့်ကျင် ဖက်ဖြစ်သည်။ သူတို့က သစ္စာစကားကို မကြားလိုကြပေ။ မမြင်လိုကြပေ။ သို့သော် သူတို့က သစ္စာဝါဒီတို့အား အမြဲတမ်း စွပ်စွဲပြောဆိုလေ့ရှိကြသည်။ အမှန်တကယ်မှာတော့ သူတို့ကိုယ်သူတို့ လိမ်လည်လှည့်ဖြားနေကြခြင်းသာ ဖြစ်သည်။
ဆူရာဟ် ယာဆီးန်၊ အာယသ်တော် (၂၀)
وَجَآءَ مِنۡ أَقۡصَا ٱلۡمَدِينَةِ رَجُلٌ۬ يَسۡعَىٰ قَالَ يَـٰقَوۡمِ ٱتَّبِعُواْ ٱلۡمُرۡسَلِينَ
ထိုစဉ်အခါ မြို့အစွန်အဖျားမှ လူတစ်ယောက်သည် အပြေးအလွှား ရောက်ရှိလာခဲ့သည်။ ပြီးနောက် `အို… အမျိုးသားအပေါင်းတို့၊ သင်တို့သည် ဤရစူလ်တမန်တော်တို့၏လမ်းစဉ်ကို ဖ၀ါးခြေထပ် လိုက်နာကြ ပါလေ´ဟု ပြောကြားလေသည်။
(ကုရ်အာန် – ၃၆း၂၀)
(ဆက်လက်ဖော်ပြပါမည်)
ဆူရာဟ် ယာဆီးန်၊ အာယသ်တော် (၁) မှ (၁၀) အထိ ပြန်ဆိုမှုအား ဖတ်ရှုရန်