“၁၄၉၄ နှစ်မြောက် မဟာတမန်​တော်​နေ့ အခမ်းအနား”

ဆု​​တောင်းပြည့်အစ္စလာမ်ဝတ်​ကျောင်း​တော်(၅၉လမ်း) မှာပြုလုပ်ကျင်းပသည့် “၁၄၉၄ နှစ်မြောက် မဟာတမန်​တော်​နေ့ အခမ်းအနား” ကို (17.11.2019) နေ့မှာ အောင်မြင်စွာကျင်းပခဲ့ပါတယ်။
အခမ်းအနားတွင် သဘာပတိအဖွဲ့အဖြစ် …
ဆုတောင်းပြည့်အစ္စလာမ်ဝတ်ကျောင်းတော်အတိုင်ပင်ခံ အကြံပေးပုဂ္ဂိုလ် အလ်ဟဂ်ျ ဦးကျော်နိုင်ဦး၊ အလ်ဟဂျ် ဦးသန်းလွင်၊ကုရ်အာန်အသိပညာပြန့်ပွားရေးအဖွဲ့ ဥက္ကဌ မုဖ်သီဦးစန်းအောင်၊ ဘိုင်သုလ်မာမကော်မတီ ဥက္ကဌ မုဖ်သီဦးသန်းအောင် တို့က ဆောင်ရွက်ခဲ့ပါတယ်။အခမ်းအနားမှူးအဖြစ် ဒေါ်စန္ဒာဝင်း က ဆောင်ရွက်ခဲ့ပါတယ်။
၁၄၉၄ နှစ်မြောက်တမန်တော်နေ့ အခမ်းအနားကို ​ရှေးဦးစွာစူရဟ်ဖာ​​​​သိဟာကို ​စုပေါင်းရွတ်ဆိုဖွင့်လှစ်ခဲ့ပါတယ်။ ဆက်လက်ပြီး တမန်တော်မြတ်အပေါ် ကျမ်းမြတ်ကုရ်အာန်ကဂုဏ်ပေးချီးမြှောက်ထားသော အာယသ်တော်များကို ရွတ်ဆို ဂုဏ်ပြုခဲ့ကြပါတယ်။ ​သဘာပတိအဖွဲ့ဝင်များဖြစ်ကြ​သောအကြံပေးပုဂ္ဂိုလ်များက အမှာစကား​များချီးမြှင့်ခဲ့ကြပါတယ်။ ဆက်လက်ပြီး အခမ်းအနားကို နှင်းဆီဖြူကန်ပိန်းပြုလုပ်သူများလာရောက်ပြီး ငြိမ်းချမ်းရေး နှင်းဆီဖြူများဝေငှာပေးခဲ့ကြပါတယ်။ ပြီးတဲ့​နောက်မှာ တရား​ဒေသနာ​တော် များ​ဟောကြားတဲ့ အစီအစဥ်များကို ဆက်လက်ပြုလုပ်ခဲ့ပါတယ်။တရားဟောကြားသည့် အစီအစဥ်အပြီး​တွင် နှစ်ဘဝသခင်ကျေးဇူးတော်ရှင် မဟာတမန်တော်မြတ် (ဆွ) ထံတော်သို့ ဆလဝပ် စလမ် မေတ္တာပို့သခြင်း အစီအစဥ်ကို
ကြွ​ရောက်လာကြ သော လူကြီးမင်းများအားလုံးစုပေါင်းပြီး
ပို့သ​ပေးခဲ့ကြပါတယ်။နိဂုံးချုပ်အမှာစကားနှင့်​ကျေးဇူးတင်စကားကို ကကုရ်အာန်အသိပညာပြန့်ပွားရေးအဖွဲ့ ဥက္ကဌ ဦးစန်းအောင်က ​​ပြောကြားခဲ့ပြီး ကုရ်အာန်သု​တေသီဦးခင်မောင်က ဆုမွန်ဒိုအာဖြင့် အခမ်းအနားကို အောင်မြင်စွာရုပ်သိမ်းခဲ့ပါတယ်။
အခမ်းအနား တစ်ခုလုံးကို အဖက်ဖက်မှပါဝင်ဆောင်ရွက်ပေးခဲ့သော ကုရ်အာန်အသိပညာပြန့်ပွားရေးအဖွဲ့မှ အဖွဲ့ဝင်များ၊ Volunteer များ၊ အခမ်းအနားအတွက် လှူဒါန်းမှူ ပြု​သော အလှူရှင်များ အားလုံး တို့ကို အထူးပင်ကျေးဇူးတင်ရှိပါတယ်။

#ပြန်ကြားရေးအဖွဲ့(SEQK)